Kolose 2:13 - Tedim Bible

¹³ Mawhna-ah ahi zongin, pumpi vunatna ngah lohna-ah ahi zongin si-in a om note, Khazih tawh kibangin hong hingsak a, eite khialhna khempeuh a hong maisak hi.

Tedim Bible Revision 2017

¹³ A beisa hunah na mawhna uh hangin kha thu tawh kisai-in misi na hi uh a, Gentail mi na hih manun Thukham nei lote na hi uh hi. Ahi zongin Khris hangin Pasian in note hong hingsak a, i mawhna khempeuh hong maisak khinta hi.

Kolose 2:13 Referans Kwoze

Efesa 2:1

Note in nidang lai-inah leitung thu na zui uh a, van lama vangliatna a uk topa ahi nialna’ tate tungah tu-in zong na a sem kha’ deihna bangin, na mawhnate uh, na gitlohnate uh sungah si-in na om lai takun Pasian in note hong nungta sak hi.

ROM (Romans) 8:11

Zeisu a thokiksak Pasian’ Kha Siangtho in note sungah a om leh, Khazih Zeisu a thokik sakpa in, note sungah a teeng a Kha Siangtho hangin, a si thei na pumpi uh zong hin’na a pia ding hi.

2 KORIN NIHNA 3:6

Pasian sungah kihih khinzo bek ahih mah bangin kiciamna thak’ nasemte suah zawh nading siamna Pasian in kote hong pia hi. Tua bang ka cih ciangin Thuciam lui thu cihnopna hi lo, Kha Siangtho thu cihnopna hi. Bang hang hiam na cih uh leh, Thuciam lui thu in hin’na a that thei hi, Kha Siangtho thu in a hingsak thei hi.

Hebru 9:14

tua tham loin, mawhna nei loin a tawntung Kha Siangtho tawh amahmah Pasian biakna-a kipia Khazih’ sisan in a nungta Pasian biak nadingin nomau pumpi kisuan’na lungsim uhah a om sihna tawh kipawl gamtatnate tawh kipelhin a siangthosak nadingin a bawl theizaw ding hilo ahi hiam?

2 KORIN NIHNA 5:19

Tua thu in, Pasian in Khazih sungah om a, leitungmite’ mawhna ciamteh loin amah tawh kilemsak a, tua kilemsakna thu kote hong pia hi.

Efesa 2:11

Tua ahih ciangin khut tawh kibawl ci-le-sa sungah kibawl ‘vunat’ kici mite in vunat lo a cih uh, ci-le-sa pan Gentail mi ahi note in,

Luka 15:32

Ahih hangin, na nau ahih leh tuma-in a si hi, tu-in a nungta kik hi. Tuma-in a mang hi, tu-in a kimu kik ahih man-inah nopna leh lungdamna bawl tuak hi,’ ci-in a gen hi,” ci-in a hilh hi.

Luka 15:24

Bang hang hiam na cih uh leh, a sisa ka tapa a nungta kik hi. A mangsa ahih hangin tu-in kimu kik hi,’ ci-in a nasemte a sawl hi. Amaute in lungdamin pawi a kham uh hi.”

Late 71:20

Gimna lianpipite hong tuaksak nangmah in keimah nong hing kiksak ding a, lei thukpi sung panin nong lakhiato kik ding hi.

Jeim 2:26

Kha tawh a om lo pumpi in a si ahih mah bangin gamtatna hoih om lo upna in a si hi.

Efesa 5:14

Tua ahih ciangin: “A ihmu mi aw, Khanglo in la, sihna pan thokik in! Tua bang ahih leh, Khazih in nang tungah hong taang ding hi,” a ci hi.

1 KORIN MASA 15:45

Lai Siangtho sungah a kigelh mah bangin, “A masa bel Adam in a nungta mihing a suak hi,” kici hi. A nunung bel Adam in nuntakna a pia thei kha a suak hi.

ROM (Romans) 6:13

Tua tham loin na pum tung nate in diklohna’ hiam a suah nadingun mawhna kiangah na pia kei un. Sihna pan a thokik mi bangin, Pasian kiangah na pumpi uh na pia un. Dikna’ hiam bangin Pasian kiangah na pumpi tung nate zong na pia un.

1 JOHAN MASA 2:12

Ka ta neute aw, ama min hangin na mawhna uh a kimaisak ahih ciangin, note kiangah lai kong gelh hi.

1 KORIN MASA 15:36

Lungpil lo mi aw, nang na tuh khaici in a kisiat kei leh, a hing thei kei ding hi.

Johan 5:21

Pa in mi sisate a thosak, a hingsak kik mah bangin Tapa in zong ama deihte a hingsak thei hi.

Luka 9:60

Zeisu in, “Misite in amau misite na vui ta hen. Nang na hih leh, pai in la, Pasian’ Gam’ thu na hilh in,” a ci hi.

Isaiah 55:7

mi gilopa ama gitlohna nusia sak un la, thuman lopa ama ngaihsutna nusia sak un; amah in a hehpih theih nadingin Topa tung leh i Pasian tungah amah paikik sak un, bang hang hiam cih leh a mawhna maisiangsak ding hi.

Late 119:50

Hih in ka thuakna-ah keima kihehnepna hi a, na thuciamna in kei, nuntakna hong pia hi.

Hebru 6:1

Tua ahih ciangin sihna tawh kipawl gamtatnate, kisikkikna, Pasian upna, baptaiznate thuhilhna, khutngakna, misite’ thawhkikna, thukhen tawntungnate a bulpi, eite in lamkik loin, Khazih’ ngeina a kipatna thute koihin kicin’ nadingin kahto ni.

1 TIMOTI MASA 5:6

Ahih hangin a mawktatna-ah, nopsa-a a om meigongnu ahih leh, a nuntak hangin si-in a om hi.

ROM (Romans) 4:17

“Ke’n nangmah mipawl tampite’ pa ka hong suaksak zo hi,” ci-in Lai Siangtho sungah a kigelh mah bangin a site thosak a, a piang nai lote a piangsa bangin a ciamtehpa Pasian ahi, amah in a up Pasian mai-ah Abraham in eite khempeuh’ pa ahi hi.

Johan 6:63

Nuntakna a piapa in kha ahi hi. Sa in phattuamna a pia zo kei hi. Note kiangah kong thugenna in kha leh nuntakna ahi hi.

Jeremiah 31:34

Kuamah in midangte leh a sanggamte uh’ kiangah, ‘Topa thei in,’ ci-in a kihilh nawn kei ding uh hi: bang hang hiam cih leh Topa in kong cih-inah, amaute a neupen panin a lianpen dongin, a vekpi-un kei a hong thei ding uh hi. Bang hang hiam cih leh amaute’ khialhnate ka maisak ding a, amaute’ mawhnate zong phawkin ka nei nawn kei ding hi,” a ci hi.

Isaiah 1:18

Topa in hih bangin ci hi: “Tu-in hong pai un la, thu kikum khawm ni; na mawhnate uh puansan a bat hangin vuuk bangin hong ngo ding hi; na mawhnate uh si bangin a san hangin tuumul bangin hong kaang ding hi.

Jeim 2:20

Kiphasakpa aw, gamtatna hoih om loin upna in phattuamna om lo hi cih theinuam na hi hiam?

Jeim 2:17

Tua mah bangin gamtatna hoih om lo, upna in khat bek om a hih ciangin si-in a om hi.

1 TIMOTI MASA 6:13

Topa Zeisu Khazih hong kilat dongin nang in a nin baang loin mawhsak nading om loin, thupiakna na zuih nadingin na khempeuh a nungta sak Pasian mai-ah ahi zongin Pontias Pilat maiah pha takpi-a thuman teci a pang Khazih Zeisu mai-ah ahi zongin, keimah in nangma tungah thu kong pia hi.

Late 32:1

Ama khialhna kimaisak a, ama mawhna a kituamcipsak pa in thupha ngah mi ahi hi.