Kolose 2:11 - Tedim Bible

^11-12 Khazih’ sungah vunatna hangin ci-le-sa pumpi paaikhia-in, khut tawh kibawl lo vunatna Topa tawh na ngah uh baptaizna hangin, amah tawh na kivui khawm uh hi. Khazih sihna pan a thosak Pasian’ vangliatna na upna uh hangin baptaizna ngahin tua Topa tawh thawhkikna na ngah uh hi.

Tedim Bible Revision 2017

¹¹ Amah tawh na kipawlna uh hangin mihingte in pumpi vun a at uh bang hi loin, Khrisʼ vun-atna ahi mawhnopna lungsim tawh kipelhna a ngah khinta na hi uh hi.

Kolose 2:11 Referans Kwoze

ROM (Romans) 2:29

A sung lam Judah mi in Judah mi ahi takpi hi. Vun atna in zong thukham Lai Siangtho thu bang hi lo, Kha Siangtho bangin lungsim tawh a kipawl hi. Tua banga vun at mite in mite kiangah phatna ngah loin, Pasian kiangah phatna a ngah uh hi.

Filippi 3:3

Bang hang hiam na cih uh leh, Pasian Kha Siangtho hangin bia a, i pumpi muang loin, Khazih Zeisu hangah lungdamna kisaktheihna bek a nei eite in, vun-atna taktak a ngah mite i hi hi.

ROM (Romans) 6:6

Khialhna tawh kipawl pumpi a kisuksiat nading ahi zongin, eite in mawhna’ sila a, i om loh nading ahi zongin, eite pumpi lui in amah tawh singlamteh tungah sihna a thuak khawm zo hi cih i thei hi.

Galati 5:24

Khazih Zeisu’ aa-te in si-le-sa’ deihna leh lunggulhnate singlamteh tungah a khencip zo uh hi.

Thu-hilhkikna 30:6

Note in na lungsim khempeuh uh leh na nuntakna khempeuh uh tawh Topa na Pasian uh itin na hin’ theih nadingun, Topa na Pasian un note leh na suan leh khakte uh tungah thuman’ nopna lungsim hong guan ding hi.

Galati 2:20

Keima pumpi a nungta lai ahi kei hi, Khazih in keima sungah a nungta hi. Tu-in ka pum sungah a nungta ka nuntakna in kei hong it a, keimah tangding ama pumpi a paai Pasian Tapa’ upna tawh a nungta hi.

2 KORIN NIHNA 5:17

Tua ahih ciangin Khazih sungah a om mi in mithak a suak hi. Alui nate kikheel a, athak a piang zo hi.

Hebru 9:24

Tua mah bangin a siangthona mun taktak lim ahi, mi khut tawh kibawl a siangtho mun sungah Khazih tum lo hi. eite taang dingin tu-in Pasian mai-ah a pumpi a lah nadingin vantungah a tum hi.

Thu-hilhkikna 10:16

Tua ahih ciangin Topa’ thu mang un la, lung khauh nawn kei un.

Hebru 9:11

Tu-in khut tawh kibawl lo, hih leitung tawh kipawl lo, a lianzaw, a kicing zaw bukah, a nung ciangin a suak ding phattuamnate siampi ahi Khazih in eite ading a tawntung tatkhiatna thupha hong ngahsak khit ciangin, keel’ si, bawng’ si tawh hi lo, amahmah sisan tawh Siangtho Bel Mun sungah khatvei a tum hi.

Jeremiah 4:4

Judah mite leh Jerusalem khua mite aw, Topa’ tungah vun at un la, na lungtang uh vun at un. Na tua cih kei leh na bawl uh mawhnate hangin, ka hehna mei bangin hong kuangkhia ding a, a phelh zo kuamah om lo ding hi,” a ci hi.

2 KORIN NIHNA 5:1

Kote omna ahi leibuk in a siat leh, khut tawh kibawl lo Pasian’ bawlsa, a kisia ngei lo vantungah inn a om cih ka thei uh hi.

Sawltak 17:24

Leitung akipan leitung sung na khempeuh a piangsak Pasian in, van leh lei uk mangpa ahih ciangin, mi’ khut tawh kibawl biakna innah a teeng ahi kei hi.

Sawltak 7:48

Sang Pen Pasian in mi khut tawh kibawl inn sungah a teeng zo kei hi. Pasian’ kamsangpa in:

Luka 2:21

Tua naungeek’ vunat nading ni giat a cin’ khit ciangin, a gai ma-a vantungmi in a phuah kholh mah bangin a min Zeisu a phuak uh hi.

ROM (Romans) 7:24

Lunggim mi ka hi takpi hi! Hih a si ding pumpi panin kua in hong honkhia ding hiam?

Kolose 3:5

Tua ahih ciangin numei tawh mawhna, kihhuai gamtatna, nu leh pa kilunggulh luatna, deihgawhna, milim biakna ahi, huaihamna note sungah a om nate sisak un.