Kolose 2:1 - Tedim Bible

^1-2 Note leh Laodikia khuamite-a kipan kei maitang mu ngei lo mi a om khempeuhte in, ki-itna tawh kipawlin Khazih ahi Pasian’ thu thukpi thei-in up khialhna om lo pilna hauhnate tawh dimin, lungsim kihehnep nadingin bang zaha lian kidemna, kidona ka thuak thu note ka hong theisak nuam hi.

Tedim Bible Revision 2017

¹ Note a kipan Laodisia khua mite le kei a hong thei ngei nai lo mi khempeuhte ading nangawnin hahkat takin na ka sem hi.

Kolose 2:1 Referans Kwoze

Kolose 1:29

Tua bang deihna-in kei in hahkatin keima tungah, vanglianpi tawh hong bawlphatna bangin semin, demin ka om hi.

Mangmuhna 1:11

“Nangmah in na muhte, lai sungah gelh in la, Efesa khua, Smurna khua, Pergamum khua, Thiatira khua, Sardis khua, Filadelfia khua, Laodikia khua-ah om pawlpi sagihte kiangah khak in,” ci-in hong genna kam ka za hi.

Kolose 1:24

Tu-in note adingin gimna thuakna ah lungdamin, Khazih’ gimna neu kha a kisam lai, pawlpi ahi ama pumpi adingin keima pumpi sungah hong kicingsak hi.

Sawltak 20:38

Tu nung ciangin ama maitang a mu nawn kei ding uh hi a cihna kammal hangin a dah pen uh hi. Amaute in Paul teembaw ah a kha uh hi.

1 PETER MASA 1:8

Tua Topa note in na muh ngeiloh uh hangin na it uh hi. Tu-in zong na muh theih loh uh hangin umin, vangliatna tawh kipawl a kigen thei lo nopna lungsim tawh lungdamin, na kha uh gupkhiatna ahi note upna’ tupna mun na ngah uh hi.

Kolose 2:5

Keima pumpi in note tawh kikhenin ka om hangin, ka lungsim note tawh omkhawm a, note in a ngeina bangin na bawl theihna uh ahi zongin, Khazih sungah upna kipin na om uh ahi zongin ka muh ciangin ka lung a dam hi.

Galati 4:19

Khazih in note sungah kip-a, a om matengin note ading ta suak gimna ka thuak ka ta neute aw,

Sawltak 20:25

Ka pai kawikawi-a Pasian’ Gam thu kong hilh note khempeuh in keima maitang na mu nawn kei ding uh hi cih tu-in ka thei hi.

Luka 22:44

Amah gim mahmah ahih ciangin, nakpi-in thungen a, a khua-ul in lei tungah sisan malgol bangin a kia hi.

Hebru 5:7

Tua Khazih in mi pumpi bangin a om lai takin, sihna pan a honkhia zopa kiangah kikona, khitui luan’na tawh thungenin thuum a, Pasian kihtakna lungsim hangin thungaihna ngahin,

1 THESALONIKA MASA 2:2

Note in na theih uh mah bangin kote in Filippi khua-ah zawn’khalna leh bawlsiatnate ka thuak khit uh ciangin, i Pasian suangin nakpi-in nialna tawh Pasian’ Lungdamna Thu nomau kiangah lau loin ka hong hilh uh hi.

Piancilna 30:8

Tua ciangin Rachel in, “Nakpi tak-a hanciamna tawh ka sanggamnu ka zo hi,” ci hi; tua ahih ciangin ama in Naftali phuak hi.