Kolose 1:29 - Tedim Bible

²⁹ Tua bang deihna-in kei in hahkatin keima tungah, vanglianpi tawh hong bawlphatna bangin semin, demin ka om hi.

Tedim Bible Revision 2017

²⁹ Hih bang a tangtun theih nadingin Khris in kei tungah a hong piak ka thahatna khempeuh zangin, nakpi takin na semin ka hanciam hi.

Kolose 1:29 Referans Kwoze

1 KORIN MASA 15:10

Ahih hangin Pasian’ hehpihna thupha hangin ka hi bangin ka hi hi. Ka ngahsa hehpihna thupha a mawkna ahi kei hi, sawltakte khempeuh sangin hahkat zaw-in ka sem hi. Tua bang ka cih hangin kei a hahkat ka hi kei hi; keimah tawh a omkhawm Pasian’ hehpihna thupha in a hahkat hi.

Efesa 1:19

eite tungah hong bawlpha a lian mahmah vangliatna bangzaha lian ahi zongin note in na theih nadingun, na pilna mittang uh a vak nadingin thu ka ngen hi.

Efesa 3:7

A vangliatna-a bawlphatna bangin keimah hong piak Pasian’ hehpihna ka ngah mah bangin, tua Lungdamna Thu a hilh nasem ka suak zo hi. A kizong khia khin zo lo Khazih hauhna thu Gentailte kiangah hilh dingin ahi zongin,

Filippi 2:13

Bang hang hiam na cih uh leh, note in ama deihna bangin na sepnop nading uh leh na sep theih nadingun Pasian mahmah in nomau sungah hong sem ding hi.

Hebru 13:21

ama deihna thu Zeisu Khazih hangin eite sungah hong bawlna, note in a deihna na zuih nadingun ahoih na khempeuh ah hong kicingsak ta hen. Tua Topa in a tawntungin minthan’na ngah ta hen. Amen.

Kolose 2:1

Note leh Laodikia khuamite-a kipan kei maitang mu ngei lo mi a om khempeuhte in, ki-itna tawh kipawlin Khazih ahi Pasian’ thu thukpi thei-in up khialhna om lo pilna hauhnate tawh dimin, lungsim kihehnep nadingin bang zaha lian kidemna, kidona ka thuak thu note ka hong theisak nuam hi.

2 THESALONIKA NIHNA 3:8

A man pia loin kuama an ka ne kei uh hi. Note lakah kuamah tungah vangik ka suah loh nadingun gimpi-in hahkatin, sun tawh zan tawh na ka sem uh hi.

1 THESALONIKA MASA 2:9

Ute naute aw, kote in gimpi mahmahin nasemin ka hahkatna thu uh na thei uh hi. Note lakah mi khat peuhmah tungah vangik ka suah loh nadingun kote in sun tawh, zan tawh nasemin Pasian’ Lungdamna Thu note kiangah ka hong hilh uh hi.

Kolose 4:12

Note lakah a piang Khazih Zeisu’ sila Epafras in note hong hopih hi. Note kicingin Pasian’ deihna khempeuh ah lunghihmawhna om loin na lungkim nadingun, note ading hahkatin thu a ngen tawntung hi.

Filippi 2:16

Tua ahih leh, kei in a mawkna-in tai ka hi kei a, a mawkna-in nasemin hahkat ka hi kei hi ci-in Khazih’ Ni ciangin lungdam kisathei-in ka om ding hi.

1 KORIN MASA 12:11

Hih thu khempeuh Kha Siangtho khat bek in bawl a, ama deihna bangin mikim tungah a hawmsak hi.

ROM (Romans) 15:20

Ahi hi. Midangte khuamphuhna tungah ka lam loh na’ngin, Khazih’ min a kizak ngeilohna munah Lungdamna Thu hilh dingin lungsim takpi tawh ka hahkat hi.

Mangmuhna 2:3

nang in thuakzawhna nei-in ka min hangin zong, gim lo cim loin na thuak thu ahi zongin ka thei hi.

2 TIMOTI NIHNA 2:10

Tua ahih ciangin a kiteel mite in zong a tawntung minthan’na tawh Khazih Zeisu sungah gupna a ngah nadingun na khempeuh ka thuak hi.

Filippi 1:27

Note in galte hangin lau loin, lungsim kha khatah kipin, Lungdamna Thu tawh kipawl upna ading, lungsim kituakin na hahkatna uh, ka hong tun’ ciangin note tawh kimu-in ahi zongin, a kikhenin i om ahi zongin ka zak theih nadingin Khazih’ Lungdamna Thu tawh akilawm akituakin gamtat ding na hanciam un.

Efesa 3:20

Eite tungah hong bawl vangliatna mah bangin, i nget i ngaihsut sangin ahih thei zaw Pasian tungah pawlpi sungah ahi zongin, Zeisu Khazih sungah ahi zongin khan tawntungin minthan’na om tawntung ta hen! Amen.

2 KORIN NIHNA 13:3

Note lakah thanem lo-a a thahat Khazih in keima tungah hong genna teci note in na zong uh ahih ciangin, ka hong tun’ ciangin ka hong dawm kei ding hi.

2 KORIN NIHNA 11:23

Amaute in Khazih’ nasemte ahi uh hiam? Kei in zong ka hizaw hi ci-in mihai bangin ka gen hi. Gim mahmaha nasem zaw mi, thong sungah khiatna a thuakzaw mi, satna tupna kisim zo lo a thuak mi, sihna ding tawh tam veipi kituak ka hi hi.

2 KORIN NIHNA 6:5

satna tupna thuakna, thong sung khumna, mi tawh kitotna, nasepna, ihmu lo a, ngakna, gilkial thuakna,

2 KORIN NIHNA 5:9

Tua ahih ciangin kote in pumpi sung ahi innah ka om uh hi taleh, pumpi tawh kikhenin ka om uh hi taleh, Pasian ka lungdamsak nading uh ngimna nei-in ka hahkat uh hi.

1 KORIN MASA 12:6

Nasepna atuam atuam a om hangin mi khempeuh tungah na khempeuh a bawl Pasian khat bek a om hi.

ROM (Romans) 15:30

Ute naute aw, keimah in Judah gamah a om thu nialte’ khut tung pan ka suahtak nading ahi zongin, Jerusalem khuapi-ah keimah in an vaakna ka sep ding misiangthote in a deih nadingun ahi zongin, Pasian’ deihna bangin lungdamna tawh note omna-ah kong tung ding a, note tawh noptuamna ka ngah khawm nadingin ahi zongin, note in keimah tawh hahkatin keimah ading Pasian kiangah thu na ngetsak ta un, ci-in i Topa Zeisu Khazih leh Kha Siangtho-a itna tawh note kong thuum hi.

Luka 13:24

Zeisu in, “Kong kawciik ah na lut zawh nadingun hahkat un. Bang hang hiam na cih uh leh, tampi in a lut nop ding uh hangin a lut zo kei ding uh hi, kong ci hi.

Hebru 12:4

Note in mawhna khialhna tawh kido-in sisan suah dongin na thuak nai kei uh hi.