Kolose 1:28 - Tedim Bible

²⁸ Khazih hangin mi khempeuh in kicin’na ngahin mi khempeuh tungah pia dingin, kote in mi khempeuh phawksakin pilna apawlpawl tawh tai-in, hilhin Khazih’ thu ka hilh uh hi.

Tedim Bible Revision 2017

²⁸ Tua ahih manin a milip tungah Khrisʼ thu ka hilh uh a, Khris tawh a kipawlna uh hangin a milipin a khang cingin Pasianʼ omna ah ka tunpih theih nadingun a milip tungah hilhin ka gen khol uh hi.

Kolose 1:28 Referans Kwoze

Jeremiah 3:15

“‘Ka lungsim bang tuucing kong pia ding-a, amaute in pilna leh siamna tawh note hong uk ding uh hi.

Efesa 5:27

a nin ban’na om lo, sa tonna om loin, a mel kilawma om pawlpi, Khazih in amahmah a kipiak nading-inah Pasian’ thu tawh tui-ah a sil khit ciangin, siangthosak nadingin tua pawlpi adingin ama pumpi a pia hi.

Mattiu 5:48

Tua ahih ciangin, vantungah a om na Pa uh a migi mah bangin na migi ta un.”

Kolose 3:16

Khazih’ thu in pilna apawlpawl tawh note sungah om ta hen. Late-a kipan biakna la leh Kha Siangtho tawh kipawl la apawlpawl tawh note khat leh khat kihilhin, kitai-in, hehpihna thupha lungsim nei-in, Pasian tungah lasa-in phat un.

1 KORIN MASA 2:6

A kicing mite kiangah pilna thu i gen hi. Ahih hangin leitung pilna thu ahi zongin, a mangthang ding hih leitung ukte’ pilna thu ahi zongin ka hilh kei uh hi.

Kolose 1:22

ci leh sa-ah sihna a thuak maninah tu-in kilemna a hong piangsak hi. Bang hang hiam na cih uh leh, van nuai-ah a om a pian’sak khempeuhte kiangah hilhin note in na zaksa uh Lungdamna Thu lametna pan kiam loin, khuam bangin kiphutin, kipna tawh na up uh leh, siatna om lo a, siangtho-in Pasian mai-ah hong kipiak nading ahi hi. Keimah Paul zong tua thu tawh kipawl a, nasemin hong kikoih zo hi.

2 KORIN NIHNA 11:2

Na thuak taktak un. Bang hang hiam na cih uh leh, keimah in note nungak siangtho bangin Khazih kiangah kong piak nadingin pasal khat tawh ka hong kiteengsak zo ahih ciangin, Pasian tawh kipawl lunghihmawhna tawh, note ading ka lunghimawh hi.

2 KORIN NIHNA 4:5

Kote in komau thu ka hilh kei uh hi. Zeisu Khazih in Topa ahi hi cih ahi zongin, kote in Zeisu Khazih ading note’ sila ka hi uh hi, cih ahi zongin ka hilh uh hi.

Sawltak 20:31

Tua ahih ciangin kikem un. Keimah in kum thum tawntung sun tawh zan tawh pelh loin mi khempeuh khitui tawh hilhin, ka om na mangngilh kei un.

Sawltak 8:35

Filip in kam ka a, tua Lai Siangtho pan akipan Zeisu thu a gen hi.

Hebru 10:14

Bang hang hiam na cih uh leh, siangthona a ngah mite, khatvei biakna tawh kicin’ tawntungna a ngahsak hi.

1 TIMOTI MASA 3:2

Tua ahih ciangin thuhilhpa in mawhsak nading tawh a kipelh mi, zi khat bek a nei mi, a lungsim kip mi, a khuaval lo mi, a kilawm a kituak-a gamta mi, zindo siam mi, thuhilh siam mi ahi ding hi.

Kolose 2:10

Ukna thu leh vangliatna thu a uk Topa sungah note in kicingin na om uh hi.

1 KORIN MASA 12:8

Bang hang hiam na cih uh leh, tua Kha Siangtho tawh mi khat kiangah pilna thu a pia hi. Tua Kha Siangtho tawh mi khat kiangah siamna thu a pia hi.

2 KORIN NIHNA 10:14

Note dong hong ban lo bangin kote in khengin sem ka hi kei uh hi. Bang hang hiam na cih uh leh, Khazih’ Lungdamna Thu hilh dingin note omna dongin kong tung zo uh hi.

1 KORIN MASA 15:12

Tu-in Khazih in sihna pan a thawhkikna thu a kihilh ciangin, “Misite thawhkikna a om kei hi,” ci-in note lakah mi kimkhat in bang hangin a ci uh hiam?

1 KORIN MASA 1:30

Tua Pasian hangin note in Khazih Zeisu sungah na om uh hi. Tua Khazih Zeisu in eite ading Pasian kiang pan pilna, dikna, sian’thona leh tatkhiatna hong suak zo hi.

Luka 21:15

Bang hang hiam na cih uh leh, na galte khempeuh un hong nial theih loh hong sel theih loh nadingin gen theihna kam leh pilna note kong pia ding hi.

1 KORIN MASA 2:15

Kha Siangtho a nei mi in na khempeuh khen thei a, amah ahih leh kuamah in a khen thei kei hi.

1 KORIN MASA 1:23

Eite i hih leh, singlamteh tungah a si Khazih’ thu i hilh hi. Tua thu in Judah mite ading kipukna ahi hi. Gentailte ading haina ahi hi.

ROM (Romans) 16:25

Tanglai tawntung kiseel khin a, tu-in kilangin mipawl khempeuh in um-in thu a man’ nading uh, kamsangte’ Lai Siangtho sungah a kigelh tawntung Pasian’ thupiakna bangin Lungdamna Thu leh Zeisu Khazih hong kilatna hangin note hong kipsak zo Topa khat bek in,

Sawltak 17:3

Khazih in sihna a thuak khit ciangin sihna pan a thawhkik nading thu om a, “Kong thu hilh Zeisu in Khazih ahi hi,” ci-in a tel takin lakin thu a hilh hi.

Sawltak 10:36

Mi khempeuhte’ Topa ahi, Zeisu Khazih hangah thupha Lungdamna Thu kihilhin, Israel mite a vaikhak mah bangin,

Sawltak 9:20

‘Zeisu in Pasian’ Tapa hi’ ci-in kikhopna inn sungah thakhatin thu a hilh hi.

Sawltak 8:5

Filip in Samaria khua-ah pai-in Khazih thu a gen hi.

Sawltak 5:42

Biakna innpi sungah ahi zongin, amau innah ahi zongin, ni simin, “Zeisu in Khazih ahi hi” ci-in Lungdamna Thu tawlnga loin hilhin, thu a gen uh hi.

Marka 6:34

Zeisu paikhia a, mihonpi a muh ciangin, a cing om lo tuute tawh kibang hi ci-in hehpihhuai sa a, thu tampi a hilh hi.

Mattiu 28:20

Keimah in note kong piak thukham khempeuh a tan’ dingun na hilh ta un. Keimah in leitung a bei dongin note tawh ka omkhawm tawntung ding hi,” ci-in a vaikhak hi.

Mattiu 3:7

Farisai-te leh Saddusi-te a kibaptaiz dinga hong pai Johan in a muh ciangin, “No mualtan’ suante aw, a hong tung ding hehna pan na taikhiat nadingun kua in hong hilhkhol hiam?

Jeremiah 6:10

Keimah in ka dawngkik a, “Amaute in a zaktheih dingun kua’ kiangah va gen ding ka hi hiam? En in, a bil uh bing a, khua za thei lo uh hi. Topa’ thu simmawh uh a, lungdamna-in la lo uh hi.

Thuhilh-sia 12:9

Thugen Siampa, mipil ahih ban-ah ama theih teng, mite tungah hilh hi. Amah in paunakte, lim takin sin a, aman ahihna thu hoih takin entel hi.

Paunak 8:5

Ngaihsut kicing nai lote aw, na lungsim uh picing sak un. Mihaite aw, thu ngaihsun un.

Thu-hilhkikna 4:5

En un, note in luah dingin na lutna gam sungah na zuih dingun Topa ka Pasian in kei hong thupiak bangin thukhamte leh ngeina kipte kong hilh khin zo hi.

2 PETER NIHNA 3:15

I it i sanggampa Paul in a ngah lungpilna bangin no kiangah gelhin hong piak lai ahi zongin, ama thuhilhna lai khempeuh ah ahi zongin, hih nate tawh kizomin a gelh mah bangin i Topa’ thuakna in gupna thu ahi ci-in na ciamteh un.

Hebru 13:21

ama deihna thu Zeisu Khazih hangin eite sungah hong bawlna, note in a deihna na zuih nadingun ahoih na khempeuh ah hong kicingsak ta hen. Tua Topa in a tawntungin minthan’na ngah ta hen. Amen.

1 TIMOTI MASA 3:16

Pasian biakna thu thukpi in bang zah lian hiam cih nial nading a om kei hi: ‘Amah in pumpi-ah a kilang hi, a thumanna Kha Siangtho tawh a kilang hi, vantungmite in a mu uh hi, minam khempeuh lakah a thu kihilh hi, Leitung khempeuh ah a thu ki-um hi, minthan’na tawh vantungah kilak tohna a ngah hi.’

1 THESALONIKA MASA 4:6

hih thu-ah kuamah in a u, a nau tungah kheemna tawh a khialh loh nading ahi zongin a hong deih hi. Kote in hilhin, thuciam ka hong piaksa uh bangin Topa in tua banga khialhna khempeuh a thuk mi ahi hi.

1 KORIN MASA 4:14

Kong zumsak nadingin hih bangin gelh ka hi kei hi. Ka it ka tate bangin hilh nadingin kong gelh hi.

Sawltak 13:38

Tua ahih ciangin ute naute aw, tua pa hangah mawhna kimaisakna thu nomau kiangah hong kihilh zo hi ci-in na thei ta un.

Sawltak 11:20

Ahih hangin Saipras mi leh Sairin mi kimkhat in Antiok khuapi-ah a tun’ uh ciangin Topa Zeisu’ Lungdamna Thu Grik mite kiangah zong a hilh uh hi.

Ezekiel 7:10

“Siat nading hun hong tung ta hi. Na ngongtatna uh khang a, na kiphatsakna uh lian hi.

Sawltak 17:18

Epikura leh Stoik lungpilte kimkhat in Paul tawh kidem uh a, kimkhatte in, “Hih kam tam pau theipa in bang gen nuam ahi hiam?” a ci uh hi. Kimkhatte in, “Hih pa in gamdang pasiante thu hilh hi leh kilawm hi,” a ci uh hi. Bang hangin hih bangin a gen uh hiam i cih leh, Paul in Zeisu leh hin’kikna thu a hilh hang hi.

Ezra 7:25

“Tua hi a, nang Ezra in nang tungah hong kipia na Pasian’ pilna tawh kizui-in Eufrates Gungal gam sunga mite thu a khen dingin na Pasian’ thukham a thei mite seh in; nang leh amaute in na Pasian’ thukham a thei lote na hilh ding uh hi.

Kolose 2:3

Tua Khazih sungah pilna sum, theihna sum a om khempeuh kiseelin om hi.

Kolose 4:12

Note lakah a piang Khazih Zeisu’ sila Epafras in note hong hopih hi. Note kicingin Pasian’ deihna khempeuh ah lunghihmawhna om loin na lungkim nadingun, note ading hahkatin thu a ngen tawntung hi.