Kolose 1:24 - Tedim Bible

²⁴ Tu-in note adingin gimna thuakna ah lungdamin, Khazih’ gimna neu kha a kisam lai, pawlpi ahi ama pumpi adingin keima pumpi sungah hong kicingsak hi.

Tedim Bible Revision 2017

²⁴ Tu-in ka pumpi-in ka thuakna tawh Khris in ama pumpi ahi pawlpi adingin a thuak ding a kisam lai teng a kitaangcingsak suak ka hih manin note adingin ka thuakna thu ah ka lung a dam hi.

Kolose 1:24 Referans Kwoze

ROM (Romans) 5:3

Tua tham loin gimna i thuak ciangin i lungdam hi. Bang hang hiam na cih uh leh, gimna in thuakzawhna a piangsak hi.

2 TIMOTI NIHNA 1:8

Tua ahih ciangin Topa teci pan’na ahi zongin, tua Topa’ thongkiapa ahi keimah ah ahi zongin zum kei in. Pasian hong piak a vangliatna bangin Lungdamna Thu tawh kizomin gimna na thuak in.

2 KORIN NIHNA 7:4

Note kiangah lau loin ka hong ci hi; note hangin ka kisathei mahmah hi. Hehnepna tawh ka dim hi. Ka thuakna uh gimna khempeuh ah a kigen thei loin ka lungdamzaw hi.

Efesa 3:13

Tua ahih ciangin note’ minthan’ nading ngaihsunin note ading ka thuak gimna hangin lungkia kei un ci-in kong hanthawn hi.

Jeim 1:2

Ka u ka naute aw, ze-etna apawlpawl na thuak uh ciangin lungdam nading bek a hi ci-in na ciamteh un.

Kolose 1:18

Amah in pawlpi ahi, pumpi’ lutang ahi hi. Na khempeuh ah amahmah a sangbel a suah nadingin a kipahtawi hi a, misite lakpan Ta upa a suak hi.

Sawltak 5:41

Tua ciangin sawltakte in Zeisu’ min hanga zumhuaina thuak dinga kilawm a kisak manun ah lungdamin, upa vaihawmna pan a paikhia uh hi.

Efesa 3:1

Tua thu hangin note phattuam nadingin ngaihsunin, keimah a hong piak Pasian’ hehpihna thupha note in na zak uh leh, Gentail mi ahi note hangin Khazih Zeisu’ thongkiapa kei Paul in,

Efesa 1:23

Tua pawlpi in na khempeuh, na khempeuh tawh a kicing sakpa’ kicin’na a hi Khazih’ pumpi ahi hi.

ROM (Romans) 8:17

Tate i hih leh, gamhluahte i hi hi. Khazih tawh kibangin vangliatna ngah nadingin amah tawh gimna thuak khawm leng, amah tawh gamluah khawm ding i hi hi.

1 KORIN MASA 12:27

Note in Khazih’ pumpi na hi uh hi. Na vekpi-un a nate na hi uh hi.

2 KORIN NIHNA 6:10

a dahte bang ahi zongin a nuam tawntung mi hi-in, a zawng mite bang ahi zongin a ngah a hau mite hi-in, sum khat beek a nei lo mi bang ahi zongin na khempeuh a nei mite hi-in Pasian’ nasemte ka hi takpi uh a, na khempeuh tawh kilangin ka lak uh hi.

2 KORIN NIHNA 12:15

Keimah in note kha uh nopsak nadingin ka neihsate ahi zongin, ka pumpi ahi zongin, lungdamna tawh ka beisak nuam hi. Keimah in note a tam zaw-in kong it leh, note in kei a tawm zaw-in nong it ding uh hiam?

Marka 10:39

“Ka hih zo uh hi,” a cih uh ciangin, Zeisu in, “Ka dawn ding hai na dawn takpi ding uh hi. Ka thuak ding baptaizna zong na thuak ding uh hi.