Kolose 1:22 - Tedim Bible

^22-23 ci leh sa-ah sihna a thuak maninah tu-in kilemna a hong piangsak hi. Bang hang hiam na cih uh leh, van nuai-ah a om a pian’sak khempeuhte kiangah hilhin note in na zaksa uh Lungdamna Thu lametna pan kiam loin, khuam bangin kiphutin, kipna tawh na up uh leh, siatna om lo a, siangtho-in Pasian mai-ah hong kipiak nading ahi hi. Keimah Paul zong tua thu tawh kipawl a, nasemin hong kikoih zo hi.

Tedim Bible Revision 2017

²² Ahi zongin, a Tapa a pumpi mahmah in a hong sihna hangin note, a cidam, a siangtho, paubaanna om het loin ama kiangah hong lak theih nadingin Pasian in note ama lawmin a hong bawl khinta ahi hi.

Kolose 1:22 Referans Kwoze

Efesa 5:27

a nin ban’na om lo, sa tonna om loin, a mel kilawma om pawlpi, Khazih in amahmah a kipiak nading-inah Pasian’ thu tawh tui-ah a sil khit ciangin, siangthosak nadingin tua pawlpi adingin ama pumpi a pia hi.

Juda 1:24

Note na kipuk loh nadingun hong kemin, mawhna om loin, lungdam mahmahin note ama’ minthan’na mai-ah hong koih thei, i Topa Zeisu Khazih hangin eite’ Honpa Pasian khat bek tungah minthan’na, thupitna, vangliatna leh ukzawhnate tu-ma hun khempeuh, tu laitak leh a tawntungin om ta hen! Amen.

Hebru 10:10

Tua deihna tawh, Zeisu Khazih’ pumpi khatvei piakna hangin eite in siangthona i ngah hi.

Titu 2:14

Tua Topa in mawhna khempeuh sungpan eite hong tankhia dingin ahi zongin, gamtatna ahoihte ah lungsim utna nei-in, ama hong neihtuam dingin, ama ading siangthosak dingin ahi zongin eite ading ama pumpi a pia hi.

ROM (Romans) 7:4

Tua mah bangin ka ute ka naute aw, note in zong midang a kici sihna pan a thokik mi’ zi na hi uh a, Pasian’ deihna bangin gah na gah nadingun Khazih’ pumpi hangin na si uh a, Thukham tawh na kikhen uh hi.

Hebru 13:21

ama deihna thu Zeisu Khazih hangin eite sungah hong bawlna, note in a deihna na zuih nadingun ahoih na khempeuh ah hong kicingsak ta hen. Tua Topa in a tawntungin minthan’na ngah ta hen. Amen.

2 KORIN NIHNA 11:2

Na thuak taktak un. Bang hang hiam na cih uh leh, keimah in note nungak siangtho bangin Khazih kiangah kong piak nadingin pasal khat tawh ka hong kiteengsak zo ahih ciangin, Pasian tawh kipawl lunghihmawhna tawh, note ading ka lunghimawh hi.

2 PETER NIHNA 3:14

Tua ahih ciangin ka itte aw, note in hih nate lamenin na om uh ahih ciangin, ama mai-ah mawhsakna om lo, ninna tawh kinuh loin nuam takin na om nadingun na hahkat un.

1 THESALONIKA MASA 4:7

Pasian in kihhuaina-ah eite hong sam ahi kei hi, sian’thona-ah hong sam hi.

Luka 1:75

Ama sila David’ suan lak panin, Eite adingin kii khat ahi alian hong Gumpa a piangsak zo hi.

Late 51:7

Puknah tawh hong nul in, kei ka siang ding hi; hong sil in, vuk sangin ka ngozaw ding hi.

JOB (Job) 25:5

Ama mit-ah khapi nangawn taang sa zo lo a, aksite nangawn siang sa zo lo hi.

JOB (Job) 15:15

Pasian in a siangtho vantungmite nangawn muang lo ahih leh, ei mawhnei mite bang hong ci muan’ mah ding ahi hiam?

2 SAMUEL NIHNA 22:24

Ama mai-ah kawk ka baang kei a, kisuan’na dangte panin ka kikem hi.

2 KORIN NIHNA 4:14

Topa Zeisu sihna pan a thosakpa in Zeisu tawh kote zong hong thosak kik ding a, note tawh a kiangah a hong tum khawmsak ding hi cih ka thei hi.

2 KORIN NIHNA 5:18

Na khempeuh Pasian panin a piang hi. Pasian in Khazih hangin amah tawh hong kilemsak a, tua kilemna thu tawh kipawl nasepna za kote hong pia hi.

Kolose 1:28

Khazih hangin mi khempeuh in kicin’na ngahin mi khempeuh tungah pia dingin, kote in mi khempeuh phawksakin pilna apawlpawl tawh tai-in, hilhin Khazih’ thu ka hilh uh hi.

1 PETER MASA 3:18

Bang hang hiam na cih uh leh, Khazih in a pum tawh sihna thuakin, kha tawh nuntakna ngah a, eite Pasian kiangah hong khak nadingin a mi dik mi in, mi diklote tangding mawhna hangin khat vei bek gimna a thuak hi.