Kolose 1:17 - Tedim Bible

¹⁷ Tapa in na khempeuh a pian’ ma-in om a, amah hangin na khempeuh a kip hi.

Tedim Bible Revision 2017

¹⁷ Na khempeuh khat beek a om ma-in amah om khinta a, amah tawh a kipawl manin na khempeuh ama mun sansan ah hoihtakin a om thei hi.

Kolose 1:17 Referans Kwoze

Hebru 1:3

Tua a Ta in Pasian’ vangliatna meel leh pianlim hi a, ama vangliatna tawh na khempeuh kipin, eite mawhnate amahmah in a sian’sak khit ciangin, a sang mun vangliatna ziat lamah tu-in a om hi.

1 KORIN MASA 8:6

Pasian khat bek ahi Pa sung pan na khempeuh piang a, amah bek adingin eite i om a, tua Pasian khat bek i nei hi. Topa khat bek hangin eite akipan na khempeuh a pian’na, Zeisu Khazih khat bek i nei hi.

Sawltak 17:28

Bang hang hiam na cih uh leh, Pasian hangin eite i hing, i tang, i nungta hi. Tua mah bangin note’ lai-atpa khat in a gen mah bangin, ‘Eite in ama suan i hi hi,’ a ci hi.

Johan 17:5

Pa aw, leitung a om ma-in nangma kiangah ka neihsa minthan’na tawh tu-in nangma kiangah kei hong minthangsak in.”

Johan 8:58

Zeisu in, “Ke’n aman takpi kong cih-inah, Abraham’ pian’ ma-in kei ka om hi,” a ci hi.

Mangmuhna 1:8

“Keimah in Alfa leh Omega ka hi,” ci-in tu lai taka om, a om ngei, tu nung ciangin hong pai ding mi ahi Vanglianpen Topa Pasian in a gen hi.

Kolose 1:15

Tua Tapa in mittang a, kimu thei lo Pasian’ lim hi a, a om khempeuhte mai-ah zong ta Upa ahi hi.

Isaiah 44:6

Topa, Israel Kumpipa leh amah Honpa, Vanglianpen Topa in hih bangin gen a: “Keimah in a masa pen leh a nunung pen ka hi hi; kei sim loh Pasian dang om lo hi.

Late 75:3

Leitung leh a tunga teengte khempeuh a kilin’ ciangin, a khuampite a kipsakpa in keimah ka hi hi.

Mangmuhna 1:17

Tua mi ka muh ciangin kei in a khe kiangah mi si bangin ka puk hi. Tua lai takin amah in a khut taklam ka tungah nga-in, “Lau kei in Keimah in a masa bel leh a nunung bel mi ka hi hi.

Hebru 13:8

Zeisu Khazih in zanni, tuni, atawntungin kikheel loin a om hi.

Mangmuhna 2:8

“Smurna khua-ah a om pawlpi’ vantungmi kiangah hih bangin gelh in. ‘A masa bel leh a nunung bel ahi tham loin, nidang lai-inah sihna a thuak zo, tu-in a nungta mi’ thupiakna in:

Micah 5:2

Bethlehem Efrathah khua aw, nang in Judah gamah khuaneupen khat na hi a, ahi zongin nang’ sung panin Israel a uk ding khat ka piangsak ding hi. Ama gui in nidang lai, taangtawng pek tawh kizom hi.

1 SAMUEL MASA 2:8

Amah in leivui panin mizawngte phong to a, amah in a cimawhte a lungkhamna panun phong to hi. Uliante tawh tukhawmsak a, minphatna ngahsak hi. Bang hang hiam cih leh leitung khuampite Topa aa hi a, tuate tungah amah in leitung pumpi koih hi.

Mangmuhna 1:11

“Nangmah in na muhte, lai sungah gelh in la, Efesa khua, Smurna khua, Pergamum khua, Thiatira khua, Sardis khua, Filadelfia khua, Laodikia khua-ah om pawlpi sagihte kiangah khak in,” ci-in hong genna kam ka za hi.