Kolose 1:12 - Tedim Bible

^12-13 Khuavakna sungah a om misiangthote’ luahna, eite in zomin i luah theih nadingin hong bawlin, khuamialna’ vang pan eite hong hotkhiat khit ciangin, a it a Tapa’ Gam sungah hong tumsakpa Pasian hehpihna ka phat uh hi.

Kolose 1:12 Referans Kwoze

Sawltak 20:32

Tu-in Pasian kiangah note kong pia hi. Note hong kipsak nading ahi zongin, misiangthote khempeuh tawh a kibangin note in luahna na ngah nading uh ahi zongin, ahih thei Pasian’ hehpihna thupha ah note kong ap hi.

Efesa 1:11

Ama deihna tawh kipawl hanciamna bangin tanglai peka eite hong ciamtehsa bangin eite in tua Khazih sungah luahna na i hi hi.

Efesa 1:18

hong sapna tawh kipawl lametna in bang ci bang lametna hi ahi zongin, misiangthote’ neih Topa luahna vangliatna bangzaha lian ahi zongin,

Sawltak 26:18

Tua Gentailte in khuamial sung pan khuavak lamah galkah a, Satan’ ukna pan Pasian kiangah kihei ding a, mawhna kimaisakna a ngah ding uh a, kei hong up manunah sian’thosakna a ngahsa mite tawh luahna a ngah khawm nadingun, amau mittang uh na hon’sak dingin, amau kiangah kong paisak ding hi,’ ci-in thu hong pia hi.

Efesa 3:6

Tua thuthuk in: Gentailte in Lungdamna Thu hangin Judah mite tawh a luah khawm mi, pumpi khat’nate suak khawmin Khazih Zeisu tawh kipawl thuciamna a zomkhawm mi a suak uh hi.

2 KORIN NIHNA 5:5

Tua bang thupha ngah nading a hong bawlpa in Pasian ahi hi. Tua Pasian in hong tung ding hun ading Kha Siangtho ahi maleep eite hong pia zo hi.

ROM (Romans) 8:17

Tate i hih leh, gamhluahte i hi hi. Khazih tawh kibangin vangliatna ngah nadingin amah tawh gimna thuak khawm leng, amah tawh gamluah khawm ding i hi hi.

Hebru 3:14

Bang hang hiam na cih uh leh, eite in i kipat cil upna bangin a tawp dongin i kip leh, Khazih tawh a ngah khawmte i hi ding hi.

Johan 14:6

Zeisu in, “Keimah in lampi ka hi hi, thuman thutak ka hi hi, nuntakna lah ka hi hi. Kei hong suang loin kuamah in Pa kiang a tung zo kei ding hi.

Mangmuhna 21:23

Ni tan’na, kha tan’na zong tua khuapi-ah a kisam kei hi. Bang hang hiam na cih uh leh, Pasian’ vang in tua khuapi a tangsak a, Tuuno in zong tua khuapi’ meivak ahi hi.

Efesa 5:20

Na khempeuh ah hong hehpihna lian hi ci-in i Topa Zeisu Khazih’ min suangin Pa Pasian tungah lungdamna na puak tawntung un.

1 KORIN MASA 8:6

Pasian khat bek ahi Pa sung pan na khempeuh piang a, amah bek adingin eite i om a, tua Pasian khat bek i nei hi. Topa khat bek hangin eite akipan na khempeuh a pian’na, Zeisu Khazih khat bek i nei hi.

ROM (Romans) 15:27

Ahi hi, lungsim takpi a nei uh ka cih hangin amaute in tuate tungah leiba nei-in a kingaihsun uh hi. Bang hang hiam na cih uh leh, Gentailte in Kha Siangtho piak thuphate Judah mite tawh a ngah khawm uh ahih leh, leitung sum pia-in amau zong Judah mite a vaak ding uh a kilawm hi.

Paunak 16:1

Mite in bangbang a geel zongin, Topa’ deihna bang bekin a piang ding hi zaw hi.

Paunak 4:18

Ahi zongin thuman mite’ zuih lampi ahih leh, sun dong a taang pha semsem zing khuavak tung tawh kibang hi.

Jeim 3:9

Tua leii tawh eite in i Topa leh i Pa i phat thei hi, Pasian’ lim banga kibawl mite, leii tawh i samsia thei hi.

Hebru 3:1

Tua bang ahih leh, vantunggam tawh kipawl hong sapna thupha a ngah misiangtho ute naute aw, a thuman Sawltak leh Siampi Ukpa ahi ci-a i san’ Zeisu tel takin enin ngaihsun un.

Kolose 3:17

Kampau ahi zongin, bawlna ahi zongin, na hihna khempeuh uhah Topa Zeisu’ min suangin, tua Topa hangah Pa Pasian’ hehpihna phatin na khempeuh na bawl un.

Kolose 3:15

Note lungsim sung uhah Khazih’ nopna na uksak un. Tua bang deihna-in note in pum khat bek sungah hong sapna a ngah na hi uh hi. Hehpihna phatna lungsim na nei un.

Efesa 5:4

A kilawm lo kihhuaina kam, a mawkna kam, amawkna kamsiate zong paaikhia un la, Pasian’ hehpihna phatna kamte zang un.

1 KORIN MASA 9:23

Midangte tawh Lungdamna Thu ka ngah khawm nadingin Lungdamna Thu ading na khempeuh ka bawl hi.

ROM (Romans) 11:17

A hiang kimkhat in a kitan khit ciangin gamlak oliv hiang ahi nangmah in, amau pum tungah pehin kibulh a, hiangte tawh kibangin oliv sing thazung tui zomin na neek leh,

ROM (Romans) 9:23

A vangliatna a lah nading a masa a bawlsa hehpihna a ngah belte ahi

Johan 20:17

Zeisu in, “Hong len kei in. Bang hang hiam na cih leh, ka Pa kiangah ka kahto nai kei hi. Ka sanggamte kiangah pai in la, ‘Ka Pa ahi note’ Pa, ka Pasian ahi note’ Pasian kiangah ka kahto ding hi,’ ci-in amaute kiangah va gen in,” ci-in a sawl hi.

Johan 4:23

A bia taktakte in Kha leh thuman thutak tawh, Pa Pasian a biak ding uh hun hong tung ding tham loin a hong tung zo hi. Bang hang hiam na cih leh, Pa Pasian in amah bia dingin tua bang mite a zong hi.

Mattiu 25:34

Tua ciangin a ziatlamah a omte kiangah Kumpipa in, ‘Ka Pa kiangah hehpihna ngahte aw, leitung pian’cil akipan, note ading a kibawlkholsa Gamah hong pai un la hong luah un.

Daniel 2:23

Nang ka pu ka pate’ Pasian na hi a, Ka hong phat a, ka hong zahtak hi. Nangmah in pilna leh thahatna na hong pia zo hi; thungetna zong za a, kumpipa kianga ka gen ding thu nong lak zo hi,” a ci hi.

Late 116:7

Lungmuang takin ka om ding hi; bang hang hiam cih leh kei tungah Topa hong thunuam hi.

Late 97:11

Thuman mite’ tungah khuavak hong taang a, lungsim thutang mite’ tungah lungdamna hong tung hi.

Late 79:13

Tua ciangin, nangma mi, nangma gamsung tuu ahi kote in, na tungah lungdamna kong lak ngitnget ding uh a, a khang a khangin nangmah phatnate ka gengen ding uh hi.

Late 36:9

Bang hang hiam cih leh nuntakna tuinak nang tawh om a, na khuavak sungah kote in khuavak ka mu uh hi.

1 KHANG TANGTHU MASATE 29:20

Tua ciangin David in a kikhawmte khempeuh tungah, “Topa na Pasian uh phat un,” a ci hi. Tua ciangin a kikhawmte khempeuh in a pute a pate uh Pasian Topa phat in, a lu uh kun uh a, Topa bia-in kumpipa tungah zahtakna bawl uh hi.

1 KUMPI MASATE 6:7

Inn a kilam ciangin a kitawhna panin a kibawlsa suangte tawh kilam hi; tua ahih manin a kilam lai takin hei ahi a, sek ahi a, sik nazat khat peuhpeuh ahi zongin awgingte biakinn huang sungah kiza lo hi.

Mangmuhna 22:14

“Nuntakna kung kiangah pai ding kilawm a, khuapi sungah khuapi kongpi pan tum theih nading thu ngah nadingin, amau puan uh a sawpsiang mite in thupha ngah mite ahi uh hi.

Mangmuhna 22:5

A nung ciangin zan om nawn lo ding hi. Amaute in meivakna ahi zongin, ni tan’na ahi zongin a kisam kei ding uh hi. Bang hang hiam na cih uh leh, Topa Pasian in amau khuavakna a pia ding hi. Amaute in zong a tawntungin a mang ding uh hi.

1 JOHAN MASA 1:3

Ahi hi. Pa tawh, ama Tapa Zeisu Khazih tawh ka kihopih uh ahih ciangin, note in kote tawh na hong kihopih theih nadingun ko ka muh uh nate, ka zak uh nate, note kiangah ka hong lak uh hi.

1 PETER MASA 5:1

Tua ahih ciangin upa ahi tham loin, Khazih’ gimna thuakna a mu teci hi a, a kilang ding vangliatna a zom ding keimah in note lakah a om upate kong hansuah hi.

Titu 2:14

Tua Topa in mawhna khempeuh sungpan eite hong tankhia dingin ahi zongin, gamtatna ahoihte ah lungsim utna nei-in, ama hong neihtuam dingin, ama ading siangthosak dingin ahi zongin eite ading ama pumpi a pia hi.

2 KORIN NIHNA 11:14

Hih thu in lungmanhuai hi lo hi. Satan nangawn in khuavak tawh kipawl vantungmi bangin a kibawl thei hi.

Efesa 2:18

Bang hang hiam na cih uh leh, Khazih hangin ei pawl nihte in Kha Siangtho khat tawh Pa kiangah nai-in lut theih nading thu i ngah hi.

Efesa 5:8

Bang hang hiam na cih uh leh, nidang lai-inah note in khuamial na hi uh hi; tu-in na hih uh leh, Topa sungah khuavak na hi uh hi. Tua ahih ciangin khuavak’ tate bangin na gamta un.

Efesa 5:11

a gah nei lo khuamial gamtatna tawh kipawl lo tham loin, tua gamtatna a mawhna na lak un,