Kolose 1:11 - Tedim Bible

¹¹ thahatna tawh dimin ahi zongin Topa tawh a kilawmin gamta-in, na khempeuh ah a hong theihsak nadingin Pasian tawh kipawl theihna leh pilna apawlpawl tawh, ama deihna khempeuh na tel nadingun thu ka ngen uh hi.

Tedim Bible Revision 2017

^11-12 Note in lungduai maitai takin thuak zo-in, khuavak gam sungah a om Pasianʼ mite tawh nopsakna a ngahkhawm thei dingin a hong bawl i Pa tungah lungdamna na koh theih nadingun a minthang ama vangliatna in note tungah thahatna hong guan tahen.

Kolose 1:11 Referans Kwoze

Efesa 3:16

Ka thungetna in: Topa in ama Kha Siangtho hangin note sung mi un hatna tawh kip tawntungin,

Filippi 4:13

Hong thahatsakpa Khazih hangin na khempeuh ka hih thei hi.

Efesa 4:2

Na khempeuh panin kiniamsakna tawh, lungnemna tawh, lungduaina tawh dimin, itna lungsim tawh khat leh khat kithuakin,

Efesa 6:10

A khak belin, Topa-ah ahi zongin, ma vangliatna’ hatna-ah ahi zongin, thahatin om un.

2 KORIN NIHNA 4:7

Ahih hangin a lian mahmah vangliatna in ko kiang pan hi lo, Pasian kiang pan ahih nadingin tua sum leibeel sungah kiguangin kote in ka nei uh hi.

Sawltak 5:41

Tua ciangin sawltakte in Zeisu’ min hanga zumhuaina thuak dinga kilawm a kisak manun ah lungdamin, upa vaihawmna pan a paikhia uh hi.

Mangmuhna 14:12

Hih na-ah Pasian’ thukhamte leh Zeisu upna a zui misiangthote thuakna a om hi.

2 PETER NIHNA 1:6

lungpilna tungah noptat khamna, noptatna khamna tungah thuakna, thuakna tungah Pasian biakna lamah nopsakna,

Paikhiatna 15:6

Topa aw, na taklam khut, vangliatna-ah minthang hi, Topa aw, na taklam khut in galte thehthang hi.

ROM (Romans) 2:7

A pha lamsang ah gamta a, minthan’na, zahtakna, leh muat lohna a zong mite nuntak tawntungna a pia ding hi.

Sawltak 1:8

Ahih hangin Kha Siangtho in nomau tungah hong kumsuk khit ciangin vangliatna na ngah ding uh a, Jerusalem khua-a kipan Judah gam, Samaria gam khempeuh leh leimong dongin ka teci na hi ding uh hi,” a ci hi.

Isaiah 45:24

“Topa’ hang bekin dikna leh thahatna kingah hi, hong kici ding hi; kei hong mudahte khempeuh mindai-in maizum ding uh hi.

Paunak 24:10

Haksakna na tuah ciangin na lung a kiat leh, a gina lo mi na hi hi.

Late 63:2

Tua ahih ciangin na vangliatna leh na minthan’nate mu dingin biakinn sungah nangmah kong en hi.

1 KORIN MASA 16:13

Note in kikemin ngak un. Upna ah na kip un. Pasal tawh kibangin thacingin, thahat un.