Kolose 1:10 - Tedim Bible

¹⁰ Ka thungetna un: note in gamtat hoihna apawlpawl ahi gah gahin, Pasian theihna pilna khan’ tohna nei-in ahi zongin, lungdamna tawh na khempeuh thuakin lungduai nadingin ama minthan’na, vangliatna bangin,

Tedim Bible Revision 2017

¹⁰ Tua bang hileh Topaʼ deihna bangin nungta-in, amah a lungkimsak ding thute bek na sem tawntung ding uh a, na gamtatnate uh a hoih bekbek hong hi-in, Pasianʼ thu na theihna uh hong khang semsem ding hi.

Kolose 1:10 Referans Kwoze

Efesa 4:1

Tua ahih ciangin a hong sapna thupha note in na ngah uh tawh kituakin na zuih nadingun, Topa hanga thongkia keimah in hansuahin kong zol hi.

Hebru 13:21

ama deihna thu Zeisu Khazih hangin eite sungah hong bawlna, note in a deihna na zuih nadingun ahoih na khempeuh ah hong kicingsak ta hen. Tua Topa in a tawntungin minthan’na ngah ta hen. Amen.

1 JOHAN MASA 3:22

A piak thupiaknate zui-in, amah a lungdamsak ding nate i bawl maninah i ngetna peuhmah ama kiang pan i ngah hi.

Johan 15:16

Note in kei nong teel kei uh hi; no kong teel hi. Note pai-in, a tampi na gah khit uh ciangin, na gah uh a kip nadingin kong koih zo hi; tua ciangin ka min tawh thu na nget khempeuh uh Pa in hong pia ding hi.

1 THESALONIKA MASA 4:1

A khak bel thu in ute naute aw, note in bang ci nuntak ding ahi zongin, Pasian lungdamsak nadingin bang ci gamtat ding ahi zongin kote kiang pan na ngah khin zo uh hi. Tua ahih manin tua mah bangin na khangto semsem un ci-in Topa Zeisu paulamin, hong thuumin kong hansuah uh hi.

Hebru 13:16

Thupha bawlna, sum hawmnate na mangngilh kei un. Bang hang hiam na cih uh leh, Pasian in hih bang biaknate ah a lungdam hi.

Johan 15:8

Note in tampi na gah uh leh, ka Pa’ minthan’na na kilangsak ding uh a, note in ka nungzuite na hi takpi ding uh hi.

Titu 3:14

I mite in zong a gah nei lo mi hi loin, kisapnate a ngah nadingun, gamtatna ahoih a hih tawntung nadingun sin uh hen.

2 PETER NIHNA 3:18

Hehpihna thupha ah ahi zongin, i Topa leh Honpa Zeisu Khazih theihtelna ah ahi zongin na khangto un. Tua Topa tungah tu-a kipan a tawntungin minthan’na om ta hen. Amen.

Paunak 16:7

Topa’ deih bang-a gamtatna in, galte nangawn lawm-a kaih zawhna hi.

2 PETER NIHNA 1:8

Bang hang hiam na cih uh leh, tua thupha teng note in nei-in na hauh uh leh, i Topa Zeisu Khazih’ theihtelna-ah thadah loh nading ahi zongin, a gah om lo mawkna ahih loh nading ahi zongin, hong bawlpha thei uh hi.

Kolose 2:6

Tua ahih ciangin Khazih Zeisu, Topa-a na san’ khit uh ciangin tua Topa sungah gamta-in, zung kha-in, kilamin omin, kihilhna na ngah khit uh mah bangin upna-ah kipin, hehpihna phatna tawh upna khangin kicingin om un.

Micah 4:5

Bang hang hiam cih leh mi khempeuh in, amau’ pasian ciat bia-in a thu mang ding uh a, ahi zongin eite in i hih leh i Topa Pasian a tawntungin bia-in a thu i mang ding hi.

Kolose 4:5

Pua lamah a om mite mai-ah pilna tawh gamta un la, a hun na teel un.

Efesa 5:15

Tua ahih ciangin note in bang na ci gamtat uh hiam na kikem un. Pilna nei lo bang hi loin, pilna nei bangin na hi un la,

Efesa 2:10

Bang hang hiam na cih uh leh, eite in gamtat hoih i gamtat nadingin Khazih Zeisu sungah a pian’sak ama bawlsa i hi hi. Tua gamtatna pha eite in i gamtat nadingin Pasian in tua gamtatna a na siam khol zo hi.

2 KORIN NIHNA 2:14

Khazih tawh zawhna pawikhamna-ah kote a tawntung hong paipih a, tua Topa theihtelna namtui, ko hangin mun khempeuh ah a kizeelsak Pasian’ hehpihna phatna a om hi.

ROM (Romans) 6:4

Tua ahih ciangin sihna ah baptaizna-in Zeisu tawh i kivui khawm hi. Khazih in Pa’ vangliatna tawh sihna pan hong thawhkik mah bangin eite in zong hin’na thak i zuih theih nading ahi hi.

Efesa 5:10

Topa lungdam sakna in bang ahi hiam ci-in kanin,

Efesa 5:2

Khazih in note hong it maninah Pasian mai-ah namtui om nadingin ama pumpi kipia-in, kibia-in, eite tangding a kipaih mah bangin note in itna tawh gamta un.

Filippi 1:27

Note in galte hangin lau loin, lungsim kha khatah kipin, Lungdamna Thu tawh kipawl upna ading, lungsim kituakin na hahkatna uh, ka hong tun’ ciangin note tawh kimu-in ahi zongin, a kikhenin i om ahi zongin ka zak theih nadingin Khazih’ Lungdamna Thu tawh akilawm akituakin gamtat ding na hanciam un.

1 JOHAN MASA 5:20

Tua banah Pasian’ Tapa hong pai a, thuman thutak Topa i theih nadingin pilna eite a hong piak thu zong i thei hi. Tua tham loin, a Tapa Zeisu Khazih ahi tua thuman Topa sungah i om hi ci-in i thei hi. Hih Topa in Pasian taktak ahi hi; nuntak tawntungna zong ahi hi.

Titu 3:1

Mite in gam ukte leh mangte’ ukna uh a man’ nading, nasepna pha khempeuh a sep nading a kigin’ kholh nading;

Kolose 3:20

Tapate tanute aw, thu khempeuhah na nute na pate uh thu na mang un. Bang hang hiam na cih uh leh, nute pate thuman’na in Pasian’ deihna ahi hi.

Efesa 4:13

Bang hang hiam na cih uh leh, eite khempeuh in thu-upna lamah ahi zongin, Pasian’ Tapa theihna ah ahi zongin, kipum khatin Khazih’ kicin’na lim mun ahi, a khangham mi suahna i tun’ dongin i piang hi.

Habakkuk 2:14

Tuipi in tui tawh a kidim mah bangin, leitung in Topa’ minthan’na theihna tawh kidim ding hi.

Hebru 11:5

Enok in upna hangin sihna tawh kipelhin a kilato hi. Pasian in amah kilatosak ahih ciangin a kimu nawn kei hi. Amah a kilak toh ma-in Pasian a lungdamsak hi ci-in teci pan’na a ngah hi.

2 TIMOTI NIHNA 2:4

Na a sep lai takin galkap in amah galkap a tumsak mi’ deihna bangin ahih theih nadingin, hih leitung vaite tawh a kikai-awk sak kei hi.

Kolose 2:19

Lu tung pan pumpi khempeuh in a guh a taang tawh a kipawlnate hangin thahatna piangin, Pasian’ deihna tawh kituakin a khang thei hi.

Filippi 4:18

Keimah in na khempeuh ka nei ta a, ka hau hi! Pasian tungah a lungdamhuai, a san’ huai gim namtui biak piakna ahi note’ hong khak huhnate Epafroditas’ khut sung pan ka ngah maninah ka hau hi.

Efesa 1:17

Ka thungetna in: eite Topa Zeisu Khazih’ Pasian, vangliatna Pa in amah theihtel nadingin pilna ahi zongin, theih baihna lungsim ahi zongin hong piak nadingin,

2 KORIN NIHNA 9:8

Note in na khempeuhah na zat khop ding uh sum a pawlpawl na neih niloh uh a, gamtatpha apawlpawl tawh na dim mahmah nadingun thupha apawlpawl a kicin’ nading Pasian in a hih thei hi.

Johan 17:3

Amaute in nang Pasian taktak khat bek leh na sawlpa Zeisu Khazih a theihna un nuntak tawntungna ahi hi.

Daniel 12:4

Tu-in Daniel aw, beina hun a tun’ mateng laibu khakcip in la, a tungah ciamtehna koih in. A kal lakah mi tampite’ pilna khangin, bang thu piang hiam cih thei tel nuamin kileh kawikawi ding uh hi,” hong ci hi.

Isaiah 53:11

Amah in a thuak khit ciangin nuntakna khuavak mu-in, a lungkim ding hi; ama theihna tawh a dik ka nasempa in mi tampi diktangsak ding a,, amah in amaute’ mawhnate pua ding hi.

2 KORIN NIHNA 4:6

“Khua mial sungah khuavak a hong taang ding hi” a ci Pasian in Zeisu Khazih’ maitangah Pasian’ minthan’na theihna a vang hong piak nadingin kote lungsim uhah khuavak a hong tangsak hi.

ROM (Romans) 4:12

vun atna a thuak tham loin i pa Abraham in vun atna a thuak nai loh lai takin upna lam a zuite khempeuh’pa uh a suah nading ahi zongin, Abraham in vun atna a thuak nai loh lai takin upna a neih dikna-a ciamtehna ahi vun atna lim a ngah hi.

ROM (Romans) 1:13

Ute naute aw, Gentail adangte lakah gah ka ngah mah bangin nomau lakah zong ka ngah nadingin nomau kiangah pai ning ci-in tamveipi ka hanciam ci-in note in na theih loh ding uh ka deih kei hi. Ahih hangin tu dongin, hong kham a om hi.

2 KORIN NIHNA 5:9

Tua ahih ciangin kote in pumpi sung ahi innah ka om uh hi taleh, pumpi tawh kikhenin ka om uh hi taleh, Pasian ka lungdamsak nading uh ngimna nei-in ka hahkat uh hi.

3 JOHAN THUMNA 1:6

Tua mite in na itna thu pawlpi mai-ah teci a pang uh hi. Nangmah in Pasian’ deihna tawh kituakin tua mite amau lampi ah na khak leh, a pha a bawl na hi ding hi.