Joshua 7:25 - Tedim Bible

²⁵ Tua ciangin Joshua in, “Bang hangin ko tungah gimna hong tun’na hi hiam? Tu ni-in Topa in nang tungah gimna hong tun’ hi,” a ci hi. Tua ciangin Israelte khempeuh in suang tawh amah deng uh hi; amaute in mei tawh amaute hal uh a, suang tawh amaute deng lum uh hi.

Tedim Bible Revision 2017

²⁵ Tua ciangin Joshua in, “Bang hangin kote tungah gimna hong tun na hi hiam? Tu ni-in Topa in nang tungah gimna hong pia hi,” a ci hi. Tua ciangin Israel-te khempeuh in suang tawh Akhan a deng lum uh hi. Amaute in a innkuan pih dangte le a neihsate uh zong suang tawh deng lumin a hal uh hi.

Joshua 7:25 Referans Kwoze

Joshua 6:18

Ahih hangin suksiat dingin a kiseh nate panin nomau mah na kikem ding uh hi, tua hi kei leh tuate na suksiat ding uh ciangin a kisusia ding nate khat peuhpeuh iplahin la kha-in Israelte’ giahphual siat nading na khat suaksakin haksatna na tun’ kha ding uh hi.

1 KHANG TANGTHU MASATE 2:7

Karmi’ tapa in: A ki-ap nate-ah a khial, Israel a nawngkaisak Akhar ahi hi;

Thu-hilhkikna 17:5

numei ahi a, pasal ahi zongin tua banga a sia-a gamta mi pen na kongpi uhah na paipih ding uh a, tua numei ahi a, pasal ahi zongin suang tawh na denglum ding uh hi.

Siampi Laibu 24:14

“A samsia mipa pen giahphual pua lamah paipih in; ama samsiat a za mi khempeuh ama lu tungah amau’ khut nga sak in la, mihonte khempeuh amah deng sak in.

Siampi Laibu 20:2

“Israel mite kiangah hih bangin gen in: Israel mite khatpeuh peuh hita leh Israel sunga a peem khual mite hita leh, a tate khatpeuh peuh Molek pasian tungah a pia mipa kithat ding hi; gam sung mite in suang tawh amah deenglum ding uh hi.

Hebru 12:15

Note lakah khatpeuh mah in Pasian’ hehpihna thupha ngah loin a om loh nading ahi zongin, a kha kung a zung poin, note hong bawlsia-in mi tampi hong ninsak ding ahi zongin,

2 THESALONIKA NIHNA 1:6

Bang hang hiam na cih uh leh, Topa Zeisu in ama vangliatna tawh kipawl vantungmite tawh, vantung pan meikuangin hong kilang a, Pasian a thei lo mite, i Topa Zeisu Khazih’ Lungdamna Thu a ngai lo mite daan a piak ciangin, note hong gimsak ngei mite tungah gimna ahi zongin, gimna a thuak ngei note tungah kote tawh nopsakna ahi zongin, Pasian in a thukkik nading thu in thuman ahi hi.

Galati 5:12

Note hong khialsak mite in amaute mah kiget ta uh hen ka ci hi!

Joshua 7:15

Tua ciangin a ki-ap nate tawh a kila khawm mipa leh a neih khempeuh, mei-in kihal ding hi; bang hang hiam cih leh amah in Topa’ thuciamna palsat hi, Israel sungah a zumhuai na a sem ahi hi,’ ci in,” a ci hi.

Thu-hilhkikna 21:21

Tua ciangin khuapi pasal khempeuh in suang tawh amah denglum ding uh hi; tua bangin note sung panin siatna na siangsak ding uh hi; Israelte khempeuh in za-in lau ding uh hi.

Thu-hilhkikna 13:10

Salsuahna ahi Izipt gam panin a hong paikhiatpih Topa na Pasian uh kiang panin note hong paikhiatpih ding ngaihsun ahih manin suang tawh amah na deng lum ding uh hi.

Siampi Laibu 21:9

Siampi khatpeuh peuh’ tanu in paktatna tawh amah leh amah a kidaisak leh, ama pa a daisak ahi hi; tua nu, mei tawh kihal lum ding hi.

Siampi Laibu 20:14

Pasal khat in zi la-in a zi’ nu tawh zong a lak thuah leh, tua in gitlohna ahi hi; note lakah gitlohna a om loh nadingin tuapa leh a nutate, mei tawh kihallum ding hi.

Piancilna 38:24

Tua zawh kha thum ciangin Judah tungah, “Na monu Tamar paktat-in gamta hi; tua tham loin paktatna tawh nau nei hi,” ci-in kigen hi. Judah in, “Amah paikhiatpih un la, amah kihaltum hen,” ci hi.

Piancilna 34:30

Tua ciangin Jakob in Simeon leh Levi kiangah, “Hih leitang-a teng, Kanaan mite leh Perez mite' tungah kei a muhdahhuai-in nong bawlna uh tawh kei' tungah haksatna nong tun’ uh hi; kei’ pawl mite tawm hi, amaute kei langah kikaikhawmin kei hong sim leh, kei leh ka innkuanpihte hong susia ding hi,” ci hi.

1 SAMUEL MASA 14:29

Tua ciangin Jonathan in, “Ka pa in gamsung nawngkaisak hi; hih khuaizu tawmno khat ka ciapna hangin ka tha a hatkikna mu un.

Thu-hilhkikna 13:11

Tua ciangin Israelte khempeuh in za-in, lau ding uh a, hih banga gitlohna note lakah bawl kik ngei nawn lo ding uh hi.

Paunak 1:19

Zawhthawh thu tawh mi’ na a sutte in sihlawh tawntung zaw a, hih bang a gamtate in tu-a bangmah tuak ngitnget hi.

Paunak 15:27

A man lo-a sum ngahna in innsung lungkham sak a, sumgolh a deih lote a nuntak sauvei nuam hi.