Joshua 7:19 - Tedim Bible

¹⁹ Tua ciangin Joshua in Akhan kiangah, “Ka tapa aw, Israel Topa Pasian min thangsak in la, amah phat in; tu-in na gamtatnasa kei tungah hong gen in; kei tungah hong iim kei in,” a ci hi.

Tedim Bible Revision 2017

¹⁹ Tua ciangin Joshua in Akhan kiangah, “Ka tapa aw, Israel Topa Pasian min thangsak inla, amah phat in. Tu-in na gamtatna sate kei tungah hong gen inla, bangmah hong im kei in,” a ci hi.

Joshua 7:19 Referans Kwoze

1 SAMUEL MASA 6:5

Tua ahih ciangin note in na gamsung uh hong sugawp na uilut limte uh leh na simbeng limte uh bawlin, Israelte’ Pasian’ tungah zahtakna na lak ding uh hi; note leh na pasiante uh leh na gam uh tungah amah in hong gawtna hong zangsak kha ding hi.

Jeremiah 13:16

Topa in khua mialsak a, khuamialna mual tungah na tuk ma-un na lamet uh khuavak pen khua mial bikbek a suah ma-in, Topa na Pasian uh pahtawi un.

Johan 9:24

Tua ahih ciangin, a mittaw ngeipa sam kik uh a, “Pasian phat in, hih mi in mawhnei mi ahih kote’n ka thei uh hi,” a cih uh ciangin,

Daniel 9:4

Topa ka Pasian kiangah thungenin, ka mite’ mawhna pulakin: “Topa Pasian aw, nang na lian-a ka hong zahtak uh hi. Nang na thuman a, itna thuciamna leh na thupiakna bang a mangte leh a hong itte a tawntungin na it hi.

2 KHANG TANGTHU NIHNATE 30:22

Tua ciangin Hezekiah in Topa’ nasepna ah a siamna hoih uh a lak Levi mite khempeuh tungah hanthotna thugen hi. Tua ahih ciangin mite in pawi an ni sagih sung ne uh a, thu-nuama biakna pia-in a pu a pate uh Pasian, Topa tungah lungdamna ko uh hi.

1 SAMUEL MASA 14:43

Tua ciangin Saul in Jonathan kiangah, “Na gamtatnasa hong gen in,” a ci hi. Jonathan in ama kiangah gen a, “Ka khut sunga om ciangkhut dawn tawh khuaizu tawm khat ka ciam hi; hih lai-ah ka om hi, kei ka si ding hi,” a ci hi.

Paunak 28:13

A khialhna a im mipa a dau pai lo ding a, a mawhna pulakin a kikheel mipa in hehpihna ngah ding hi.

Late 32:5

Ka khialhna na tungah kong pulak a, ka mawhna ka im kei hi; “Ka khialhnate Topa tungah ka pulak ding hi,” ka ci hi; tua ciangin ka mawhna nin nong maisak hi.

Mangmuhna 16:9

Mei sa pha lua-in mite a kang tum uh a, gimnate a uk Pasian’ min a kosia uh hi. Topa’ vangliatna phat nading a kisik kei uh hi.

Jeim 1:20

Bang hang hiam na cih uh leh, mi’ hehna in Pasian’ dikna thu a piangsak kei hi.

Titu 2:2

A teek pasalte in a pumpi deihna khaam nading, a khuaval zulhtat loh nading, a lungkip nading, upna lamah a kip nading, itna a neih nading, a thuak zawh nading na hilh in.

2 TIMOTI NIHNA 2:25

A kam a nial mite in thuman a theih nadingun Pasian in kisikkikna pia kha ding a, Dawimangpa in ama deihna zui dingin thangsiah-a a awk mite phawkin, tua awkna pan suahtakna a ngah khak theih nadingun lungnemna tawh thuhilh mi ahi ding hi.

ROM (Romans) 10:10

Dikkisakna ngah nadingin lung sungah ki-um hi. Gupna ngah nadingin kam tawh kipulak hi.

Luka 17:18

Hih mi namdangpa khat sim loh hong paikik a, Pasian a phat kuamah om lo ahi hiam?

Isaiah 13:12

Mihingte pen kham hoihte sangin a tawmzaw, minam pen Ofir gam khamte sangin a tawmzaw-in ka bawl ding hi.

Late 51:3

Bang hang hiam cih leh ka thu palsatnate ka thei a, ka mawhna ka mai-ah om ngitnget hi.

Joshua 7:20

Tua ciangin Akhan in Joshua dawngin, “A tak takin, Israel Topa Pasian tungah ka khial khin a, hih in keima gamtatna ahi hi;

2 KUMPI NIHNATE 20:15

Amah in, “Amaute in na inn sungah bang mu ahi uh hiam?” a ci hi. Tua ciangin Hezekiah in dawngin, “Amaute in ka inn sunga om khempeuh mu uh hi; ka vankoihna inn sungte panin amaute ka lah loh bangmah om lo hi,” a ci hi.