Joshua 6:2 - Tedim Bible

² Tua ciangin Topa in Joshua kiangah, “Thei in, na khut sungah a kumpipa leh a mi thahatte tawh Jerikho kong pia khin hi.

Tedim Bible Revision 2017

² Tua ciangin Topa in Joshua kiangah, “Thei in, na khut sungah a kumpipa le a mi thahatte tawh Jerikho khua kong pia khin hi.

Joshua 6:2 Referans Kwoze

Thu-hilhkikna 7:24

Amah in note khut sungah amaute’ kumpite hong pia ding a, note in vantung nuai panin amaute’ min na maimang sak ding uh hi; amaute na susia khin mang ding uh a, note lang khatah mi khat beek hong pang zo lo ding hi.

Joshua 8:1

Tua ciangin Topa in Joshua kiangah, ‘Lau kei in la lungkia kei in; galkap khempeuh nang kiangah la in la, tho-in Ai-ah paito un; thei in, nangma khut sungah Ai kumpipa leh a mite, a khuapi, leh a leitang kong pia khin zo hi;

Joshua 2:24

Amaute in Joshua kiangah, “Topa in leitang khempeuh eite khut sungah hong pia taktak hi; tua tham loin tua gam-a teeng mite khempeuh eite hangin lungmang uh hi,” a ci uh hi.

Joshua 2:9

tua mite kiangah, “Topa in note tungah hih leitang hong piak khitna ka thei a, note hong kikihtakna kote tungah hong tungin, hih gam sunga a teeng mi khempeuh note mai-ah lunggim uh hi.

Nehemiah 9:24

A suan a khakte uh tua gamah lutin a lak uh ciangin, amau’ mai-ah tua gam-a teeng Kanaan mite na nuaisiah a, a ut bang bangun a bawl dingun a kumpite leh a mite amau’ khut sungah na pia hi.

Daniel 4:17

Hih in a vil tawntung vantungmi’ thukhenna ahi hi. Tua ahih ciangin mun khempeuh ah a om mi khempeuhte in, Sangpen Pasian in mite’ kumpi gamah vai a hawm hi cih a thei ding uh hi. Amah in a teel peuhpeuh a neupente nangawn kumpi a suaksak thei hi.

Daniel 2:21

Amah in hun leh khuahunte kheel; kumpite a koih a, lah a lakhia hi. Amah in mite pilna leh theihna a pia hi.

2 SAMUEL NIHNA 5:19

Tua ciangin David in Topa thu dongin, “Filistiate do-in ka kuanto ding hiam? Keima khut sungah amaute na hong pia ding hiam?” a ci hi. Topa in David kiangah, “Kuanto in, bang hang hiam cih leh na khut sungah Filistiate kong pia taktak ding hi,” a ci hi.

Thukhente 11:24

Na Pasian Khemosh in na neih dinga hong piakte tang lo ding na hi hiam? Topa ka Pasian un kote mai-ah a suankhiatte kote in ka tang ding uh hi.

Thukhente 11:21

Topa, Israelte Pasian in Sihon leh a mite khempeuh Israelte’ khut sungah pia a, amaute in zo uh hi; tua ahih ciangin tua gam sunga teeng Amor mite’ leitang khempeuh Israelte in luah uh hi.

Daniel 4:35

Amah in leitung mite bang mahin a sim kei a; vantung mite leh leitung mite in, ama’ khut nuai ahi hi. Ama deihna kuamah in nial thei lo a, A bawl nate kuamah in ahang a kan thei kei hi.

Daniel 2:44

Tua kumpite a maan’ lai takun, vantung Pasian in a bei thei ngei lo ding kumpigam a hong phut ding hi. Tua kumpigam kuamah in zo zo lo ding a, tua gam in gam dang khempeuhte zo gawpin, a kip tawntung ding hi.

Daniel 5:18

Sangpen Pasian in na pa Nebukhadnezzar kumpi lianin koih a, zahtakna leh vangliatna a pia hi.

Joshua 6:1

Tu-in Israel mite hangin a sunglam leh a pualam panin Jerikho kikhak cip hi; kuamah pusuak lo hi, kuamah sungtum lo hi.

Joshua 6:3

Khuapi kimkotah galkap mi khempeuh khatvei na pai ding uh hi. Tua bangin niguk sung na pai ding uh hi.

Joshua 12:9

Jerikho kumpi, khat; Beth-el gei-a om Ai kumpi, khat;

Joshua 20:1

Tua ciangin Topa in Joshua kiangah,