Joshua 6:19 - Tedim Bible

¹⁹ Ahih hangin ngun leh kham, sumngo leh sik tawh kibawl nazatte Topa adingin siangtho hi; Topa’ sumkoihna-ah tuate tung ding hi,” a ci hi.

Tedim Bible Revision 2017

¹⁹ Ahih hangin ngun le kham, sumngo le sik tawh kibawl nazatte Topa adingin a siangtho ahi hi. Topaʼ sumkoihna ah tuate tung ding hi,” a ci hi.

Joshua 6:19 Referans Kwoze

Mattiu 27:6

Siampite in dangka la uh a, “Si man sumpi kholna sungah koih ding kilawm lo hi,” a ci uh hi.

1 KHANG TANGTHU MASATE 26:20

Tua ciangin Levi mite sung panin Ahijah in Pasian’ inn van manpha koihleh a ki-ap letsong koihnate uk hi.

Marka 12:41

Tua lai takin Zeisu in sumkholna mai-ah tu a, mihonpite in dangka sumkholna sungah a khiat uh a en hi. Sumhau mi tampite in tampi a khia uh hi.

Nehemiah 10:38

Levi mite in sehsawm suah sehkhat a khop uh ciangin Aaron’ suan siampite tawh hih khawm ding uh hi; tua ciangin Levi mite in i Pasian’ inn sunga vankoihna a kilawm mun inndeite ah sehsawm suah sehkhat sungpan sawm-ah khat puak ding uh hi.

1 KHANG TANGTHU MASATE 18:11

Kumpi David in hihte zong, Edom, Moab, Ammon mite, Filistiate, leh Amalek, minam khempeuh kiang panin a puak khiat ngun leh kham tawh Topa’ tungah ap khawm hi.

1 KUMPI MASATE 7:51

Tua ahih ciangin Kumpi Solomon in Topa’ inn a hih nasep khempeuh kizo hi. Tua ciangin Solomon in a pa David in a apsa nate, ngun, kham, leh nazatte paipihin Topa’ inn vankoihna ah tuate koih hi.

2 SAMUEL NIHNA 8:11

Kumpi David in hihte zong, a nuaisiah minamte khempeuh Edom, Moab, Ammon mite, Filistiate, Amalek, leh Zobah kumpipa Rehob’ tapa Hadadezer’ van nusiatte sung panin a ap ngun leh kham tawh Topa tungah ap khawm hi.

Micah 4:13

Topa in hih bangin ci hi: Jerusalem khuamite aw, kipan un la, na galte uh sugawp un. Sumngo khe leh sik ki a nei bawngtal bangin note kong thahatsak ding hi. Minam tampite’ na sugawp zo ding uh a, amau’ neihsa teng keima aa na suaksak ding uh a, amau’ hauhna teng, leitung khempeuhte’ Topa’ neihsa na suaksak ding uh hi.

2 KHANG TANGTHU NIHNATE 31:12

Tua ciangin amaute in a piaknate, seh-sawm suah seh-khat leh a ki-ap nate cihtakna tawh hong paipih uh hi. Tuate a en ulian penpa in Levi mi Konaniah hi a, a sanggampa Shimei in amah a huhpa ahi hi;

2 KHANG TANGTHU NIHNATE 15:18

Tua ciangin amah in a pa’ apsa letsongte leh ama apsa letsongte, ngun, leh kham, leh nazatte, Topa’ innah paipih hi.

1 KHANG TANGTHU MASATE 28:12

leh Topa’ inn a tualte adingin a lungsimah a ngaihsut khempeuh, a kimkot a, inndeite khempeuh, Pasian’ inn van manpha koihnate, leh a ki-ap letsongte ading van manpha koihnate;

1 KHANG TANGTHU MASATE 26:28

Thu-mupa Samuel, leh Kish’ tapa Saul, Ner’ tapa Abner, leh Zeru-iah’ tapa Joab in a apsate khempeuh zong, a ki-ap letsong khempeuh Shelomoth leh a sanggamte’ kepna sungah om hi.

1 KHANG TANGTHU MASATE 26:26

Hih Shelomoth leh a sanggamte in, kumpi David, leh beh lutangte, leh a tul tul leh a za za-a uk uliante, leh galkap a ukte in a ap uh ahi, a ki-ap letsongte a kikoihna khempeuh uk uh hi.

1 KUMPI MASATE 14:26

amah in Topa’ inn-a van manphate leh kumpipa’ inn-a van manphate lakhia hi; amah in na khempeuh lakhia hi. Amah in Solomon’ bawlsa kham lumte khempeuh zong la hi;

Jeremiah 38:11

Tua ciangin Ebedmelek in zong a mite tonpih a, kumpipa’ innah pai-in van koihna sungah a lut khit uh ciangin tuikhuk sung pan Jeremiah khau tawh a kaihkhiat nading uh puansia sa leh puanlui pawlkhat a la uh hi.

Gamlak-vakna 31:22

kham, ngun, sumngo, sik, dal, leh haknaw,

Siampi Laibu 19:24

A kum lina ciangin amau’ gah khempeuh siangtho-in, Topa tungah phatna biakna hi ding hi.

Gamlak-vakna 31:11

a matsa khempeuh uh, mihing ganhing ciahpih khin uh hi.

Gamlak-vakna 31:12

Tua ciangin amaute in Jerikho nai, Jordan kiang, Moab leizang a, a giahphual uh Moses leh siampi Eleazar leh Israel mihonte kiangah a galmatte uh leh a na matte uh tun’pih uh hi.

Joshua 7:11

Israel khial khin hi; amaute in ka thupiak thuciamna palsat khin uh hi; amaute in a ki-ap nate pawlkhat la uh hi; amaute in gu-in zuauthu gen uh a, amau van lakah tua nate koih uh hi.

1 KHANG TANGTHU MASATE 26:27

Gal sungah a ngah vankinusiate sung panin Topa’ inn puah nadingin amaute in letsongte ap uh hi.