Joshua 5:1 - Tedim Bible

¹ Nitumna lam Jordan gal khat-a om Amor mite’ kumpite khempeuh leh tuipi gei-a om Kanaan mite’ kumpite khempeuh in, Israel mite in a kantan khit mateng amaute adingin Jordan tuite Topa in a kan’sakna thu a zak uh ciangin lungmang uh a, Israel mite hangin a lungsim uh a bei hi.

Tedim Bible Revision 2017

¹ Nitumna lam Jordan gal khat a om Amor miteʼ kumpite khempeuh le tuipi gei-a om Kanaan miteʼ kumpi khempeuh in, Israel mite in a kantan khit mateng amaute adingin Jordan tuite Topa in a kansakna thu a zak uh ciangin lungmang uh a, Israel miteʼ hangin a lungsim uh a bei hi.

Joshua 5:1 Referans Kwoze

Gamlak-vakna 13:29

Amalek mite Negeb gamah teeng uh hi; Hih mite, Jebus mite, leh Amor mite mual tung gamah teeng uh hi; Kanaan mite tuipi gei leh Jordan dungah teeng uh hi,” ci-in gen uh hi.

1 KUMPI MASATE 10:5

a sabuai-ah a an, a uliante’ omzia, leh a nasemte’ etna, a puante uh, a an piate, leh Topa’ innah a piak a meihal biaknate khempeuh a muh khit ciangin a lungsim bei hi.

Mangmuhna 18:10

tua khua in a thuak gimna kihta-in gamlapi pan ding-in ‘Babilon khuapi, a to khuapi in gimna a thuak zo hi! Gimna a thuak zo hi! Nai khat sung bekinah thutanna na thuak ta hi,’ ci-in amah hangin kapin kiko-in a gen ding uh hi.”

Amos 2:9

Ahi zongin amaute ka khualna-in, taamtaak sing bangin a sang mahmah, tawsaw kung bangin a khauh tuak mahmah, Amor mite amau adingin ka suksiatsak a, a dawn pana kipan a zung dongin ka sukmaisak hi.

Daniel 5:6

Tua ciangin kumpipa lau lua mahmah a, a mai daang gawpin a khut a liing kauhkauh hi.

Ezekiel 21:7

Tua bangin na omna thu mite in hong dot ciangin mai lama thupiang ding hangin a tuaci om na hihna gen in. Tua hun ciangin a lungsim uh launa tawh kidimin, launa hangin a khut uh liingcipin, a han’na lungsim uh bei-in, lau-in a khuk uh a liin’ kelkel nading thu leh, tua hun ding pen tu-in a hong tung ta, ahihna thu gen in,” Topa Pasian in hong ci hi.

Ezekiel 16:3

Topa Pasian in Jerusalem tungah ka gen hih thute gen in: Jerusalem aw, nang in Kanaan gam pan-a piang na hi hi. Na pa in Amor mite hi a, na nu in Hit mite ahi hi.

Late 135:11

Amor kumpipa Sihon, Bashan kumpipa Og leh Kanaan kumpipa that hi.

Ezra 9:1

Hih thute khempeuh a kisep khit ciangin keima kiangah makaite pawlkhat hong pai-in, “Hih gam-a teeng gamdang mite’ nitna leh Kanaan mite, Hit mite, Perez mite, Jebus mite, Ammon mite, Moab mite, Izipt mite, leh Amor mite’ gamtat a kihhuaite panin Israel mi, siampite leh Levi mite nangawn zong, a siangtho-in tuam om lo uh hi.

2 SAMUEL NIHNA 21:2

Tua ahih ciangin kumpipa in Gibeon mite sam hi. Tu-in Gibeon mite in Israel mite sung hi loin Amor mi a om laite ahi uh hi; amaute a hingkhawi ding Israel mite kiciam khin napi-in, Israel leh Judah mite ading a deih luatna-in Saul in amaute thah dingin zong hi.

1 SAMUEL MASA 25:37

Zingsang ciang, Nabal’ zukhamna a ven’ ciangin a zi in ama kiangah hih thute gen a, thakhatin a lungtang si-in amah suangtum bang hi.

Thukhente 11:23

Tua ahih ciangin Topa, Israelte’ Pasian in ama mi Israelte’ mai panin Amor mite paaikhia hi; tu-in nangmah in amaute luah kik ding sawm na hi hiam?

Thukhente 4:2

Tua ciangin Topa in Hazor-ah a uk, Kanaan kumpipa Jabin khut sungah amaute pia hi; ama galkapte a ukpa pen, Harosheth-ha-goiim-ah a teeng Sisera ahi hi.

Thukhente 3:3

Tua minamte in: Filistia mi ulian ngate, Kanaan mi khempeuh, Sidon mite, leh Baalhermon Mual panin Hamath lutna ciang dong Lebanon Mual tungah a teeng Hiv mite ahi hi.

Thukhente 1:1

Joshua a sih khit ciangin Israel mite in Topa tungah thu dong uh a, “Kote adingin Kanaan mite a do dingin kua paito masa ding ahi hiam?” a ci uh hi.

Joshua 24:15

Topa’ na nasep nop kei uh leh, Gungal khat-a a na a kisepsak na pu na pate uh pasian ahi a, note’ teen’na gam Amor mite’ pasiante ahi zongin, a na nasep sak ding peuhpeuh uh tu ni-in teel un; ahih hangin kei leh ka innkuanpihte in ahih leh Topa’ na ka sem ding uh hi,” a ci hi.

Joshua 17:18

mualtung gam in note’ aa hi ding a, tulak ahih hangin note in hah siangin a gamgi mong dong na luah ding uh hi; bang hang hiam cih leh amaute in sik leeng nei-in, amaute a thahat hangin Kanaan mite na hawlkhia zo ding uh hi,” a ci hi.

Joshua 17:12

Ahi zongin Manasseh’ tapate in hih khuapite luah zo lo uh hi; Kanaan mite tua gamah teeng teitei uh hi.

Paikhiatna 23:28

Note’ mai panin Hiv mi, Kanaan mi leh Hit mi a hawlkhia dingin note’ mai-ah tunpi ka sawl ding hi.

Piancilna 48:22

Tua tham loin, ka namsau leh ka thal tawh Amor mite’ khut tung panin ka lak mual pang khat, na sanggamte’ tung sangin nang' tungah kong pia zaw hi,” ci hi.

Piancilna 12:6

Abram in tua gam nawkin Shekhem mun, Moreth tawsaw phung tung hi. Tua hunin tua gamah Kanaan mite teng lai hi.

Isaiah 41:5

Tuikulh gamte in mu khinin lau uh a, leimongte liing uh hi; amaute in hong nai-in hong pai uh hi.

Joshua 3:16

a sak lam panin hong luangsuk tuite khawlin khangto a, a gamlapi, Zerethan gei-a khuapi Adam-ah a lomin kikhol a, Ci Tuipi a kici Arabah tuipi-ah a luang sukte kikhen tat siang hi; tua ciangin Jerikho galah mite galkah uh hi.

Joshua 3:17

Israelte khempeuh leikeu tungah a galkah sung, minam bup in Jordan a khen’ khit mateng, Topa thuciamna singkuang a pua siampite Jordan gun laizang leikeu tungah ding uh hi.