Joshua 4:13 - Tedim Bible

¹³ mi tul sawmli bang gal do dingin hiam tawi-in a baihsa-in Jerikho zanglei lamah Topa mai-ah pai uh hi.

Tedim Bible Revision 2017

¹³ mi tul sawm li bang galdo dingin hiam tawi-in a baih sa-in Jerikho zanglei lam Topaʼ mai ah a pai uh hi.

Joshua 4:13 Referans Kwoze

Efesa 6:11

Dawimangpa’ kheemna na nan’ zawh nadingun Pasian’ galhiam khempeuh silh un.

Jeremiah 52:8

Ahih hangin Khaldea galkapte in Zedekiah kumpipa a nungdelh uh a, Jerikho leizang-ah a phak uh ciangin a galkap khempeuh in kikhen thangin amah a taisan uh hi.

Jeremiah 39:5

Ahih hangin Khaldea galkapte in a nung delh uh a, Jerikho leizangah Zedekiah a pha uh hi. A mat khit uh ciangin Hamath gam Riblah khua-ah, Babilon kumpipa Nebukhadnezzar’ kiangah a paipih uh a, amah in thukhenna a pia hi.

2 KUMPI NIHNATE 25:5

Ahih hangin Khaldea mite’ galkapte in kumpipa delh uh a, Jerikho zanglei-ah amah pha uh hi; tua ciangin a galkap khempeuh ama kiang panin kithehthang uh hi.

Joshua 5:10

Israel mite Gilgal-a giahphual ah a om sungun tua kha a ni sawm-le-li ni nitakin Jerikho zanglei ah Paisan pawi bawl uh hi.

Paikhiatna 13:18

Ahih hangin Pasian in San Tuipi lam manawhin gamlak lamah mite kot paipih hi. Israel mite galdo dingin kithawisa-in Izipt leitang panin pai to uh hi.

Gamlak-vakna 32:17

ahih hangin kote in hiam tawi-in amau’ munah Israel mite ka tun’pih mateng uh amau mai-ah a pai dingin ka kiging ding uh hi; tua kikal sungin hih gam sungah a teeng mite kiang pan kihut nadingin ka zi ka tate uh khuapi muanhuai sungah a na om ding uh kisam hi.

Thu-hilhkikna 3:18

“Tua hunin note thu kong pia a, ‘Topa na Pasian un na neih dingun hih leitang hong pia zo hi; na galhang mite khempeuh uh galhiam tawh kithawi-in Israel mi na sanggamte uh mai-ah va kuan ding hi.

Joshua 4:12

Moses in amaute a sawlsa bangin Israel mite mai-ah hiam tawi-in Reuben minamte leh Gad minamte leh Manasseh minam a langte na ma pai uh hi;

Joshua 4:14

Tua ni-in Israelte khempeuh muhna-ah Topa in Joshua liansak hi; amaute in Moses lamdang sa-in a om uh mah bangin, a nuntak sung tawntung amah lamdang sa-in om uh hi.

Thukhente 20:1

Tua ciangin Israel mite khempeuh, Gilead gam zong a kihel, Dan panin Be-ersheba dong hong kuankhia uh a, Topa' kiang Mizpah-ah mihing khat bangin mihonte hong kikhawm uh hi.