Joshua 3:16 - Tedim Bible

¹⁶ a sak lam panin hong luangsuk tuite khawlin khangto a, a gamlapi, Zerethan gei-a khuapi Adam-ah a lomin kikhol a, Ci Tuipi a kici Arabah tuipi-ah a luang sukte kikhen tat siang hi; tua ciangin Jerikho galah mite galkah uh hi.

Tedim Bible Revision 2017

¹⁶ a saklam panin hong luang suk tuite khawlin khangto a, a gamlapi, Zarethan gei-a khuapi Adamah ah a lomin kikhol a, Ci Tuipi a kici Arabah tuipi ah a luang sukte kikhensat siang hi. Tua ciangin Jerikho gei ah mite gal kah uh hi.

Joshua 3:16 Referans Kwoze

Joshua 3:13

Leitung buppi’ Topa ahi Topa’ thuciamna singkuang a pua siampite’ khete in Jordan tui a siik ciangin Jordan tuite luang nawn lo ding a, a tung lam panin hong luangsuk tuite lom khatin khawl ding hi,” a ci hi.

1 KUMPI MASATE 7:46

Jordan zanglei, Sukkoth leh Zarethan kikal beel lei-ah kumpipa in tua nate sung hi.

1 KUMPI MASATE 4:12

Ta-anak khua, Megiddo khua, leh Jezre-el khua nuai Zarethan khua pang-a om Bethshean gam khempeuh, leh Bethshean khua panin Jokmeam khua pang khat dongin Abelmeholah khua sungah Ahilud’ tapa Baana;

Piancilna 14:3

Hih kumpi ngate in kipawlna bawlin Siddim Kuam (Ci Tuipi)—ah a thahatna uh gawm hi.

Late 114:3

Tuipi in mu-in taikhia a, Jordan gun a nung kik hi.

Thu-hilhkikna 1:1

Hihte in, Jordan gal khat gamlak, Suf gal khat Arabah gam sung, Paran leh Tolef, Laban, Hazeroth leh Dizahab kikalah Moses in Israelte khempeuh tungah a gen thute ahi hi.

Gamlak-vakna 34:3

na leitaw lam pang uh in Zin gamlak panin Edom pang teng hi ding a, leitaw lam na gamgi uh nisuahna lamah Ci Tuipi mong pan kipan ding hi;

Late 77:19

Nangma lamlian in tuipi tung hi a, nangma lamneu in tui liante tung ahi hi; ahi zongin na khekhapte kimu lo hi.

Late 74:15

Nangmah in ciktuite leh luite na phulsak a, guntui luangte na kangsak hi.

Late 66:6

Amah in tuipi pen leikeu suaksak a, i pu i pate in khe tawh tuipi kantan uh hi. Tua ama sepna hangin i lung a dam hi.

Late 29:10

Tuicin tungah Topa tu hi; a tawntung kumpi hihna tawh Topa tu hi.

Joshua 15:2

Leitaw lam a gamgi in Ci Tuipi mong, leitaw lam a sun tuidawk panin kipan hi;

Thu-hilhkikna 3:17

Arabah gam zong, a gamgi dingin Jordan tawh, Khinnereth panin nisuahna lam-a om Pisgah mual pang nuai-a Ci Tuipi ahi Arabah tuipi ciang dong amaute ka pia hi.

Paikhiatna 14:21

Tua ciangin Moses in tuipi tungah a khut zan hi; Topa in zan tawntung nisuahna huihpi hat tawh tuipi leh luan’sakin, tuipi pen leikeu-in bawl a, tuite kikhen hi.

Late 33:7

Amah in tuipi tuite thawlkhat sunga thun bangin khawm a, tui thukpite tuibem-ah koih hi.

Late 114:5

Tuipi aw, na taikhiat nading, Jordan gun aw, na nungkik nading,

Isaiah 50:2

Bang hangin, kong pai ciangin mi khat zong om lo ahi hiam? Kong sap ciangin hong dawng ding khat zong om lo ahi hiam? Hong hon zo lo zah dingin ka khut tom lua ahi hiam? Tua ahih kei leh note khahkhiatna ding thahatna nei lo ka hi hiam? En un, keima taiina tawh tuipi ka keusak a, gunte pen sehnel gam ka suaksak hi; tui om loh manin a ngasate uih a, dangtakin si uh hi.

Ezekiel 47:8

Amah in kei kiangah, “Hih tui pen nisuahna lam manawhin gam sung nawkin Jordan Kuam-ah luang sukin Si Tuipi sung tung hi. Si Tuipi a tun’ ciangin hih tui in tuipi tui pen, tuisiang suaksak kik hi.

Nahum 1:4

Amah in tuipi a taii ciangin tuipi kangcip pah a, gunpite zong kangcip sak hi. Bashan gam keu gawpin, Karmel Mual kausan a, Lebanon Mual-a pakpalhte vul hi.

Habakkuk 3:8

Topa aw, na sakolte tungah nang hong tuangin, na gualzawhna leengte tawh nong pai nadingin, gunpite tungah na hehsuak a, tuipi tungah na thangpai ahi hiam?

Paikhiatna 14:22

Israel mite tuipi laizang leikeu tungah pai uh a, amau' taklam leh veilam-ah kawm bangin tuite om hi.

Paikhiatna 14:29

Ahih hangin tuipi kantanin leikeu tungah Israel mite pai uh a, amau' taklam leh veilam-ah kawm bangin tuite om hi.

Paikhiatna 15:8

Na nak ging tawh tuite kiciangto a, tuite a lom-in kawm bangin ding to hi; tuipi sungah tui thukpi khal hi.

Joshua 4:22

“Israelte in leikeu tung tawnin hih Jordan kantan hi,’ ci-in na tate uh na theisak ding uh hi.

Joshua 5:1

Nitumna lam Jordan gal khat-a om Amor mite’ kumpite khempeuh leh tuipi gei-a om Kanaan mite’ kumpite khempeuh in, Israel mite in a kantan khit mateng amaute adingin Jordan tuite Topa in a kan’sakna thu a zak uh ciangin lungmang uh a, Israel mite hangin a lungsim uh a bei hi.

Joshua 16:7

tua ciangin Janoah panin Ataroth leh Na-arah-ah paisuk a, Jerikho ban-in Jordan-ah tawp hi.

Thukhente 7:22

Amaute in peengkul zathumte a tum uh ciangin, Topa in giahphuala om mi khempeuh a namsau uh tawh amau leh amau kisat gawpsak hi; tua ciangin galkapte Zererah lam Bethshittah ciang, Tabbath kiang Abelmeholah gamgi dong tai uh hi.

Late 78:13

Amah in tuipi khenkhia-in amaute kantansak a, tuite a lompi-in omsak hi.