Joshua 24:31 - Tedim Bible

³¹ Joshua khang sung leh Joshua sangin sau a nungta zaw upate khempeuh’ khang sungin Israel mite in Topa’ na sem uh a, Israel mite’ adingin Topa in a sepna khempeuh thei uh hi.

Tedim Bible Revision 2017

³¹ Joshuaʼ khang sung le Joshua sangin sau a nungta zaw upate khempeuh khang sungin Israel mite in Topaʼ na sem a, Israel mite adingin Topa in a sep na khempeuh a thei uh hi.

Joshua 24:31 Referans Kwoze

Thukhente 2:7

Mite in Joshua nuntak sung leh, Israelte adingin Topa’ sepsa na lian khempeuh a mu, Joshua sanga a khan’ sau zawte khempeuh nuntak sungin Topa’ na sem uh hi.

Thu-hilhkikna 31:13

Jordan gal khatah a luah dingin na paina gam uhah na nuntak lai tengun amaute in a thu za-in Topa na Pasian uh zahtak ding a theih nading, leh hih thukham thute khempeuh lim takin a sep theih nading, leh hih thu a thei nai lo amau’ tate in Topa na Pasian uh zahtak ding a theih nadingun, numei, pasal, leh naupangte, leh na khuapite uh sunga om peemtate, mi khempeuh khawm un,” a ci hi.

Thu-hilhkikna 31:29

Bang hang hiam cih leh ka sih khit ciangin note gamtat sia-in, note kong sawlna lampi panin na pial taktak ding lam uh ka thei hi; note’ nasepna tawh amah hehsakin, Topa muhna ah a sia gamta ding na hih manun, hong pai ding hunte ah note tungah gimna hong tung ding hi,” a ci hi.

Thu-hilhkikna 11:2

Tu ni-in ngaihsun un (a thei nai lo, a mu nai lo na tate uh tungah a gen hilo ka hih ciangin) Topa note’ Pasian’ hong thuhilhna, ama liatna, a vangliatna leh a thahatna,

Filippi 2:12

Tua ahih ciangin ka itte aw, note in thu na man’ tawntung uh bangin keimah maitangah tham loin, ka muh lohna-ah zong thungai-in, launa liin’na lungsim tawh, gupna na ngahna uh semkhia un.

Sawltak 20:29

Ka pai khit ciangin gilo ngiate in nomau lakah lutin, a tuute a hehpih kei ding uh hi.

2 KHANG TANGTHU NIHNATE 24:2

Joash in siampi Jehoiada’ hun sung khempeuh Topa’ mit-ah a man gamta hi.

Thu-hilhkikna 11:7

bang hang hiam cih leh a hihsa Topa’ nasepna a liante khempeuh na mite un mu khin hi.

Piancilna 14:10

Tu-in Siddim Kuam in kultal khukte tawh kidim hi; Sodom leh Gomorrah kumpite a tai uh ciangin pawl khat tua khukte sungah kia uh a, a om lai teng mual tungah tai uh hi.

Thukhente 2:6

Joshua in mite a ciahsak ciangin, Israel mite leitang luah dingin amau’ gamh ciatah pai uh hi.

Thukhente 2:10

Tua ciangin tua khang mite khempeuh zong a pu a pate uh kiang kizuansak hi; amaute khit ciangin Topa hita leh, Israelte adingin a septe hita leh a thei lo khang thak hong piang uh hi.

2 KHANG TANGTHU NIHNATE 34:33

Tua ciangin Josiah in Israel mite’neihsa gam sung khempeuh panin kihhuainate khempeuh lakhia a, Israel sunga om mi khempeuh Topa amaute’ Pasian na a sem sak hi. Ama nuntak sung khempeuh amau’ pute pate’ Pasian ahi Topa zuihna panin amaute kiheikhia lo uh hi.