Joshua 24:22 - Tedim Bible

²² Tua ciangin Joshua in mite kiangah, “Ama na sem dingin Topa na teel khitna uh-ah note adingin note mah in teci na hi uh hi,” a ci hi. Tua ciangin amaute in, “Kote in teci ka hi uh hi,” a ci uh hi.

Tedim Bible Revision 2017

²² Tua ciangin Joshua in mite kiangah, “Ama na a sem dingin Topa na teel khitna uh ah note adingin note mah teci na hi uh hi,” a ci hi. Tua ciangin amaute in, “Kote, teci ka hi uh hi,” a ci uh hi.

Joshua 24:22 Referans Kwoze

Late 119:173

Nangma thuhilhte hong zui ka hih manin, keimah huh dingin a kigingsa-in om tawntung in.

Late 119:11

Nang tungah kong khialh loh nadingin ka lungsim sungah nangma thu ka khol hi.

Luka 10:42

Ahih hangin sapna khat bek a om hi. Mari in ahih leh, na hoih khat a teel zo hi. Tua na in ama tung pan kilakhia lo ding hi,” ci-in a gen hi.

JOB (Job) 15:6

Na mawhna thu kei’ hong gen kisam lo a, na pauna khempeuh in na mawhna hong langsak ta hi.

Thu-hilhkikna 26:17

Tu ni-in, Topa in note’ Pasian ahihna leh note in ama lampite tawnin, ama thukhamte leh ama thupiaknate leh ama ngeina kipte zui-in, ama thu na man’ ding uh na gen khin uh hi;

Luka 19:22

A topa in, ‘Nasem gilopa aw, nangma kam sung panin thu kong khen ding hi. Keimah in mi haksa ka hi a, ka koih lohna pan ka lak leh ka vawh lohna-ah ka at hi ci-in na thei hi.

Joshua 24:21

Tua ciangin mite in Joshua kiangah, “Hilo hi; Topa na’ ka sem ding uh hi,” a ci uh hi.