Joshua 23:15 - Tedim Bible

^15-16 Ahih hangin, amah in note hong thupiak ahi Topa na Pasian uh thuciamna palsatin, note in pasian dangte’ na semin tuate na biak uh leh, Topa na Pasian un note tawh kisai-a a ciam nahoih khempeuh a tun’ mah bangin Topa na Pasian un note hong piaksa hih leitang hoih panin amah in note hong suksiat khit matengin Topa in note tungah siatna khempeuh hong tungsak ding hi. Tua ciangin note tungah Topa’ hehna hong so ding a, note tungah a hong piak leitang hoih panin note manlang takin na sia ding uh hi,” a ci hi.

Tedim Bible Revision 2017

^15-16 Ahih hangin, amah in note hong thupiak ahi Topa na Pasian uh thuciamna palsatin, note in pasian dangteʼ na semin tuate na biak uh leh, Topa na Pasian un note tawh kisai-in a ciam na hoih khempeuh a tun mah bangin Topa na Pasian un note hong piak sa hih leitang hoih panin amah in note hong suksiat khit matengin note tungah siatna khempeuh hong tungsak ding hi. Note tungah Topa hong sin so dinga, note tungah a hong piak leitang hoih panin note manlang takin na bei ding uh hi,” a ci hi.

Joshua 23:15 Referans Kwoze

1 THESALONIKA MASA 2:16

Tua mite in amau mawhna a dimsak tawntung nadingun Gentailte in gupna sungah a tun’ nadingun kote thuhilh hong khaam uh hi. Amau tungah hehna a vekpi-in a tung zo hi!

Thukhente 13:1

Israel mite Topa muhna-ah a sia gamta kik uh hi; Topa in Filistia mite’ khut sungah kum sawmli sung amaute pia hi.

Thukhente 6:1

Israel mite Topa muhna-ah a sia gamta uh hi; Topa in Midiante’ khut sungah amaute kum sagih sung pia hi.

Thukhente 3:8

Tua ahih ciangin Israelte tungah Topa’ hehna so a, amah in Mesopotamia kumpipa Kushan-rish-athaim tungah amaute zuak hi; Israel mite in Kushan-rish-athaim’ na kum giat sem uh hi.

Thukhente 3:12

Tua ciangin Topa muhna-ah Israel mite a sia gamta kik uh hi; tua ciangin Topa in Israelte lang khatah Moab kumpipa Eglon thahatsak hi; bang hang hiam cih leh Topa muhna-ah amaute a sia gamta uh hi.

1 KUMPI MASATE 8:56

“Ama hong ciamsa khempeuh tawh kizui-in ama mi Israelte tawlngakna a pia Topa in thupha ngah ta hen; a nasempa Moses tung tawnin a gensa ama thuciamna hoihte khempeuh kam khat zong maimawk lo hi.

1 KUMPI MASATE 14:15

tui sunga pumpeng a kiliin’ mah bangin Topa in Israel vatin amau pute pate tungah a piak hih gam hoih panin Israel zung lot ding a, Eufrates gal khatah amaute thehthang ding hi; bang hang hiam cih leh amaute in Asherah milimte bawlin Topa a heh nadingin phin uh hi.

Isaiah 24:6

Tua ahih ciangin Topa in leitung samsiatin susia a, a tunga teeng mite in amau’ mawhna hangun kangtum uh hi; tua ahih ciangin leitunga teeng mite tawm semsem hi.

Jeremiah 32:24

En in, khuapi lak nadingin kan a to khin zo uh hi. Namsau tawh kithahna hang, kialpi hang leh pulnatna hangin a sim Khaldea mite’ khut sungah khuapi a kipia ding hi. Na gensa bangin hong tun’ loh phamawh ahih manin en in, nangmah in na mu ta hi.

Jeremiah 35:17

Tua ahih manin keimah Topa, a vanglian Pasian, Israel mite’ Pasian in kong gen-inah: En un, Judah mite leh Jerusalem khua-a teeng mi khempeuh tungah a tung ding a, ka gen khiatsa siatna khempeuh ka tungsak ding hi. Bang hang hiam cih leh amau tungah ka gen hangin amau in ka thu hong ngai lo uh a, amaute ka sap hangin hong dawngkik lo uh hi, ci hi, ci-in va gen in,” a ci hi.

Siampi Laibu 26:3

“Note in ka thukham zui-in ka thupiaknate mangin tuate na sep uh leh,

Jeremiah 32:42

“Bang hang hiam cih leh Topa in kong cih-inah, hih siatna khempeuh hih mite tungah ka tun’sak mah bangin, amaute tunga ka khapsa hoihna khempeuh zong ka tungsak pelmawh ding hi.