Joshua 23:12 - Tedim Bible

¹² Bang hang hiam cih leh note nungkikin note lakah a om lai minamte tawh kipawlin amaute tawh kitengin, note in amau’ numeite ten’pihin amaute in note’ numeite a teen’pih leh;

Tedim Bible Revision 2017

¹² Bang hang hiam cih leh note nungkikin note lakah a om lai minamte tawh kipawlin amaute tawh kiteengin, note in amauʼ numeite teen pihin amaute in noteʼ numeite a teenpih leh,

Joshua 23:12 Referans Kwoze

Thu-hilhkikna 7:3

Amaute tawh kiteeng loin, na tanute uh amau tapate pia loin, a tanute uh na tapate’ adingun na la kei ding uh hi.

Zefaniah 1:6

Lam pial a, kei hong zui nawn lote, thu dong dingin kei kiangah hong pai lote, ka susia ding hi,” ci hi.

Ezekiel 18:24

Ahi zongin mihoih khat in a gamtat hoihna teng khawlin, migilote’ gamtat bangin a mindaihuai, gamtat siate gamtat ding hong kipan leh, amah nungta paisuak ding ahi hiam? Nungta het lo ding hi. A hoih ama gamtatnasate kiphawksak lo ding hi. Ama cihtaklohna leh ama mawhna hangin si ding hi.

1 JOHAN MASA 2:9

“Khuavak sungah ka om hi,” ci napi-in a u a nau a mudah mi in, tu dongin khuamial sungah a om lai hi.

ROM (Romans) 12:9

Simtat loin itna lungsim om ta hen. Gitlohna mudahin gamtat hoih beel un.

Johan 6:66

Tua-a kipanin ama nungzui tampite in Zeisu tawh kipawl nawn loin a kihei kik uh hi.

Mattiu 12:45

Tua ciangin pai a, amah sangin a gilo zaw dawi sagih va sam a, tua pa sungah a lut uh hi. Tua ahih ciangin, tuapa a pian’ nunung pen in a pian’ masak sangin a siazaw hi. Tua mah bangin hih a gilo khang mite zong ahi ding hi,” a ci hi.

Isaiah 1:4

Ah, a khial minam, mawhna tawh a gik mite, siatna a bawlte’ suan leh khakte, a gamtatsia tapate! Amaute in Topa nusia khin uh a, amaute in Israelte’ Siangtho Pa simmawh khin uh hi; amaute in amah nungngat uh hi.

Late 125:5

Ahih hangin amau’ gitlohna a zui mite pen siatna bawlte daan na piak ciangin, amaute tawh pia khawm in. Israelte tungah nopna om ta hen!

Late 36:3

Ama kammalte in siatna leh khemna vive hi a, pil gamtatna leh hoih gamtatna bei khin ta hi.

1 KUMPI MASATE 11:4

Bang hang hiam cih leh Solomon a teek ciangin a zite in pasian dangte lamah ama lungsim heikhia uh hi; ama pa David’ lungsim bangin ama lungsim Topa tungah thuman bup taktak lo hi.

1 KUMPI MASATE 11:2

Topa in Israel mite tungah, “Amaute tawh na kiteng kei ding uh a, amaute zong note tawh kiteng lo ding hi; bang hang hiam cih leh amaute in amau’ pasian lamah na lungsim uh hong heikhia taktak ding hi,” a cih minamte’ lak pan ahi hi; Solomon in hihte ngai-in pom hi.

Piancilna 34:3

Ama' lungsim Jakob’ tanu Dinah’ lamah pai hi; amah in tua numei itin ama' tungah kamkhum takin pau hi.

Piancilna 2:24

Tua ahih ciangin mipa in a nu leh a pa nusia-in a zi beel a, amaute in sakhat suak uh hi.

Thu-hilhkikna 7:4

Bang hang hiam cih leh pasian dangte na sem dingin keimah zuihna panin na tapate uh amaute in heikhia ding uh hi. Tua ciangin no tungah Topa’ hehna hong so-in note hong susia pak ding hi.

Joshua 23:11

Tua ahih ciangin Topa na Pasian uh na it ding uh hoih takin ngaihsun un.

Thukhente 3:6

amaute in a zi dingun a tanute uh la a, amaute tanute a tapate uh tungah pia uh hi; amaute in a pasiante uh na sem uh hi.

Thu-hilhkikna 6:15

bang hang hiam cih leh note lakah a om Topa na Pasian uh in a aam Pasian ahi hi; tua bang hi kei leh note tungah Topa na Pasian uh hong hehin lei maitang panin note hong susia ding hi.

Thukhente 14:3

Ahih hangin a pa leh a nu in ama kiangah “Nang pai-in vun ki-at lo Filistia mite kiang panin zi na lak nadingin na tanaute’ lak ahi a, i mite khempeuh lakah ahi zongin numei khat beek om lo ahi hiam?” a ci uh hi. Ahih hangin Samson in a pa kiangah, “Tua nu hong laksak in; bang hang hiam cih leh amah in ka lung hong kimsak mahmah hi,” a ci hi.