Joshua 22:4 - Tedim Bible

⁴ Tu-in Topa na Pasian un amaute tungah a ciamsa bangin na sanggamte tungah tawlngakna pia hi; tua ahih ciangin Topa’ nasem Moses in note hong piak Jordan galkhat, note’ neihsa a omna leitang na inn uh ah note kihei-in pai un.

Tedim Bible Revision 2017

⁴ Tu-in Topa na Pasian un amaute tungah a ciam sa bangin na sanggamte uh tawlngakna pia hi. Tua ahih ciangin Topaʼ nasem Moses in note hong piak Jordan gal khat, noteʼ neihsa a omna leitang na inn uh ah note ciah un.

Joshua 22:4 Referans Kwoze

Joshua 13:8

Reuben mite leh Gad mite in Manasseh minam a lang dang khatte tawh Topa’ nasem Moses in amaute a piak mah bangin, nisuahna lam Jordan gal khatah Moses in amaute a piak gamh ngah khawm uh hi;

Gamlak-vakna 32:18

Israel mite in amau’ luah ding ciat a luah khit matengun ka inn uhah ka ciah kei ding uh hi.

Thu-hilhkikna 3:20

Topa in note hong piak bangin na sanggamte uh tungah lungsim tawlngakna pia-in, Topa na Pasian uh Jordan gal khatah amaute a piak leitang amaute in zong a luah matengun na om ding uh hi; tua ciangin note kong piaksa ahi na neihsa ciat uhah note khempeuh na ciah ding uh hi,’ kong ci hi.

Joshua 13:15

Tua ciangin Moses in Reuben minam tungah amau’ beh tawh kizui-in gamh pia hi.

Thu-hilhkikna 29:8

amaute’ leitang i la a, Reuben mite, Gad mite, leh Manasseh minam a langte tungah luah dingin i pia hi.

Thu-hilhkikna 12:9

bang hang hiam cih leh Topa na Pasian un note hong piak tawlngakna leh luahna ah na tung nai kei uh hi.

Hebru 4:8

Bang hang hiam i cih leh, Joshua in tua mite nopsakna pia hi leh, tua nung ciangin a nidang ni thu Pasian in a gen kei ding hi.

Paikhiatna 33:14

Amah in, “Nang tawh kong pai ding a, lungsim tawlngakna hun nang kong pia ding hi,” a ci hi.

Joshua 1:15

note hong piak bangin Topa in na sanggamte uh tungah tawlngakna pia-in, Topa na Pasian un amaute a piak leitang amaute in zong a luah mateng na huh ding uh hi; tua ciangin note’ neih leitangah ciah kikin, Topa’ nasem Moses in Jordan gal ni suahna lamah note hong piak leitang na luah ding uh hi,” a ci hi.

Joshua 22:3

tu ni dong hih hun saupi sung na sanggamte uh na nusia kei uh a, Topa na Pasian uh hong sawlna lim takin zuih ding na ngaihsun uh hi.

Joshua 12:6

Topa’ nasem Moses leh Israel mite in amaute zo uh hi; tua ciangin Topa’ nasem Moses in Reuben mite leh Gad mite leh Manasseh minam a langte tungah a neih dingun amau’ leitang a pia hi.

1 KHANG TANGTHU MASATE 22:18

“Topa na Pasian uh note tawh om hilo ahi hiam? Amah in na kiim khempeuh uhah kilemna hong pia hilo ahi hiam? Bang hang hiam cih leh amah in gam sungah teeng mite keima khut sungah hong pia khin hi; Topa leh ama mite mai-ah gam sung khempeuh kinuai-siah hi.