Joshua 2:24 - Tedim Bible

²⁴ Amaute in Joshua kiangah, “Topa in leitang khempeuh eite khut sungah hong pia taktak hi; tua tham loin tua gam-a teeng mite khempeuh eite hangin lungmang uh hi,” a ci uh hi.

Tedim Bible Revision 2017

²⁴ Amaute in Joshua kiangah, “Topa in leitang khempeuh eiteʼ khut sungah hong pia taktak hi. Tua tham loin tua gam a teeng mi khempeuh eiteʼ hangin lungmang uh hi,” a ci uh hi.

Joshua 2:24 Referans Kwoze

Paikhiatna 23:31

Keimah in San Tuipi panin Filistia mite’ tuipi ciang leh gamlak panin Eufrates gun ciang dongah na gamgite uh ka phut ding hi; bang hang hiam cih leh tua gam-a teeng mite note’ khut sungah kong pia ding a, note in na mai uh-ah amaute na hawlkhia ding uh hi.

Paunak 25:13

Amah a sawlte tungah a citak kamtaipa in, an lak hun-a tuikhal vot tawh kibang a, a tote’ lungsim thak suaksak hi.

Joshua 5:1

Nitumna lam Jordan gal khat-a om Amor mite’ kumpite khempeuh leh tuipi gei-a om Kanaan mite’ kumpite khempeuh in, Israel mite in a kantan khit mateng amaute adingin Jordan tuite Topa in a kan’sakna thu a zak uh ciangin lungmang uh a, Israel mite hangin a lungsim uh a bei hi.

Joshua 1:8

Hih thukham laibu na mangngilh ngei kei ding hi. A sunga a kigelh thute khempeuh tawh kizui-in na gamtat theihna dingin sun leh zanin na lungngaingai ding hi; tua hi leh na lampi mavang ding a, na nasep tangtung ding hi.

Paikhiatna 15:15

Tu-in Edom ukpite lungkia uh a, Moab makaite, liin’na in mancip hi; Kanaan-ah a teeng mite khempeuh tuisuak khin uh hi.

Joshua 2:23

Tua ciangin mualtung panin mi nihte paisuk kik uh a, galkahin Nun tapa Joshua kiangah tung uh hi; amau tunga thupiang khempeuh ama tungah gen uh hi.

Thukhente 7:9

Tua zan mahin Topa in ama kiangah, “Tho in, giahphual simin pai in; bang hang hiam cih leh na khut sungah kong pia zo hi.

Joshua 6:2

Tua ciangin Topa in Joshua kiangah, “Thei in, na khut sungah a kumpipa leh a mi thahatte tawh Jerikho kong pia khin hi.

Joshua 8:1

Tua ciangin Topa in Joshua kiangah, ‘Lau kei in la lungkia kei in; galkap khempeuh nang kiangah la in la, tho-in Ai-ah paito un; thei in, nangma khut sungah Ai kumpipa leh a mite, a khuapi, leh a leitang kong pia khin zo hi;

Thukhente 1:2

Topa in “Judah paito ding hi; en un, ama khut sungah tua leitang ka pia zo hi,” a ci hi.

Thukhente 18:10

Na pai uh ciangin bangmah a ummawh lo mite kiangah na tung ding uh hi. Leitang zai mahmah hi; hi hi, Pasian in na khut sung uh ah leitungah bangmah a kisap lohna mun hong piakhin zo hi,” a ci uh hi.