Joshua 19:10 - Tedim Bible

¹⁰ A beh tawh kizui-in Zebulun adingin aisaan thumna hong tung hi. Amau’ luah gam in Sarid ciang dong ban hi;

Tedim Bible Revision 2017

¹⁰ A beh tawh kizui-in Zebulun minam adingin aisan thumna hong tung hi. Amauʼ luah gam in Sarid ciang dong ban hi.

Joshua 19:10 Referans Kwoze

Joshua 18:11

A behbeh tawh kizui-in Benjamin minamte’ ading aisaan hun hong tunga amau’ tungah a kipia gam in Judah minam leh Josef minamte kikalah hong kia hi.

Joshua 18:6

Note in leitang khen sagihin hong ciamteh un la, na ciamtehna uh hih mun kei kiangah nong paipih ding uh hi; tua ciangin keimah in Topa i Pasian’ mai-ah note adingin aai ka saan ding hi.

Piancilna 49:13

Zebulun in tuipi gei-ah teeng ding hi; amah in teembaw khawlmun suak ding a, Sidon ciangah a gamgi om ding hi.

Joshua 19:9

Simeon minam’ luah in Judah minam’ gamsung khenkhat hong suak hi; bang hang hiam cih leh Judah minam’ ngah in amau' adingin lian lua a, amau’ luah sung panin Simeon minam in gamh ngah uh hi.

Joshua 19:11

tua ciangin a gamgi nitumna lamah paito-in Mareal-ah paisuak a, Dabbesheth va su a, tua ciangin Jokneam nisuahna lam-a om lui ban hi;

Ezekiel 48:26

a zomah Zebulun minamte,

Piancilna 35:23

Leah’ tapate: Reuben (Jakob’ ta u pen), Simeon, Levi, Judah, Issakhar leh Zebulun ahi hi.