Joshua 17:7 - Tedim Bible

⁷ Manassehte’ gam in Asher panin Shekhem nisuahna lamah a om Mikmethath dong ban hi; tua ciangin Entappuah mite’ leitaw lamah gamgi pai hi.

Tedim Bible Revision 2017

⁷ Manasseh-teʼ gam in Asher panin Shekhem nisuahna lamah a om Mikmethath dong ban a, tua ciangin En-tappuah miteʼ leitaw lamah a gamgi pai hi.

Joshua 17:7 Referans Kwoze

Joshua 21:21

Efraim mualtung gam-a om mithatte’ ading khuapi Shekhem a lonona gamte tawh, Gezer a lonona gamte tawh,

1 KHANG TANGTHU MASATE 6:67

Amaute tungah a kipia bukna khuapite in: Efraim mual tung gam sungah a om Shekhem a lonona gamte tawh, Gezer a lonona gamte tawh,

1 KUMPI MASATE 12:25

Tua ciangin Jeroboam in Efraim mualtung gam sungah Shekhem khua lamin tua lai-ah teeng hi; tua ciangin tua lai panin amah paikhia-in Penuel lam hi.

1 KUMPI MASATE 12:1

Shekhem ah Rehoboam pai hi; bang hang hiam cih leh amah kumpi a suaksak dingin Israel khempeuh Shekhem ah hong pai uh hi.

Thukhente 9:1

Tu-in Jerubbaal’ tapa Abimelek Shekhem-a a nu’ tanaute kiangah pai-in amaute leh a nu’ innkuante beh khempeuh kiangah,

Joshua 24:32

Israel mite in Izipt panin a puak uh Josef’ guhte pen Shekhem’ pa Hamor’ tapate tung panin Jakob in dangka zakhat tawh a lei leitang Shekhem-ah kivui hi; tua leitang pen Josef’ suan-le-khakte’ luah a suak hi.

Joshua 24:1

Tua ciangin Joshua in Israel minam khempeuh Shekhem-ah kaikhawmin a upate, a lutangte, a thukhente, leh Israel uliante sam hi; tua ciangin Pasian mai-ah amau ciat kilaak uh hi.

Joshua 20:7

Tua ahih ciangin amaute in Naftali mualtung gam sunga om Galile gam sung panin Kedesh khua, Efraim mualtung gam sungah Shekhem khua, leh Judah mualtung gam sungah Kiriatharba (Hebron a cihna) khuate tuam koih uh hi.

Piancilna 37:14

Tua ahih ciangin amah in a kiangah, “Tu-in va pai in la, na sanggamte leh tuuhonte a cidam hiam va thei in; kei' kiangah thu hong zasak kik in,” ci hi. Tua ahih ciangin amah in Hebron kuam panin amah sawl a, Shekhem-ah amah tung hi.

Piancilna 37:12

Tu-in a pa uh’ tuuhonte cing dingin Shekhem gei-ah a sanggamte pai hi.

Piancilna 34:2

Hiv mi Hamor’ tapa Shekhem,tua gam ulianpa in amah a muh ciangin, amah in manin luppih a, siasak hi.

Joshua 17:6

bang hang hiam cih leh Manasseh’ tanute in a tapate tawh gamh ngah khawm uh hi. A om lai Manasseh mite tungah Gilead leitang kipia hi.

Joshua 17:8

Tappuah leitang in Manasseh’ aa ahi hi; ahih hangin Manasseh gamgi-a om Tappuah khuapi in Efraim tapate’ aa ahi hi.

Late 60:6

Ama biakinn sungah Pasian in thu gen khin hi: “Gualzo-a lungdamna tawh Sekhem gam khenkhia-in Sukkot gamkuam ka sehkhia ding hi.