Joshua 15:46 - Tedim Bible

⁴⁶ Ekron panin tuipi dong, Ashdod lam pang-a omte khempeuh a khua neute tawh ahi hi.

Tedim Bible Revision 2017

⁴⁶ Ekron panin tuipi dong, Ashdod lam pang a omte khempeuh a khuaneute tawh ahi hi.

Joshua 15:46 Referans Kwoze

Amos 1:8

Ashdod khuapi-a teeng mite ka lakhia ding a, Ashkelon khuapi ukte ka beisak ding hi. Ekron khuapi ka sugawp ding a, Filistia mi a om laite si ding uh hi.

Isaiah 20:1

Assiria kumpipa Sargon in a sawl galkap mang lian penpa in Filistia khuapi Ashdod-ah pai-in, tua khua va do hi.

2 KHANG TANGTHU NIHNATE 26:6

Amah kuankhia-in Filistiate va sim a, Gath khuapi kulh, Jabneh khuapi kulh leh Ashdod khuapi kulh sucim hi; tua ciangin amah in Ashdod gam sung leh Filistiate gam sung mun dangte ah khuapite lam hi.

1 SAMUEL MASA 5:6

Topa in Ashdod khuamite nakpi takin gawt a, amah in uilut tawh Ashdod khua leh a gamsung teng lau sakin gimsak hi.

1 SAMUEL MASA 5:1

Filistiate in Pasian’ thuciamna singkuang a mat uh ciangin Ebenezer panin Ashdod-ah pua uh hi,

Joshua 11:22

Israel mite’ leitangah Anak mite khat zong om nawn lo hi; Gaza, Gath, leh Ashdod sung bekah pawlkhat om lai hi.

Joshua 15:45

Ekron, a khuapite leh a khua neute tawh ahi hi;

Joshua 15:47

Ashdod, a khuapite leh a khua neute tawh ahi hi; Gaza, a khuapite leh a khua neute tawh ahi hi; Izipt lui leh tuipi lian a gei ciang dong tawh ahi hi.