Joshua 14:6 - Tedim Bible

⁶ Tua ciangin Judah minamte Gilgal-a Joshua kiangah pai uh a, amaute’ sung panin Kenaz mi Jefunneh tapa Kaleb in ama kiangah, “Topa in Kadesh-barnea-ah Pasian’ mi Moses tungah nang leh kei’ thu tawh kisai a gente na thei hi.

Tedim Bible Revision 2017

⁶ Tua ciangin Judah minamte Gilgal-a Joshua kiangah pai uh a, amaute sung panin Kenaz mi Jefunneh tapa Kaleb in ama kiangah, “Topa in Kadesh-barnea ah Pasian mi Moses tungah nang le keiʼ thu tawh kisai a gente na thei hi.

Joshua 14:6 Referans Kwoze

Gamlak-vakna 14:30

Jefunneh’ tapa Kaleb leh Nun’ tapa Joshua sim loh, note teengsak dingin ka kiciamna leitangah khat beek na tung kei ding uh hi.

Gamlak-vakna 14:24

Ahih hangin ka nasem Kaleb ahih leh, amah in lungsim tuam nei-in lim takin kei hong zui ahih manin, amah in a zuat leitangah ka tun’ pih ding a, ama suan leh khakte in tua leitang luah ding uh hi.

Gamlak-vakna 13:6

Judah minam panin Jefunneh’ tapa Kaleb;

Joshua 14:14

Tua ahih ciangin amah in Topa, Israelte’ Pasian, lungsim tak tawh zui ahih manin tu ni dongin Hebron in Kenaz mi Jefunneh’ tapa Kaleb’ gamh suak hi.

Gamlak-vakna 14:6

Gam vaante lakah a kihel Nun’ tapa Joshua leh Jefunneh’ tapa Kaleb-te in a puan uh balkeekin,

Joshua 15:17

Tua ciangin Kaleb’ sanggampa Kenaz’ tapa Othniel in la hi; amah in a zi dingin a tanu Aksah pia hi.

Gamlak-vakna 32:12

Kenaz mi Jefunneh’ tapa Kaleb leh Nun’ tapa Joshua in Topa zui taktak uh ahih manin a mu ding uh hi,’ a ci hi.

Gamlak-vakna 13:26

Paran gamlak Kadesh muna Moses leh Aaron leh Israel mi honte khempeuh kiangah amaute hong tung uh hi; amaute leh mihon khempeuh tungah thu puak kik uh a, tua leitanga gahte amaute lak uh hi.

Late 90:1

Topa aw, nangmah in khang tawntunga kote omna mun na hi hi.

1 TIMOTI MASA 6:11

Pasian’ mi aw, nang na hih leh, tua mawhnate pel in la, dikna, Pasian biakna lamah nopsakna, upna, itna, thuakzawhna, lungnemnate na phak matengin na delh in.

2 KUMPI NIHNATE 8:11

Tua ciangin amah a maizum dongin a etna mun mah en denin Hazael sal gega hi. Tua ciangin Pasian’ mipa kap hi.

2 KUMPI NIHNATE 8:7

Tu-in Damaskas ah Elisha hong pai hi. Siria kumpipa Benhadad a ci na hi; ama kiangah, “Hih lai-ah Pasian’ mipa hong pai hi,” ci-in a kigen ciangin,

2 KUMPI NIHNATE 4:42

Mi khat Baalshalishah panin hong pai-in Pasian’ mipa kiangah anpal anlum, mangbuhham lum sawmnih, leh anvui athak a van sungah hong pua hi. Tua ciangin Elisha in, “Amaute in a nek thei nadingun kamsangte tungah pia in,” a ci hi.

2 KUMPI NIHNATE 4:16

Tua ciangin amah in, “A hun hong tun’ ciangin tapa khat na tawi ding hi,” a ci hi. Tua ciangin tua nu in, “Hilo hi, ka topa, Pasian’ mipa aw, na nasemnu tungah zuau kei in,” a ci hi.

2 KUMPI NIHNATE 4:9

Tua ciangin tua numei in a pasal kiangah, “Tu-in en in, hih i lampi hong nawk tawntungpa in Pasian’ misiangtho hi, ci-in ka thei hi.

1 KUMPI MASATE 13:14

Tua ciangin Pasian’ mipa nungah amah pai a, tawsaw khat nuai-ah tu-in amah mu hi; tua ciangin amah in ama kiangah, “Nang in Judah panin hong pai Pasian’ mipa na hi hiam?” a ci hi. Amah in, “Ka hi hi,” a ci hi.

1 KUMPI MASATE 13:1

En in, Topa’ thu tawh Judah panin Pasian’ mi khat Bethe-el ah hong pai hi. Paknamtui hal dingin biakna tau gei-ah Jeroboam na ding hi.

Joshua 10:43

Tua ciangin Joshua, amah tawh a om Israel khempeuh tawh Gilgal-a giahphual-ah ciahkik hi.

Joshua 4:19

Kha masa a nisawm ni-in Jordan panin mite paikhia uh a, Jerikho nisuahna lam gamgi Gilgal-ah giahphual sat uh hi.

Thu-hilhkikna 34:10

Israel sungah Moses bangin Topa in maitang kimu-in a theih kamsang dang kuamah om lo hi.

Thu-hilhkikna 34:5

Tua ahih ciangin Topa thugenna bangin Topa’ nasem Moses pen Moab gamah si a,

Thu-hilhkikna 33:1

Hih in, Pasian mi Moses in ama sih ma-in Israel mite thupha a piakna ahi hi.

Gamlak-vakna 13:30

Ahih hangin Kaleb in Moses mai-ah mite gamdai sakin, “Thakhatin pai to-in va luah ni; bang hang hiam cih leh eite pen a zo thei mahmah ding i hi hi,” a ci hi.

Gamlak-vakna 26:65

Bang hang hiam cih leh Topa in amaute thu a genna ah, “Amaute gam lakah si ding uh hi,” a ci hi. Jefunneh’ tapa Kaleb leh Nun’ tapa Joshua lo buang amaute khat beek om nawn lo hi.

Jeremiah 35:4

Amaute, Topa’ biakinn sung, kumpi uliante’ inn dei gei, Shallum’ tapa kongpi uk biakinn upa lian Ma-aseiah’ inndei tung-a, Igdaliah’ tapa, Pasian’ mi ahi Hanan’ tate’ inndei sungah ka lutpih hi.

1 KHANG TANGTHU MASATE 23:14

Ahih hangin Pasian’ mipa Moses’ tapate ahih leh Levi minamte lakah kisim hi.