Joshua 14:12 - Tedim Bible

¹² Tua ahih ciangin tu-in tua ni-a Topa’ gen hih mualtung gam kei hong pia in; bang hang hiam cih leh Anak mite a muanhuai mahmah khuapite sungah a omna thu tua ni-in na za hi: Topa in kei hong ompih hi, Topa' cih bangin amaute ka hawlkhia zo kha ding hi,” a ci hi.

Tedim Bible Revision 2017

¹² Tua ahih ciangin tu-in tua ni-a Topaʼ gen hih mual tung gam kei hong pia in. Anak mite a muanhuai mahmah khuapi sungah a omna thu tua hun lai-in kong gen uh hi. Topa in kei hong ompih dinga, Topaʼ cih mah bangin amaute ka hawl khia zo kha ding hi,” a ci hi.

Joshua 14:12 Referans Kwoze

Hebru 11:33

Tua mite in upna tawh gamte a zo uh hi, thuman thu a khen uh hi, thuciamna a ngah uh hi, humpinelkai’ kam a khak uh hi,

Filippi 4:13

Hong thahatsakpa Khazih hangin na khempeuh ka hih thei hi.

Gamlak-vakna 13:33

Tua lai-ah Nefilim mite (Nefilim pana hong piang Anak mite) ka mu uh hi; kote pen kauphe bang lelin ka kingaihsun uh a, amau’ muhna ah zong tua bangmah ka hi uh hi,” a ci uh hi.

Gamlak-vakna 13:28

Ahi zongin tua gama teeng mite thahat uh a, a khuapite uh kulh tawh ki-uumin lian mahmah hi; tua banah Anak’ suan leh khakte tua lai-ah ka mu uh hi;

ROM (Romans) 8:31

Tua bang ahih leh, hih thu hangin bang gen ding i hi hiam? Pasian in eite lamsang ah a om leh, kua in eite lang khatah a pang zo ding hiam?

Joshua 15:14

Tua lai panin Kaleb in Anak’ tapa thumte Sheshai leh Ahiman leh Talmai, Anak suan-le-khakte hawl khia hi.

Late 60:12

Pasian tawh khauh takin i hih ding hi; amah in i galte hong sikcipsak dingpa ahi hi.

Late 44:3

bang hang hiam cih leh amaute in amau namsau tawh leitang ngah lo uh a, amau khut in amaute gualzawhna pia lo hi; na khut taklam leh na baan, na hehpihna maipha hizaw hi; bang hang hiam cih leh amau sungah nang na lungkim hi.

2 KHANG TANGTHU NIHNATE 14:11

Tua ciangin Topa’ Pasian tungah Asa kiko a, “Topa aw, a thahat leh a zawngkhal kikalah a huh dingin nang tawh a kibang kuamah om lo hi. Kote hong huh in, Topa kote’ Pasian aw, bang hang hiam cih leh nang kong suang uh a, nangma minin hih mihonpi do dingin kong pai uh hi. Topa aw, nangmah in kote’ Pasian na hi hi; mite kizosak kei in,” a ci hi.

1 SAMUEL MASA 14:6

Tua ciangin Jonathan in ama galhiam a pua tangvalpa kiangah, “Hong pai in, vun ki-at lo hih khuacingte kiangah pai ni; Topa in eite adingin hong hih kha ding hi; bang hang hiam cih leh hong hotkhiat nadingin a tam a tawm in Topa nawngkai sak lo ding hi,” a ci hi.

Thukhente 1:20

Tua ciangin Moses in a gensa bangin Kaleb tungah Hebron kipia hi; tua sung panin amah in Anak tapa thumte hawlkhia hi.

Gamlak-vakna 21:34

Ahih hangin Topa in Moses kiangah, “Amah kihta kei in; bang hang hiam cih leh amah leh a mite khempeuh leh a leitang, nangma khut sungah kong pia khin hi; Heshbon ah a teeng Amor kumpipa Sihon na bawl bangin amah na bawl ding hi,” a ci hi.

Thu-hilhkikna 1:28

Koi lai-ah paito ding i hi hiam? I sanggamte in i lungsim hong siasak khin uh a, “A mite in ei sangin lian zaw-in sangzaw uh hi; a khuapite lianin van banin ki-uum hi; tua tham loin Anak mite tua munah i mu hi,” hong ci uh hi,’ na ci uh hi.

2 KUMPI NIHNATE 19:4

Ama topa ahi Assiria kumpipa in a nungta Pasian a zahko dingin a sawl a ulianpa’ kammalte khempeuh Topa na Pasian in za-in Topa na Pasian in a zaksa thute nial khin kha ding hi; tua ciangin a om lai mite adingin thungen in,” a ci uh hi.

Thu-hilhkikna 9:1

“Israelte aw, za un; note sangin tamzaw-in a thahat zaw minamte, lianin van banin kulhpi a kiciangto khuapite, na theihsa uh mi ahi a pum a lian a tun sang Anak mite, ‘Anak mite, kua in do zo ding ahi hiam?’ a kicih na zak ngei mite uh a suankhia dingin tu ni-in Jordan a kantan’ ding na hi uh hi:

Thu-hilhkikna 9:3

Tua ahih ciangin, a kangtum thei mei bangin note mai-ah a paipa in Topa na Pasian uh ahihna tu ni-in thei un; amah in note mai-ah amaute susia-in, amaute zo ding hi; tua ahih ciangin Topa in note tungah hong ciamsa bangin amaute hawlkhia-in manlangin na siamang sak ding uh hi.