Joshua 11:15 - Tedim Bible

¹⁵ Topa in ama nasem Moses a thu piak bangin Moses in zong Joshua thu pia a, Joshua zong tua mah bangin gamta hi; Topa in Moses a thu piaksate khempeuh a hih loh om lo hi.

Tedim Bible Revision 2017

¹⁵ Topa in ama nasem Moses a thupiak bangin Moses in zong Joshua thu pia a, Joshua zong tua bangmahin gamta a, Topa in Moses a thupiaknate khempeuh a hih loh om lo hi.

Joshua 11:15 Referans Kwoze

Joshua 1:7

Thahat-in hang in la, ka nasempa Moses in nang hong piak thukhamte khempeuh tawh kizui-in na gamtat ding lim takin ngaihsun in; na paina peuhah hoih takin na lamzan’ theihna dingin tak lamah ahi a, vei lamah ahi zongin pial kei in.

Sawltak 20:20

Note ading thupha khat beek siit loin mi kikhopna sungah ahi zongin, inn khat pan inn khatah ahi zongin, ka hong hilh hi.

Thu-hilhkikna 7:2

Topa na Pasian un note tungah amaute hong pia-in, note in amaute na zawh uh ciangin, note in amaute na susia mang ding uh hi; amaute tawh thuciamna na bawl kei ding uh a, amaute tungah hehpihna na lak kei ding uh hi.

2 KHANG TANGTHU NIHNATE 30:12

Topa’ thupiakna tawh kumpipa leh uliante’ sawlna a sem dingin Judah mite tungah Pasian in lungsim kikhatna guan hi.

Thu-hilhkikna 31:7

Tua ciangin Moses in Joshua samin, Israelte khempeuh muhin ama kiangah, “Thahat in la, hang in; bang hang hiam cih leh amaute tungah piak dingin Topa in amau pute pate’ tungah a ciamsa leitangah hih mite tawh na pai ding hi; nangmah in tua leitang amaute na ngah sak ding hi.

Thu-hilhkikna 12:32

“Note kong thupiak khempeuh na hih ding uh na lim ngaihsut ding uh hi; na behlap kei ding uh a, zong na khiam kei ding uh hi.

Thu-hilhkikna 4:5

En un, note in luah dingin na lutna gam sungah na zuih dingun Topa ka Pasian in kei hong thupiak bangin thukhamte leh ngeina kipte kong hilh khin zo hi.

Sawltak 20:27

Bang hang hiam na cih uh leh, Pasian’ thu buppi note kiangah gen dingin ka pelh kei hi.

Thu-hilhkikna 4:2

Topa na Pasian un hong piak ahi keima hong thugente na zuih theih nadingun no kong thupiakte behlap loin, zong na khiam kei ding uh hi.

1 SAMUEL MASA 15:11

“Kumpi-in Saul ka koih ka kisik hi; bang hang hiam cih leh amah in keimah zuihna panin kihei kik a, ka thupiaknate sem lo hi,” a ci hi. Tua ciangin Samuel heh hi; zan tawntung Topa’ tungah kiko hi;

Joshua 11:12

Topa’ nasem Moses in a thu piaksa bangin Joshua in tua kumpite’ khuapite, leh a kumpite khempeuh la-in namsau tawh amaute vatin amaute susia mang hi.

Luka 11:42

“Farisaite aw, note in gimna na thuak ding uh hi. Bang hang hiam na cih uh leh, leengmasel leh anis leh meh namkim sehsawm suah sehkhat na piak uh hangin, aman thukhenna leh Pasian itna na nusia uh hi. Adangte tang lo tuan loin, hihte zong tan’ ding kilawm hi.

Mattiu 23:23

“A simtat laitheite leh Farisaite aw, note in gimna na thuak ding uh hi. Bang hang hiam na cih uh leh, leengmasel, anis leh, kummin, sehsawm suah sehkhat na piak uh hangin, thuman thukhenna, midangte hehpihna, gamtatna phate ahi Thukham sungah a lianpen thute na tang kei uh hi. Adangte sangin, hihte na tan’ ding uh a kilawm zaw hi.

Joshua 11:14

Israel mite in tua khuapite sunga van kinusiate leh ganhingte amau’ galzawh van dingin la uh hi; ahih hangin amaute a suksiat khit matengun namsau tawh vatgawp uh a, husang khat beek nusia lo uh hi.

Joshua 11:16

Tua ahih ciangin Joshua in gam khempeuh, mualtung gam leh Negeb gam leh Goshen gam khempeuh leh lei niamna gam leh Arabah leh Israelte mualtung gam leh a lei niamna gamte,

Gamlak-vakna 33:50

Jerikho nai Jordan kiang Moab leizangah Topa in Moses kiangah,

Gamlak-vakna 33:52

note mai panin tua gama teeng mi khempeuh na hawlkhia ding uh a, amau’ suang milimte khempeuh susia-in, a kisung amau’ milimte khempeuh na susia ding uh a, mual tunga a biaknate khempeuh uh na sumang ding uh hi;

Thu-hilhkikna 31:3

Topa na Pasian mahmah uh note’ mai-ah hong galkah ding hi; note mai-ah hih minamte amah in susia ding a, note in amaute na suankhia ding uh hi; Topa’ gensa bangin note’ mai-ah Joshua hong galkah ding hi.

Thu-hilhkikna 31:5

Topa in note tungah amaute hong pia ding a, note kong piak thupiaknate khempeuh tawh kizui-in amaute tungah na bawl ding uh hi.