Biblia Todo Logo
Bib sou entènèt

- Piblisite -




Joshua 11:12 - Tedim Bible

12 Topa’ nasem Moses in a thu piaksa bangin Joshua in tua kumpite’ khuapite, leh a kumpite khempeuh la-in namsau tawh amaute vatin amaute susia mang hi.

Gade chapit la Kopi

Tedim Bible Revision 2017

12 Topaʼ nasem Moses in a thupiak sa bangin Joshua in tua kumpiteʼ khuapite le a kumpi khempeuh la-in namsau tawh amaute vatin that mangkhin hi.

Gade chapit la Kopi




Joshua 11:12
18 Referans Kwoze  

Topa na Pasian un note tungah amaute hong pia-in, note in amaute na zawh uh ciangin, note in amaute na susia mang ding uh hi; amaute tawh thuciamna na bawl kei ding uh a, amaute tungah hehpihna na lak kei ding uh hi.


Topa in ama nasem Moses a thu piak bangin Moses in zong Joshua thu pia a, Joshua zong tua mah bangin gamta hi; Topa in Moses a thu piaksate khempeuh a hih loh om lo hi.


la-in, namsau tawh tua khua leh a kumpi leh a kiima khuapite, leh a sunga om khempeuh vatgawp hi; Eglon tungah a bawl bangin amah in kuamah siit lo a, tua khua leh a sunga om khempeuh susia mang hi.


tua ni mahin tua khua la uh a, namsau tawh vatgawp uh hi; Lakhish a hih mah bangin tua khua sunga om mi khempeuh tua ni-in amah in susia mang hi.


Topa in Israel mite khut sungah Lakhish pia a, amah in a ni nih ni-in la-in, Libnah a bawl bangin tua khua leh a sunga om mi khempeuh namsau tawh vatgawp hi.


Topa in tua khua leh a kumpipa zong Israel mite’ khut sungah pia hi; amah in namsau tawh tua khua leh a sunga om mi khempeuh vatgawp hi; tua khua sungah kuamah siit lo hi; Jerikho kumpipa tungah a bawl bangin a kumpipa tungah bawl hi.


Tua ni-in Joshua in Makkedah khua la a, namsau tawh tua khua leh a kumpipa vatgawp hi; a sunga om mi khempeuh susia mangin, kuamah siit lo hi; Jerikho kumpipa tungah a bawl bangin Makkedah kumpipa tungah a bawl hi.


Amaute in Joshua dawngin, “Bang hang hiam cih leh gam khempeuh nang tungah a hong piak nading Topa na Pasian in a nasempa Moses a thupiakna leh na mai panin gam sunga teeng mi khempeuh suksiat taktak nading thu na nasemte kiangah hong kigen hi; tua ahih ciangin note hangin ka nuntakna uh nakpi takin ka lung himawh uh a, hih bangin ka gamta uh hi.


Khuapi na lak khit uh ciangin Topa’ hong sawlsa bangin hihin mei tawh khuapi na hal ding uh hi; thei un, note thu kong pia khin hi,” a ci hi.


Ahih hangin Hazor khua longal mualtunga om khuapite khat zong Israel mite in hal lo uh hi; Joshua in tua khua hal hi.


Tua ahih ciangin, a kangtum thei mei bangin note mai-ah a paipa in Topa na Pasian uh ahihna tu ni-in thei un; amah in note mai-ah amaute susia-in, amaute zo ding hi; tua ahih ciangin Topa in note tungah hong ciamsa bangin amaute hawlkhia-in manlangin na siamang sak ding uh hi.


Joshua leh Israel mite in amaute a bei siang dongin tampi tak a thah khit ciang, leh a suakta lai mite amau’ khuapi muanhuai sungah a tum khit uh ciangin,


Lebanon leh Mishrefoth-maim kikal-a teeng Sidon mite khempeuh ahi hi. Kei mahmah in Israel mite mai panin amaute ka hawlkhia ding hi; nang kong thupiaksa bangin Israel mite tungah a luah dingin leitang hawm in.


Tua ciangin a pu a pate uh tungah a ciamsa bangin Topa in amaute tungah na khempeuhah tawlngakna pia hi; Topa in a galte khempeuh uh amau khut sungah pia ahih manin a galte uh khatbeek in zong amaute nang zo lo hi.


Swiv nou:

Piblisite


Piblisite