Joshua 10:40 - Tedim Bible

⁴⁰ Tua ahih ciangin Joshua in gam khempeuh, mualtung gam leh Negeb gam leh lei niamna mun leh mual pangsuk, leh a kumpite khempeuh zo hi; amah in kuamah siit lo a, Israelte Topa Pasian’ thu piaksa bangin husang khempeuh susia mang hi.

Tedim Bible Revision 2017

⁴⁰ Tua ahih ciangin Joshua in gam khempeuh, mual tung gam le Negeb gam le lei niamna mun le mual pang suk le a khuapite khempeuh a zo hi. Amah in kuamah siit lo a, Israel-teʼ Topa Pasianʼ thupiak sa bangin mi khempeuh a susia mang hi.

Joshua 10:40 Referans Kwoze

Late 9:17

Pasian a mangngilh minam khempeuh ahi migilote in Leinuai ah pai ding uh hi.

1 KUMPI MASATE 15:29

Amah kumpi ahih phetin Jeroboam innkuan khempeuh that hi; Topa in Shiloni mi a nasempa Ahijah tung tawnin a gensa bangin a vekpi-in a suksiat khit dongin a husang khat zong Jeroboam’ innkuan ah nusia lo hi;

Joshua 10:37

la-in, namsau tawh tua khua leh a kumpi leh a kiima khuapite, leh a sunga om khempeuh vatgawp hi; Eglon tungah a bawl bangin amah in kuamah siit lo a, tua khua leh a sunga om khempeuh susia mang hi.

Joshua 10:35

tua ni mahin tua khua la uh a, namsau tawh vatgawp uh hi; Lakhish a hih mah bangin tua khua sunga om mi khempeuh tua ni-in amah in susia mang hi.

Joshua 9:24

Amaute in Joshua dawngin, “Bang hang hiam cih leh gam khempeuh nang tungah a hong piak nading Topa na Pasian in a nasempa Moses a thupiakna leh na mai panin gam sunga teeng mi khempeuh suksiat taktak nading thu na nasemte kiangah hong kigen hi; tua ahih ciangin note hangin ka nuntakna uh nakpi takin ka lung himawh uh a, hih bangin ka gamta uh hi.

Joshua 8:27

Amah in Joshua a thupiak, Topa’ thugenna bangin Israelte in ganhing leh khuapi sunga van kinusiate bek la uh hi.

Joshua 8:2

Jerikho leh a kumpipa tungah na bawl bangin Ai leh a kumpipa tungah na bawl ding hi; a van kinusiate leh a ganhingte bek note adingin na la ding uh hi; a khuapi nungah a khuapi sim dingin na buksim ding uh hi,” a ci hi.

Joshua 6:17

Khuapi leh a sunga omte khempeuh suksiat dingin Topa tungah kipia ding hi; amah in i sawl kamtaite na seel ahih manin numei paktat Rahab leh ama inn sungah amah tawh a om khawmte khempeuh bek hing ding hi.

Thu-hilhkikna 7:24

Amah in note khut sungah amaute’ kumpite hong pia ding a, note in vantung nuai panin amaute’ min na maimang sak ding uh hi; amaute na susia khin mang ding uh a, note lang khatah mi khat beek hong pang zo lo ding hi.

Joshua 18:21

Tu-in amau’ beh tawh kizui-in Benjamin minamte’ khuapite in Jerikho, Bethhogal, Emekkeziz,

Thu-hilhkikna 1:7

kihei-in na khualzin uh kipan un la, Amor mite’ gam mualtung gam leh Arabah kiim, mualtung gam, lei niamna gam, Negeb gam khempeuh, leh Kanaan mite’ gam tuipi gei leh Lebanon, gun golpi ahi Eufrates gun dongin pai un.

Paikhiatna 34:12

Na paina leitanga a teng mite tawh thuciamna bawl kha loin, tua pen note’ laizangah thangzak a suah khak loh nadingin nangmahmah kidawm in.

Joshua 10:39

amah in a kumpipa leh a khuapite khempeuh tawh tua khua la hi; namsau tawh amaute in vatgawp uh a, a sunga om mi khempeuh amaute in susia mang uh hi; amah in kuamah siit lo hi; amah in Hebron leh Libnah leh a kumpipa tungah a bawlsa bangin Debir leh a kumpipa tungah bawl hi.

Joshua 11:16

Tua ahih ciangin Joshua in gam khempeuh, mualtung gam leh Negeb gam leh Goshen gam khempeuh leh lei niamna gam leh Arabah leh Israelte mualtung gam leh a lei niamna gamte,

Gamlak-vakna 13:17

Moses in Kanaan gam vaan dingin amaute sawl a, amaute kiangah, “Negeb gam gal khatah pai to-in, mual tung gamah paito un la,

Thu-hilhkikna 2:34

Tua hunin a khuapi khempeuh i la a, a khuapi khempeuh, papi, nupi leh naupangte i susia maimang hi; bangmah i siit kei hi;

Nehemiah 9:24

A suan a khakte uh tua gamah lutin a lak uh ciangin, amau’ mai-ah tua gam-a teeng Kanaan mite na nuaisiah a, a ut bang bangun a bawl dingun a kumpite leh a mite amau’ khut sungah na pia hi.