Joshua 10:25 - Tedim Bible

²⁵ Joshua in amaute kiangah, “Lau kei un la, lungkia kei un; thakhauh un la, hang un; bang hang hiam cih leh note' do na gal khempeuhte uh tungah Topa in hih bangin bawl ding hi,” a ci hi.

Tedim Bible Revision 2017

²⁵ Joshua in amaute kiangah, “Lau kei unla, lungkia kei un. Thakhauh unla, hang un. Bang hang hiam cih leh noteʼ do na gal khempeuhte uh tungah Topa in hih bangin bawl ding hi,” a ci hi.

Joshua 10:25 Referans Kwoze

2 KORIN NIHNA 1:10

Tua Pasian in tua zah-a lian sihna sung pan hong gumkhia a, hong gumkhia lai ding hi.

Joshua 1:9

Thu hong pia khin hilo ka hi hiam? Thahat in la hang in; lau kei in la, lungkia kei in; bang hang hiam cih leh na paina peuhpeuhah Topa na Pasian nang tawh hong om hi,” a ci hi.

Efesa 6:10

A khak belin, Topa-ah ahi zongin, ma vangliatna’ hatna-ah ahi zongin, thahatin om un.

ROM (Romans) 8:37

Khen thei lo ding hi! Ei hong itpa hangin hih nate khempeuh tungah gualzo pente i hi hi.

1 SAMUEL MASA 17:37

Tua ciangin David in, “Humpinelkai khecin leh vom khecin panin kei hong honkhia Topa in hih Filistiapa khut sung panin kei hong honkhia ding hi,” ci thuah lai hi. Tua ciangin Saul in David kiangah, “Pai in, Topa in nang hong ompih ta hen!” a ci hi.

Thu-hilhkikna 7:19

na mitte un a muhsa a lian ze-etnate, limte, nalamdangte, a vangliatna leh Topa na Pasian un hong paikhiatpihna a thahatna phawk ding uh hi; Topa na Pasian un na kihtak uh mi khempeuh tungah tua bangin hih ding hi.

Late 77:11

Topa’ sepnate ka lungsimah ka phawk ding hi; hi hi, hunlui lai-a nangma nalamdangte ka ciamteh ding hi.

Late 63:9

Ahi zongin kei thah dingin a hong zongte pen lei thukpi sungah paisuk ding hi;

Joshua 10:8

Tua ciangin Topa in Joshua kiangah, “Amaute na khut sungah hong pia khin ka hih manin amaute kihta kei in; amaute khat beek in nang hong nang zo lo ding uh hi,” a ci hi.

Joshua 1:6

Thahat in la hang in; bang hang hiam cih leh amaute piak dingin a pate uh tungah ka ciam leitang hih mite na luahsak ding hi.