Joshua 10:24 - Tedim Bible

²⁴ Amaute in Joshua kiangah tua kumpi ngate a pai khiatpih uh ciangin, Joshua in Israel mi khempeuh samin, amah tawh a kuan khawm galkap mangte kiangah, “A nai-ah hong pai un la, hih kumpite ngawngah na khe uh nga un,” a ci hi. Tua ciangin amaute a nai-ah hong pai-in, a khe uh amaute ngawng tungah nga uh hi.

Tedim Bible Revision 2017

²⁴ Amaute in Joshua kiangah tua kumpi ngate a paikhiatpih uh ciangin, Joshua in Israel mi khempeuh samin, amah tawh a kuan khawm galkap maangte kiangah, “A nai ah hong pai unla, hih kumpiteʼ ngawng ah na khe uh nga un,” a ci hi. Tua ciangin amaute a nai ah hong pai-in, a khe uh amauteʼ ngawng tungah a nga uh hi.

Joshua 10:24 Referans Kwoze

ROM (Romans) 16:20

Nopna hong pia Pasian in a sawt loin note khe nuai uh ah Satan a bawlsia ding hi. Eite Topa Zeisu Khazih’ hehpihna thupha in note tungah om ta hen.

Malakhi 4:3

Keimah in na kong sep ni ciangin, migilote nuaisiahin, leivui bangin na tuancil ding uh hi,” ci hi.

Late 110:5

Topa in nangma taklam-ah om hi; ama heh ni-in amah in kumpite zogawp ding hi.

Late 110:1

Topa in ka to kumpipa tungah, “Na galte nangma khe ngakna-in ka bawl matengin ka taklam khutah tu in,” a ci hi.

Late 107:40

amah in, uliante tungah simmawhna buaksukin, lampi om lohna gam sungah vakvai sak hi;

Thu-hilhkikna 33:29

Israel aw, mi nuamsa na hi hi. Nang hong kihuhna lum, leh na gualzawhna namsau ahi Topa in nang banga, a hotkhiat mi kua om ahi hiam? Na galte in hong mai-etin na kiangah hong pai ding uh a, amau’ pumpi na tuancil ding hi,” a ci hi.

Late 91:13

Nangmah in humpinelkai leh gul gu nei tung na tawn ding a, na khe nuai-ah humpinelkai khang lai leh gulpi na tuancil ding hi.

Late 18:40

Ka galte nangmah in na nungkik sak a, kei hong mudahte ka susia hi.

Thukhente 8:20

Tua ciangin amah in a tacil Jether kiangah, “Ding in, amaute that in,” a ci hi. Ahih hangin tangvalpa in a namsau dok lo hi; bang hang hiam cih leh amah tangval lai ahih manin lau hi.

Hebru 1:13

Tua tham loin: “Na galte khempeuh na khe nuai-ah Ka koih matengin, Ka ziat lamah na tu in,” ci a, kua vantungmi khatvei beek thupia ngei ahi hiam?

2 SAMUEL NIHNA 22:41

Nangmah in ka galte, kei hong mudahte, na nungkik sak a, keimah in amaute ka susia hi.

Isaiah 51:23

note kiangah, ‘Na tung uhah kong pai theih nadingun kunsuk un,’ hong ci no hong bawlsiate’ khut sungah tua haipi ka koih ding hi; note in na nungzang uh lei lak bangin bawlin, amaute’ pai nadingin kongzing bangin na bawl khin uh hi,” a ci hi.

2 SAMUEL NIHNA 22:39

Amaute ka beisak hi; amaute ka sunlet a, amaute thokik lo uh hi; ka khe nuai-ah amaute puk uh hi.