Joshua 10:11 - Tedim Bible

¹¹ Israelte mai-ah amaute a tai laitak, Bethhoron paitohna-ah a paisuk lai takun, Topa in vantung panin gialpi lianpite Azekah khua ciang dong, amaute tungah lawnsuk a, amaute si uh hi; Israel mite in namsau tawh a thah sangin tua gialpi hanga a si mi tam zaw hi.

Tedim Bible Revision 2017

¹¹ Israel-teʼ mai ah amaute a tai laitak, Beth-horon pai tohna ah amaute a pai suk laitakun, Topa in vantung panin gialpi lianpite Azekah khua ciang dong, amauteʼ tungah lawn suk a, amaute a si uh hi. Israel mite in namsau tawh a thah sangin tua gialpi hangin a si mi tam zaw hi.

Joshua 10:11 Referans Kwoze

Isaiah 28:2

En un, Topa in vanglian-in a hat mahmah mi khat nei hi; a susia huihpi gialpi, tuikhanglet leh a thahat huihpi bangin amah in leilak den’ gawp nading hi.

Thukhente 5:20

Vantung panin aksite in do uh a, amau paina ciat panin Sisera do uh hi.

Mangmuhna 16:21

Tua lai takin vantung pan tawi zali bang a gik gialpi kia a, mite in tua gialpi gimna hangin Pasian a kosia uh hi, bang hang hiam na cih uh leh, tua gimna in a lian mahmah hi.

Mangmuhna 11:19

Vantungah a om Pasian’ biakinnpi kihongin thuciamna singkuang biakinnpi sungah a kimuh khit ciangin khuaphelepte, kam aw gingte, vangingte, zinliingte, nakpi gialkiatnate a piang uh hi.

Ezekiel 13:11

Tu-in na kulh zut uh kicim ding hi. Tu-in guahpi ka zusak ding a, gialpite in tua kulh kha-in huihpi hat in mutgawp ding hi.

Isaiah 30:30

Topa in heh mahmahna leh a kangtum thei meikuang sung panin vanging leh huihpi leh gialpi tawh, ama liatna minthan’na aw kizasakin, ama khut a viik sukna kimusak ding hi.

Late 11:6

Migilote tungah amah in mei-am leh kat zusak ding a, amau ngah ding hai in huih sa mahmah hi ding hi.

Piancilna 19:24

Tua ciangin Topa in vantung panin Sodom leh Gomorrah tungah kaat leh meikuang zusak hi;

JOB (Job) 38:22

“Vuk a kikoihna mun-ah va lut ngei a, gial a kikholna mun va mu ngei na hi hiam?

Thu-hilhkikna 20:4

bang hang hiam cih leh note tungah gualzawhna a hong pia ding, na langte uh hong dosak dingin note tawh hong paikhawmpa in Topa na Pasian uh ahi hi,’ ci ding hi.

2 SAMUEL NIHNA 18:8

Tua gam maitang tung khempeuhah gal kikapna om kim hi; tua ni-in namsau’ thah sangin thudang hangin tulak-a si mi tamzaw hi.

JOB (Job) 38:23

Tuate, lungkham hun ciang ading, gal om hun ciang adingin ka koihcing ahi hi.

Late 147:17

Amah in suangtum bangin a tuikhalte hong lawnkhia hi; tua a votna kua in thuak zo ding ahi hiam?

Isaiah 28:21

Bang hang hiam cih leh a lamdang ama bawlna bawl ding leh a tumdang ama nasep sem dingin Perazim Mual tung a, a sep bangin Topa in hong sem ding a, Gibeon kuama a heh bangin amah hong heh ding hi.