Jonah 4:8 - Tedim Bible

⁸ Ni hong suah ciangin Pasian in nisuahna lam panin huih a sa mahmah nungsak a, ni in zong Jonah lu zang kapsuk veva ahih manin a gim mahmah hi. Tua ciangin amah in, “Ka nuntak sangin si leng kei adingin a hoihzaw hi,” ci-in a sih nading thu a ngen hi.

Tedim Bible Revision 2017

⁸ Ni hong suah ciangin Pasian in nisuahna lam panin huih a sa mahmah nungsak a, ni in zong Jonahʼ luzang kap suk veva ahih manin a gim mahmah hi. Tua ciangin amah in, “Ka nuntak sangin si leng kei adingin hoih zaw hi,” ci-in a sih nading thu a ngen hi.

Jonah 4:8 Referans Kwoze

Jonah 4:3

Tua ahih ciangin Topa aw, tu-in ka nuntakna hong la in, ci-in kong thuum hi: bang hang hiam cih leh ka nuntak sangin si leng kei adingin a hoih zaw hi,” a ci hi.

Ezekiel 19:12

Ahi zongin hehna tawh leenggui kizung bawh a, leilak kiden’na hi. Nisuahna huihpi hong nung a, a gah teng keutumsak hi. A hiangte kikuai-tan a, keu-in kihaltum hi.

Late 121:6

Sun-in ni in nang hong gimsak lo ding a, zan-in kha in nang hong sukha lo ding hi.

Mangmuhna 7:16

Amaute in a nung ciangin bangmah hunin gilkial dangtak nawn lo ding uh hi. Cikmah hun ciangin zong ni sa-a kipan a sa khempeuh tawh a kisu kha nawn kei ding uh hi.

Mangmuhna 3:19

Ka it khempeuhte a mawhna uh lakin ka hilh thei hi. Tua ahih ciangin lungsim citak-in kisikkik in.

Isaiah 49:10

Amaute gil kial lo, dangtak lo ding uh a, huihsa in hita leh nisa in hita leh amaute sukha lo ding hi, bang hang hiam cih leh amaute a hehpihpa in amaute lamkaih ding a, lui tui kiangah amaute paipih ding hi.

Jonah 1:17

Ahih hangin Jonah a nawmvalh dingin Topa in ngapi khat a geelkholh sa hi a, tua ngapi’ gil sungah Jonah sun thum leh zan thum sung a om hi.

Jonah 1:4

Ahih hangin Topa in tuipi tungah huih nakpi-in nung sak-a huihpi hat lua ahih manin teembaw a kisia dekdek hi.

Solomon la 1:6

Ka vom manin hong enneu kei un. Nisa ka thuakna hang ahi hi. Ka ute in kei hong gawtbawl uh a, lo hong kuan saksak uh a, keima pumpi ka don man kei hi.

Late 39:9

Hih banga bawl nangmah na hih manin pau loin ka om a, ka kam ka ka kei hi.

JOB (Job) 2:10

Ahih hangin amah in a zi kiangah, “Numei haite’ kampau bangin na pau hi. Pasian’ tung panin a hoih sang i hih ciangin siatna zong sang lo ding i hi hiam?” a ci hi. Hih thu khempeuh ah Job in a kampau nangawnin khial lo hi.

1 SAMUEL MASA 3:18

Tua ahih ciangin Samuel in ama kiangah a vekpi-in genin bangmah iim lo hi. Tua ciangin amah in, “Amah in Topa ahi hi; amah in hoih a sak bangin amah hih sak in,” a ci hi.

Siampi Laibu 10:3

Tua ciangin Moses in Aaron’ kiangah, “Topa in ‘Ka kiang nai-a a omte kiangah keimah a siangthoin ka kilak ding a, mite khempeuh mai-ah keimah hong kiminthangsak ding hi,’ a ci hi,” ci-in a gen hi. Aaron pau loin om hi.

Mattiu 20:12

‘A tum nunungte in nai khat bek na a sem uh hi. Sun nilohin nakpi na sem a, nisa thuak kote tawh hong kibangsak hi,’ a ci uh hi.

1 KUMPI MASATE 19:4

Ahih hangin amahmah gamlakah ni khat lam pai-in poding kung nuai khatah tu hi; tua ciangin amah in a sih nading ngenin, “Pha zo hi; tu-in Topa aw, ka nuntakna hong la ta in; bang hang hiam cih leh keimah in ka pate sangin ka hoihzaw kei hi,” a ci hi.

Hosea 13:15

Israel mite kiak bangin a pung ahi zongin sehnel gam panin nisuahna huih sa mahmah ka nungsak ding a, a tuikhukte uh leh a tuinakte uh a kangsak ding hi. Tua huih in a manpha nate leh deih theih peuhmah leen’ mang ding hi.

Jonah 4:9

Ahih hangin Pasian in Jonah kiangah, “Tua umgui hangin na heh ding kilawm na sa hiam?” a ci hi. Jonah in, “Ka heh ding kilawm sa tham loin heh lua-in ka si zongin kilawm ka sa veve hi,” a ci hi.

Piancilna 41:6

En in, tuate’ khit ciangin nisuahna huih in theemsakin a hawm vui sagih hong po khia hi.

1 KUMPI MASATE 21:4

Tua ciangin Jezre-el khuami Naboth in ama tungah a thugenna hangin hehna leh maikhin’na tawh Ahab a innah ciah hi; bang hang hiam cih leh amah in, “Ka pu ka pate’ gamh nang tungah kong pia kei ding hi,” a ci hi. Amah a lupna tungah lumin a mai hei a, an ne lo hi.

JOB (Job) 7:15

Tua ahih manin gui-awk ding ka ut zaw a, hih bang ka thuak sangin ka si nuam zaw hi.

Thuhilh-sia 7:9

Heh pahpah kei in, hehna in haihuai hi.