Jonah 4:5 - Tedim Bible

⁵ Tua ciangin khuapi pua lamah Jonah paikhia-a nisuahna lamah tu-in tua lai-ah ama ading bukno khat a lam hi. Tua khuapi bang hong ci ding hiam, cih en dingin a liim nuai-ah tu-in a ngak hi.

Tedim Bible Revision 2017

⁵ Tua ciangin khuapi pua lamah Jonah paikhia a, nisuahna lamah ama ading bukno khat lamin tua lai ah a tu hi. Tua khuapi bang hong ci ding hiam, cih a en dingin a buk liim nuai ah tu-in a ngak hi.

Jonah 4:5 Referans Kwoze

1 KUMPI MASATE 19:13

Elijah in a zak ciangin a puan tawh a mai tuamin paikhia a, leihawm lutna ah ding hi. En in, ama kiangah aw khat hong ging a, “Elijah, hih lai-ah bang hih na hi hiam?” a ci hi.

1 KUMPI MASATE 19:9

Tua ciangin leihawm khatah amah tungin tua lai-ah giak hi; en in Topa’ thu ama tungah hong tung a, amah in ama kiangah, “Elijah, hih lai-ah bang hih na hi hiam?” a ci hi.

Isaiah 57:17

Amau’ huaiham-mawhna hangin ka heh a, ka heh lungsim tawh amaute daan pia-in ka mai ka sel hi. Ahih hangin amaute a lungsim khauhin, a gamtat ngei bangun gamta veve uh hi.

Jonah 1:5

Tua ciangin teembaw hawlte lau uh a, a pasian ciat uh kiangah a kiko ciat uh hi. Teembaw a zan’ tuam nadingin a sung-a vante tuipi sungah a paai uh hi. Tua bang hi napi-in Jonah in teembaw sung a tawng lamah na lutsuk a, a na ihmu hithiat hi.

Jeremiah 20:9

Keimah in, “Ama’ thu ka gen kei ding a, ama’ min ka lo nawn kei ding hi,” ci mah taleng zong, ama’ thu ka lungsim sungah meikuang bangin hong om a, ka guh ka tang sungah kikhum cip ahih manin ka ki-ip ipna-in ka gim lua a, gen loin ka om thei kei hi.

Jonah 4:4

Topa in zong, “Na heh ding kilawm na sa hiam?” a ci hi.

Jonah 4:6

Topa Pasian in zong Jonah a liah ding leh a lungkhamna a tawldamsak dingin umgui khat a tungah a zaamsak hi. Tua ahih ciangin tua umgui hangin Jonah a lungdam mahmah hi.