Jonah 3:9 - Tedim Bible

⁹ Eite i sih loh nadingin Pasian kisik kik-in a hehna damsak lo ding hi, kua in ci thei na hi uh hiam?” a cisak hi.

Tedim Bible Revision 2017

⁹ Eite i sih loh nadingin Pasian kisikin a hehna damsak lo ding hi, kua in ci thei na hi uh hiam?” a cisak hi.

Jonah 3:9 Referans Kwoze

2 SAMUEL NIHNA 12:22

Amah in, “Naungek a hin’ lai-in an tangin ka kap hi; bang hang hiam cih leh, “Naungek a hin’ nadingin Topa in kei hong hehpih ding hiam hong hehpih lo ding hiam cih kua in thei ahi hiam?” ka ci hi.

Jonah 1:6

Teembaw ukpa in amah a muh ciangin, “Ihmu pa aw, bang na cihna hiam? Tho in la, na pasian kiangah thu ngen in! I sih loh nadingin amah in eite hong ngaihsun kha thei ding hi,” a ci hi.

Late 106:45

Amaute ading a ngaihsutna-in ama thuciamna a phawk a, ama itna kip lianpi tawh kizui-in a kolsak hi.

Amos 5:15

Thusia mudahin thupha deih un la, thukhen zumah a manin thu khen un. Tua hi leh, Josef minam a suakta sunte tungah, Topa, mihonpite’ Pasian hong thunuam kha thei ding hi.

Late 85:3

Na hehna khempeuh na damsak a, na sin so-na na daisak hi.

Late 90:13

Topa aw, hong kihei kik in! Bang tan sauvei ding ahi hiam? Na nasemte hong hehpih in!

Jeremiah 26:13

Tua ahih manin tu-in na nuntakdante uh leh na gamtatziate uh khel un la, Topa na Pasian uh’ thu ngai un. Tua hi leh Topa in note’ kisiat nading a gensa pen a khelkik ding hi.

Daniel 4:27

Tua ahih ciangin kumpipa aw, kong thuhilhna hong mang in. Mawhna bawl nawn kei in la, dik takin gamta in. Mizawngte hehpih leteh, tua in a sia a na gamtatna sate hong puahsak dinga na nuamsa toto ding hi,” a ci hi.

1 SAMUEL MASA 6:5

Tua ahih ciangin note in na gamsung uh hong sugawp na uilut limte uh leh na simbeng limte uh bawlin, Israelte’ Pasian’ tungah zahtakna na lak ding uh hi; note leh na pasiante uh leh na gam uh tungah amah in hong gawtna hong zangsak kha ding hi.

Jonah 1:15

Tua ciangin Jonah dom to-in tuipi sungah a khiat uh leh tuipi a daai pah hi.

Jonah 4:2

Topa’ kiangah thungen a, “Kong ngen hi, Topa aw, ka gam sungah ka om lai pekin hi ci mah in teh, ci hilo ka hi hiam? Tarshish khua-ah hanciam-a ka tai simna zong tua hang mah ahi hi; bang hang hiam cih leh nangmah in a hehpih thei Pasian, a heh hak, a migi mahmah, siatna tun’ sak nading a kisik kik nuam Pasian na hihna kong thei hi.

Zefaniah 2:3

Kiniamkhiatin, Topa’ thupiakna a mang, Judah gam mi khempeuh aw, Topa’ kiang zuan un. A manin gamta un la, kiniamkhiat un. Tua hi leh, Topa’ hehna hong kilat ni ciangin, tua hehna daan panin na peng thei ding uh hi.