Jonah 3:7 - Tedim Bible

⁷ Tua ciangin amah in Nineveh khua sung khempeuh thu thang sak-in a tangko sak a, “Kumpipa leh uliante’ thu tawh: Mihing ahi-a ganhing ahi zongin, bawng hon ahi-a tuu hon ahi zongin, bang mah ciam thei lo ding, an ne thei lo ding, tuidawn thei lo ding uh hi.

Tedim Bible Revision 2017

⁷ Tua ciangin amah in Nineveh khua sung khempeuh ah thu thangsakin taangkosak a, “Kumpipa le ulianteʼ thu tawh: Mihing ahi a, ganhing ahi zongin, bawng hon ahi a, tuu hon ahi zongin, kuamah in bangmah ciam thei lo ding, an ne thei lo ding, tui dawn thei lo ding uh hi.

Jonah 3:7 Referans Kwoze

2 KHANG TANGTHU NIHNATE 20:3

Tua ciangin Jehoshafat lau a, amahmah in Topa’ lamlah nading zong a, Judah gam khempeuh ah antan’ ding thu zasak hi.

Jonah 3:5

Nineveh khuamite in kisik kik-in Pasian a um uh a, antan’ nading thu thang sakin, a golpen pana kipan a neupen dongin ippi puan a silh uh hi.

Joel 1:18

A gilkial tuu leh bawngte cimawhin ham uh a, lonona mun om nawn lo ahih manin ganhing honte cimawh uh a, tuuhonte in zong haksatna thuak uh hi.

Ezra 8:21

Tua ciangin eite’ Pasian’ mai-ah kote kiniamkhiat thei-in kote leh ka naupangte uh leh ka neihsa khempeuh uh nuam takin ka khualzinna uhah ka pai theih nading uh Pasian’ tung pan ka nget theih nadingun Ahava lui-ah antan’ nading thu ka taangko hi.