Jonah 3:5 - Tedim Bible

⁵ Nineveh khuamite in kisik kik-in Pasian a um uh a, antan’ nading thu thang sakin, a golpen pana kipan a neupen dongin ippi puan a silh uh hi.

Tedim Bible Revision 2017

⁵ Nineveh khua mite kisikin Pasian um uh a, an tan ding thu thangsakin, a gol pen pan a kipan a neu pen dongin puanhampi a silh uh hi.

Jonah 3:5 Referans Kwoze

Luka 11:32

Thu a khen ni ciangin Nineveh khua mite in tu-a khang mite langkhat ah ding-in a mawhsak ding uh hi. Bang hang hiam na cih uh leh, Jonah in thu a hilh manin amau mawhna a kisikkik uh hi. Hih lai takah Jonah sangin a lianzaw mi khat a om hi.”

Mattiu 12:41

Thukhen ni ciangin Nineveh khuamite in tu-a khang mite lang khatah ding-in a mawhsak ding uh hi. Bang hang hiam na cih uh leh, Jonah in thu a hilh manin amau in mawhna a kisikkik uh hi. Hih lai takah Jonah sangin a lianzaw mi khat a om hi.

Daniel 9:3

An ngawlin, ippi puan silhin, vut lakah tu-in, Topa’ kiangah deihtakin thu ka ngen hi.

Joel 1:14

An tan’ ding thu pia un la, a thupi biak kikhopna bawl un. Note’ Topa Pasian’ inn sungah, makaite leh gam mi khempeuh khawm un la, Topa’ tungah kiko-in thuum un.

2 KHANG TANGTHU NIHNATE 20:3

Tua ciangin Jehoshafat lau a, amahmah in Topa’ lamlah nading zong a, Judah gam khempeuh ah antan’ ding thu zasak hi.

Hebru 11:1

Upna in lametnate telcianna hi a, a kimu nai lo nate theihtelna ahi hi.

Hebru 11:7

Noah in a muh nai loh thute-ah thupiakkholhna a ngah khit ciangin upna tawh Pasian kihta-in ama innkuanpihte gum dingin teembaw a lam hi. Tua upna hangin amah in leitung mite mawhna thu khenin a upna tawh kipawl dikkisakna a luah hi.

Sawltak 27:25

Tua ahih ciangin tote aw, lungnuamin om un. Bang hang hiam na cih uh leh, kei tungah thu hong piak bang ahih ding Pasian suangin ka om hi.

Sawltak 8:10

A neu a lian a om khempeuh in, “Hih mi in Lian kici Pasian’ vangliatna mah hi,” ci-in ama thu a ngai uh hi.

Jeremiah 42:8

Tua ciangin amah in Kareah’ tapa Johanan, amah tawh a omkhawm galkap mangte khempeuh leh a neupen pan-a kipan a lianpen dongin mi khempeuh a sam a,

Jeremiah 42:1

Tua ciangin galkap mangte khempeuh, Kareah’ tapa Johanan, Hoshaiah’ tapa Azariah leh a neupen pan-a kipan a lianpen dongin mi khempeuh hong paipih uh a,

Jeremiah 36:9

Josiah’ tapa Judah kumpipa Jehoiakim a maan’ zawh kum nga a phak kum, a kha kua kha-in Jerusalem khua-a om mi khempeuh leh Judah gam khuapite pana Jerusalem khua-a hong pai mite khempeuh in Topa’ mai-ah an tan’ ding thu a zasak uh hi.

Jeremiah 31:34

Kuamah in midangte leh a sanggamte uh’ kiangah, ‘Topa thei in,’ ci-in a kihilh nawn kei ding uh hi: bang hang hiam cih leh Topa in kong cih-inah, amaute a neupen panin a lianpen dongin, a vekpi-un kei a hong thei ding uh hi. Bang hang hiam cih leh amaute’ khialhnate ka maisak ding a, amaute’ mawhnate zong phawkin ka nei nawn kei ding hi,” a ci hi.

Ezra 8:21

Tua ciangin eite’ Pasian’ mai-ah kote kiniamkhiat thei-in kote leh ka naupangte uh leh ka neihsa khempeuh uh nuam takin ka khualzinna uhah ka pai theih nading uh Pasian’ tung pan ka nget theih nadingun Ahava lui-ah antan’ nading thu ka taangko hi.

Mangmuhna 11:3

Ka teci nihte zong thu ka pia ding a, amaute in khautang puan silhin ni tul khat, zanih leh sawmguk dongin kamsangte bangin thu a hilh ding uh hi,” hong ci hi.

Esther 4:1

Mordekai in hih thu piang teng a theih ciangin a puan balkekin puanhampi silhin vut kibuak a, nakpi takin kap kawmin khua sungah vak kawikawi hi.

Jonah 3:7

Tua ciangin amah in Nineveh khua sung khempeuh thu thang sak-in a tangko sak a, “Kumpipa leh uliante’ thu tawh: Mihing ahi-a ganhing ahi zongin, bawng hon ahi-a tuu hon ahi zongin, bang mah ciam thei lo ding, an ne thei lo ding, tuidawn thei lo ding uh hi.

Paikhiatna 33:6

Tua ahih ciangin Israel mite in Horeb Mual pan-a kipanin amau’ kizepnate suahkhia uh hi.

2 KUMPI NIHNATE 19:1

Kumpi Hezekiah in a zak ciangin, a dahna hangin a puante balkekin puanhampi silh a, Topa’ inn sungah pai hi.