Jonah 2:6 - Tedim Bible

⁶ Mualte’ bul tuipi taw dong ka va pai suk a, kongkhak hong kikhak nelh tawntungna mun ka tun’ hangin tua lei sung Hawmpi sung panin a nungta-in nong la to veve hi, Topa, ka Pasian aw,

Tedim Bible Revision 2017

⁶ Mualteʼ bul tuipi taw dong ka va pai suk a, kong hong kikhaknelh tawntungna mun ka tun hangin tua Leihawmpi sung panin a nungta-in nong la to veve hi, Topa ka Pasian aw.

Jonah 2:6 Referans Kwoze

Late 30:3

Topa aw, Leinuai panin kei nong paikhiatpih to khin a, Leihawm sunga pai khinsate lak panin kei nong nungtakik sak hi.

Late 16:10

Bang hang hiam cih leh keimah Leinuai nong zuan sak kei a, na mi hoihpa Leihawmpi na mu sak kei hi.

Isaiah 38:17

Gimna lianpi ka thuakna in keima metna hong suak ding hi. Lauhuaina khempeuh panin kei nong honkhia a, ka mawhna khempeuh na nungzang ah na koih hi.

Habakkuk 3:10

Mualliante in nang hong muh ciangin liing uh a, van panin guah tampi hong zu hi. Lei nuai-a om tuite ging zuazua a, a tuihualte in sangpipi banto hi.

Habakkuk 3:6

Amah a khawl ciangin leitung liing a, a et ciangin minam khempeuh liing uh hi. Taangtawng lai-a a totsa, taanglai mualliante kitamkham a, a om tawntung mualneute kimetcip hi.

Isaiah 40:12

Kua in ama khut kuak sungah tuite tehin, ama khaap tawh vantungte teh a,lawh sung khatah leitung leivui khempeuh guang-in, pongkhaina tawh mual liante khai a, tawi tehna tawh mual neute teh ahi hiam?

Late 143:7

Topa aw, kei hong dawng mengmeng in! Kei ka cimawh ta hi! Leihawm sung misite kiang-a paisukte tawh ka kibat loh nadingin kei kiang panin na maitang seel kei in.

Late 104:8

Nangmah in amau adinga na sehnasa munah mualte kahto-in, guamte kiasuk hi.

Late 104:6

Nangmah in, puan tawh tuam bangin leitung pen tui thukna tawh na tuam a; tuite in mualte tuumcip hi.

Late 65:6

nangma thahatna tawh mualte a bawl, vangliatna tawh a kidim,

Late 55:23

Ahih hangin Pasian aw, dum thukpenna munah nangmah in amaute na lawnsuk ding a, mi a thatte leh mikhemte pen amau nuntak ding zah lang hing lo ding hi. Ahih hangin keimah in nang kong muang ding hi.

Late 30:9

“Leihawm sungah paisukin ka sihna-ah bang metna om ahi hiam? Leivui in nang hong phat ding ahi hiam? Na thumanna gen ding ahi hiam?

JOB (Job) 33:28

Misite’ gam ka tun’ nading panin amah in kei hong kem a, tu-in kei ka nungta lai hi,’ ci ding hi.

JOB (Job) 33:24

Vantungmi in amah a hehpihna hangin, ‘Amah suaktasak in! Misite' gamah amah pai sak kei in. Amah tatkhiat nading hih lai-ah om hi,’ a ci ding hi.

Thu-hilhkikna 32:22

Bang hang hiam cih leh ka hehna in mei tawh kuang a, Leinuai thukna mun dong kuang hi, leitung leh a tunga piangte kangtum a, mualte’ bulpite’ kuangsak hi.

Mattiu 16:18

Ke’n kong cih-inah, nang, Piter na hi hi. Hih suang tungah ka pawlpi ka lam ding hi. Hel khua kongkhakte in tua pawlpi a zo kei ding uh hi.

Late 18:5

Leinuai sihna khaute in hong kancip a, sihna thangte in kei hong dawntuah hi.

Late 116:3

Sihna khau in kei hong gakcip hi; Leinuai sihna in kei hong mancip a, natna leh lungkhamna ka thuak hi.

Isaiah 38:10

Ka hat saan lai takin a si ding ka hi ta a, ka kum om lai teng khempeuh sihna kong ah a om dingin hong kiseh hi ta hi, ka ci hi.

Ezekiel 26:20

Tang lai-a a sisa mite tawh a teeng khawm dingin misite’ khua Leinuai-ah kong puak ding hi. Siatna a thuak tawntung lei nuai-a omte lakah kong koih ding a, a sisate tawh na om ding hi. Tua lai panin a hingte lakah a om kik dingin nong kik nawn kei ding hi.

Ezekiel 31:14

Tua ahih ciangin tu-a kipanin singkung khat beek, bang zahin tui a ngah hangin tua zahin khangin, a dawn in meiipi banin sang zo ngei nawn lo ding hi. Misite omna Leinuai khua a zuan ding a si thei mihingte mah bangin, singkung khempeuh a si ding ahi ta hi.

Late 69:2

Khe tawh din’ kip nading mun a om lohna buannawng thuk sungah ka tum a, tuithuk sung ka tung khin a, ka tungah tuikhang luang hi.