Jonah 1:6 - Tedim Bible

⁶ Teembaw ukpa in amah a muh ciangin, “Ihmu pa aw, bang na cihna hiam? Tho in la, na pasian kiangah thu ngen in! I sih loh nadingin amah in eite hong ngaihsun kha thei ding hi,” a ci hi.

Tedim Bible Revision 2017

⁶ Teembaw ukpa in amah a muh ciangin, “Ihmu pa aw, bang na cihna ahi hiam? Tho inla na pasian kiangah thu ngen in. I sih loh nadingin amah in eite hong ngaihsun kha thei ding hi,” a ci hi.

Jonah 1:6 Referans Kwoze

Jonah 3:9

Eite i sih loh nadingin Pasian kisik kik-in a hehna damsak lo ding hi, kua in ci thei na hi uh hiam?” a cisak hi.

2 SAMUEL NIHNA 12:22

Amah in, “Naungek a hin’ lai-in an tangin ka kap hi; bang hang hiam cih leh, “Naungek a hin’ nadingin Topa in kei hong hehpih ding hiam hong hehpih lo ding hiam cih kua in thei ahi hiam?” ka ci hi.

Efesa 5:14

Tua ahih ciangin: “A ihmu mi aw, Khanglo in la, sihna pan thokik in! Tua bang ahih leh, Khazih in nang tungah hong taang ding hi,” a ci hi.

Amos 5:15

Thusia mudahin thupha deih un la, thukhen zumah a manin thu khen un. Tua hi leh, Josef minam a suakta sunte tungah, Topa, mihonpite’ Pasian hong thunuam kha thei ding hi.

Sawltak 21:13

Paul in zong, “Bang dingin kapin ka lungsim kizan nading na hih uh hiam? Topa Zeisu’ min hangin Jerusalem khua-ah kihen tham loin, sihna nangawn thuak dingin ka omkhol hi,” a ci hi.

Joel 2:11

Ama mi honpite tam mahmah uh ahih manin, amaute thu pia-in a mai uh-ah Topa awng a, ama thupiakna banga a semte hat mahmah uh hi. Topa’ ni ding nak kihtakhuai mahmah ahih manin, kua in thuak zo peuhmah ding ahi hiam?

Ezekiel 18:2

“Israel gam sungah mite in zat bel-a a neih paunak, ‘A pate in leenggah thuk ne a, a tate’ ha kim,’ cihna pen bang a cih nopna ahi hiam?

Isaiah 3:15

Ka mite sucip-in, mi zawngte na gawina uh, bang na cih nopna uh ahi hiam? Vanglianpen Topa Pasian in ci hi.

Late 107:6

Tua ciangin amaute in a lungkhamna uh-ah Topa ko uh a, amau cihmawhna panin amah in honkhia hi;

Late 78:34

Amah in amaute a thah ciangin amaute in amah zong a, amaute kisikin, lungsim taktak tawh Pasian zong uh hi.

Esther 4:16

“Pai-in Susa khua sunga om Judah mi khempeuh khawm in la, keimah ngaihsutna-in an na tang un; a sun a zan ci loin ni thum sung an ne lo, tui dawn loin na om un. No tan’ mah bangin kei leh ka nasem numeite in zong ka na tang ding uh hi. Tua khit ciangin ngeina ahih loh hangin kumpipa kiangah ka va pai ding hi; ka sih leh zong a si ka hi ding hi,” a ci hi.

ROM (Romans) 13:11

Tua tham loin, eite hong gupna in eite upna ni tawh a nai sangin, tu-in hong naizaw ahih ciangin note in ihmutna pana khan’lawh nading hun hong tung zo hi ci-in na thei un.

Jonah 3:8

Mihing leh ganhingte in ippi puan silhin Pasian tungah nakpi-in kiko ta uh hen. Hi hi, mi khempeuh in a khialhnate uh leh a gitlohnate uh panin kihei ta uh hen.