Jonah 1:4 - Tedim Bible

⁴ Ahih hangin Topa in tuipi tungah huih nakpi-in nung sak-a huihpi hat lua ahih manin teembaw a kisia dekdek hi.

Tedim Bible Revision 2017

⁴ Ahih hangin Topa in tuipi tungah huih nakpi-in nungsak a, huihpi hat lua ahih manin teembaw a kisia dekdek hi.

Jonah 1:4 Referans Kwoze

Amos 4:13

Bang hang hiam cih leh mualte bawlin, huihte a piangsakpa, ama ngaihsutna mihingte tungah kilangsakin, sun nitaang kimlai zanin a bawlpa, leitung khempeuh a ukpa’ min in Topa, mihonpite’ Pasian ahi hi.

Late 135:7

Amah in leimong panin meiipi kai sakin, guahzuk nadingin khuaphialepte bawl a, ama saalte panin huih pusuak sak hi.

Paikhiatna 10:19

Topa in nitumna huihpi hat mahmah khat nungsak a, tua huih in kauphete laamto-in San Tuipi sung den’na hi; Izipt gam sungah kauphe khat zong om nawn lo hi.

Gamlak-vakna 11:31

Topa kiang pan huih nungin, tuipi panin vamimte hong puak a, giahphual kiang hih lam pang ni khat paina ciang, hua lam pang ni khat paina ciang mah’ giahphual kimkotah kia sak hi, lei maitang tungah tong nih bang sah hi.

Paikhiatna 15:10

Nang in na huih tawh na mut a, tuipi in amaute tuum hi; a kihtakhuai tui sungah haknaw bangin amaute tum uh hi.

Paikhiatna 14:21

Tua ciangin Moses in tuipi tungah a khut zan hi; Topa in zan tawntung nisuahna huihpi hat tawh tuipi leh luan’sakin, tuipi pen leikeu-in bawl a, tuite kikhen hi.

Paikhiatna 10:13

Tua ahih ciangin Moses in Izipt leitang tungah a ciangkhut zan a, Topa in tua sun tawntung leh tua zan tawntung leitang tungah nisuahna huih nungsak hi; zingsang ciangin nisuahna huih in kauphete hong tun’ khin hi.

Late 135:6

Vantung leh leitung, tuipi leh a thukna sung khempeuhah Topa in ama ut peuhpeuh a bawl hi.

Jeremiah 51:16

Amah a pau ciangin vantung-ah tuite ging hunhun a, leimong panin tuikhu a suaksak hi. Guahzuk nadingin khua phiasak a, a saal sung panin huih a nungsak hi.

Late 148:8

mei leh gial, tuikhal leh vuuk, ama thupiakna a mang huihpi!