Jonah 1:16 - Tedim Bible

¹⁶ Tua ciangin tua mite in Topa a kihta mahmah uh a, Topa’ tungah biakna pia-in thuciamna a bawl uh hi.

Tedim Bible Revision 2017

¹⁶ Tua ciangin tua mite in Topa kihta mahmah uh a, Topaʼ tungah biakna pia-in thuciamna a bawl uh hi.

Jonah 1:16 Referans Kwoze

Late 107:22

Lungdamkoh piaknate pia-in, ama nasepnate lungdam late tawh amaute gen sak un!

Late 50:14

Lungdam biakpiakna Pasian’ tungah pia un la, Sang Penpa tungah na thuciamnate uh bawl un;

Piancilna 8:20

Tua ciangin Noah in Topa’ adingin biakna tau khat lam a, a siangtho ganhing khempeuh leh a siangtho vasa khempeuh lak pan khat ciat la-in, biakna tau tungah meihal biakna pia hi.

Sawltak 5:11

Pawlpi buppi akipan tua thu a zate khempeuh in nakpi launa tawh a dim uh hi.

Marka 4:31

Ankam tang tawh a kibang hi. Ankam tang lei-ah a kicin’ lai takin, leitungah a om tang khempeuh lakah a neupen hi.

Jonah 1:10

Tua ciangin tua mite a lau mahmah uh a, “Bang hangin hih bangin hih mawk na hi hiam?” a ci uh hi. Bang hang hiam cih leh Topa kiangpan amah a taikhia sim ahih lam a gen khit sa ahih manin a thei khin zo uh hi.

Daniel 6:26

Ka gam sunga om mi khempeuh in Daniel’ Pasian kihta-in a zahtak nadingun thu ka pia hi. “Bang hang hiam cih leh, Amah in a nungta Pasian hi a; atawntungin a uk ding hi. Ama gam in kisia ngeilo ding a, a vangliatna a bei ngei kei ding hi.

Isaiah 26:9

Ka lungsim khempeuh tawh zanin nang kong deih a, zingsang khuavak ciangin lungsim tak tawh nang kong zong hi. Bang hang hiam cih leh leitung leh a mite tungah thu na khen ciangin leitung a, teeng mite in thuman i cih bang hiam, cih phawk ding uh hi.

Thuhilh-sia 5:4

Pasian tungah thu na ciam ciangin manlangin tung sak pah in. Amah in mihaite dik sa lo hi. Na thuciamna bangin tung sak in.

Late 116:14

Ama mi khempeuhte a omna mun, Topa’ tungah ka thuciamnasa ka pia ding hi.

2 KUMPI NIHNATE 5:17

Tua ciangin Na-aman in, “Tua ahih kei leh, kong thuum hi, na nasempa’ tungah la-sakol nih puak khop leitang hong pia in; bang hang hiam cih leh tu-a kipanin na nasempa in meihal biakna ahi a, biak piakna ahi zongin pasian khat peuhpeuh tungah pia loin Topa tungah ka pia ding hi.

Thukhente 13:16

Topa’ vantungmi in Manoah kiangah, “Nong khawlsak zongin na an ka ne kei ding hi; ahih hangin meihal biak nading a baihsa-in na bawl leh Topa tungah pia in,” a ci hi. (Bang hang hiam cih leh Manoah in amah Topa’ vantungmi ahi lam thei lo hi).

Piancilna 28:20

Tua ciangin Jakob in thuciamna khat bawlin, “Pasian in kei tawh hong om khop a, hih ka paina lampi-ah kei hong kep a, nek ding an leh silh ding puan hong piak a,

Jonah 1:14

Tua ahih ciangin amaute in Topa’ kiangah kiko-in, “Topa aw, hih mipa ka sihsak manun kote hong sisak kei in la, mi that hi, ci-in hong ngawh kei ta in, ci-in kong thuum uh hi; bang hang hiam cih leh Topa aw, nangmah in pha na sak banga na bawl ahi hi,” ci-in thu a ngen uh hi.

JOB (Job) 37:24

Tua ahih manin mi khempeuh in amah a zahtakna, mipil a kisate amah in a don lohna, lamdang sak ding hilo hi,” a ci hi.

Jeremiah 5:22

Kei hong kihta lo na hi uh hiam? Topa in kong ci hi. Ka mai-ah liing lo na hi uh hiam? Tuipi mongah sehnel keima’ koih hi-a, tui ka dal sak tawntung hi. Tuihualte in a lawhlawh hangin zozo lo uh a, a gin’ zuazua uh hangin kantan zo tuan lo uh hi.