Johan 9:5 - Tedim Bible

⁵ Leitungah ka om lai tengin leitung’ khuavak ka hi hi,” a ci hi.

Tedim Bible Revision 2017

⁵ Leitungah ka om lai teng kei pen leitung mite adingin khuavak ka hi hi,” ci-in a dawng hi.

Johan 9:5 Referans Kwoze

Johan 8:12

Khatvei Zeisu in, “Keimah in hih leitung khuavak ka hi hi. Ka nung hong zuite in khuamial lakah pai loin nuntakna khuavak a ngah ding hi,” a ci hi.

Johan 12:46

Kei hong um mi in khuamial lakah a om loh nadingin kei khuavakin leitungah kong pai hi.

Sawltak 13:47

Bang hang hiam na cih uh leh, Pasian’ thupiakna in: ‘Leimong dongin gupna na pian’sak nadingin, Gentailte’ khuavak dingin ka hong koih zo hi,’ a ci hi,” ci-in lau loin a gen uh hi.

Efesa 5:14

Tua ahih ciangin: “A ihmu mi aw, Khanglo in la, sihna pan thokik in! Tua bang ahih leh, Khazih in nang tungah hong taang ding hi,” a ci hi.

Sawltak 26:18

Tua Gentailte in khuamial sung pan khuavak lamah galkah a, Satan’ ukna pan Pasian kiangah kihei ding a, mawhna kimaisakna a ngah ding uh a, kei hong up manunah sian’thosakna a ngahsa mite tawh luahna a ngah khawm nadingun, amau mittang uh na hon’sak dingin, amau kiangah kong paisak ding hi,’ ci-in thu hong pia hi.

Mangmuhna 21:23

Ni tan’na, kha tan’na zong tua khuapi-ah a kisam kei hi. Bang hang hiam na cih uh leh, Pasian’ vang in tua khuapi a tangsak a, Tuuno in zong tua khuapi’ meivak ahi hi.

Mattiu 4:16

Khuamial sungah a om mite in, Khuavakna a mu uh hi; Sihna liim gam sungah a tute tungah, Khuavak a taang zo hi,” a ci hi.

Sawltak 26:23

Khazih in sihna thuak ding a, sihna pan a thokik masabel ahih ciangin, Judah mipawl leh Gentailte kiangah khuavakna thu a piang ding hi ci-in Moses akipan Pasian’ kamsangte’ thugenna mah kei in behlap loin milian, mineute kiangah teci-in ka pang hi,” a ci hi.

Malakhi 4:2

Ahi zongin ka thu a hong mang note tungah dikna ni hong taang ding a, tua in nizang bangin note tungah cidamna hong tun’ ding hi. Bawngkhumna panin a kikhah bawngnote bangin suakta-in nuam na sa ding uh hi.

Isaiah 49:6

amah in, “Jakob minamte a laamto ding leh ka kepsa Israel mite a ngei uh a bangsak kik ding in keima nasem na hihna pen a baih lua mahmah nasep ahi hi; keima hotkhiatna in lei mong dong a tun’ theih nadingin Gentailte tungah khuavak dingin nang kong pia ding hi,” hong ci hi.

Luka 2:32

Ka mitin ka mu zo hi,” a ci hi.

Mattiu 5:14

Note in leitung khuavak na hi uh hi. Mual dawnah a om khua kiliah zo lo hi.