Johan 9:41 - Tedim Bible

⁴¹ Zeisu in, “Note mittaw na hih uh leh, mawhna na nei kei ding uh hi. Ahih hangin ‘Khua ka mu uh hi,’ ci na hih uh ciangin na mawhna uh a om lai hi,” ci-in a gen hi.

Tedim Bible Revision 2017

⁴¹ Jesu in, “A mittaw hi le-uhcin mawhna tawh na kipelh ding uh hi. Ahi zongin khua mu thei ung, ci na hih manun na mawhna uh a ngei mahin a om lai ahi hi,” ci-in a dawng hi.

Johan 9:41 Referans Kwoze

Isaiah 5:21

Amau’ mit-ah pil kisa a, amau’ muhna-ah siam a kisate in gimna ngah ta hen!

Luka 18:14

Ke’n kong cih-inah, hihpa in mawhmaisakna ngahin innah a ciah hi. Farisaipa in ahih leh, mawhmaisakna a ngah kei hi. Bang hang hiam na cih uh leh, amah leh amah a kiphat mi khempeuh in niamkhiatna a ngah ding hi. A kiniamkhiatte in minphatna a ngah ding uh hi,’” a ci hi.

Hebru 10:26

Bang hang hiam na cih uh leh, thuman i theih khit ciangin i deihna zui-in i mawh kik leh, a nung ciangin mawh maisak nading biakna a om kei ding hi;

Paunak 26:12

A pil lo kimlai pil a kisapa sangin, mihaite’ adingin lametna om zaw lai hi.

Jeremiah 2:35

nangmah in, ‘Kei ka mawh kei hi; kei tungah Pasian heh nawnlo taktak hi,’ na ci hi. En in, ‘Kei ka mawh kei hi,’ na cih manin nang’ tungah thu kong khen ding hi.

Luka 12:47

“Nasempa in ama topa’ deihna thei napi-in kiging khol lo a, a topa’ deihna bangin na sem kei leh, nakpi satna a thuak ding hi.

Jeim 4:17

Tua ahih ciangin gamtatna hoih thei napi-in a gamta lo mi tungah mawhna a om hi.