Johan 8:58 - Tedim Bible

⁵⁸ Zeisu in, “Ke’n aman takpi kong cih-inah, Abraham’ pian’ ma-in kei ka om hi,” a ci hi.

Tedim Bible Revision 2017

⁵⁸ Jesu in, “A taktakin ci lehang, Abraham a pian ma-in kei ka om khin hi,” ci-in a dawng hi.

Johan 8:58 Referans Kwoze

Paikhiatna 3:14

Pasian in Moses’ kiangah, “KEIMAH ka hi hi,” ci hi. Tua ciangin amah in, “Israel mihingte' tungah hih thu gen in, ‘KEIMAH a kici pa in note' kiangah kei hong sawl hi,’ ci in,” ci hi.

Kolose 1:17

Tapa in na khempeuh a pian’ ma-in om a, amah hangin na khempeuh a kip hi.

Johan 17:5

Pa aw, leitung a om ma-in nangma kiangah ka neihsa minthan’na tawh tu-in nangma kiangah kei hong minthangsak in.”

Isaiah 44:6

Topa, Israel Kumpipa leh amah Honpa, Vanglianpen Topa in hih bangin gen a: “Keimah in a masa pen leh a nunung pen ka hi hi; kei sim loh Pasian dang om lo hi.

Mangmuhna 1:8

“Keimah in Alfa leh Omega ka hi,” ci-in tu lai taka om, a om ngei, tu nung ciangin hong pai ding mi ahi Vanglianpen Topa Pasian in a gen hi.

Hebru 13:8

Zeisu Khazih in zanni, tuni, atawntungin kikheel loin a om hi.

Johan 17:24

“Pa aw, kei nong piak mite in zong nong piaksa minthan’na a muh nadingun ka omna-ah na omkhawmsak dingin ka deih hi. Bang hang hiam na cih leh, lei pian’ ma-inah nong it hi.

Isaiah 48:12

“Jakob leh keima hong sap Israelte aw, ka thu ngai un! Kei in amah ka hi a, keimah in a masa hi-in, keimah in a nunung zong ka hi hi.

Mangmuhna 2:8

“Smurna khua-ah a om pawlpi’ vantungmi kiangah hih bangin gelh in. ‘A masa bel leh a nunung bel ahi tham loin, nidang lai-inah sihna a thuak zo, tu-in a nungta mi’ thupiakna in:

Isaiah 9:6

Bang hang hiam cih leh eite adingin naungek khat hong suak a, eite tungah tapa khat hong kipia hi; ama liangko tungah ukna om ding a, ama min pen, “Lamdang, Thulakpa, Vanglian Pasian, Tawntung Pa, Nopsakna Kumpi,” kici ding hi.

Micah 5:2

Bethlehem Efrathah khua aw, nang in Judah gamah khuaneupen khat na hi a, ahi zongin nang’ sung panin Israel a uk ding khat ka piangsak ding hi. Ama gui in nidang lai, taangtawng pek tawh kizom hi.

Isaiah 43:13

“Kei in Amah ka hi a, a kipat cil-a kipanin zong kei in Amah ka hi hi; keima khut sung panin a lakhia zo kuamah om lo hi; keimah in na ka sem a, kua in hong nokkhak zo ding ahi hiam?

Isaiah 46:9

Hun lui nate phawk un; bang hang hiam cih leh keimah in Pasian ka hi a, a dang om lo hi; keimah in Pasian ka hi a, kei tawh a kibang a dang om lo hi.

Isaiah 44:8

Lau kei un la, kihta kei un; tanglai pek panin note kiangah hong genin pulak khin hilo ka hi hiam? Note in keima tecite na hi uh hi! Kei sim loh Pasian dang om ahi hiam? Suangpi dang om lo hi; khat beek ka thei kei hi,” ci hi.

Johan 8:51

Ke’n aman takpi kong cih-inah, mi khatpeuh in ka thu a ngaih leh, sihna tawh a tawntungin a kipelh ding hi,” a ci hi.

Mangmuhna 1:11

“Nangmah in na muhte, lai sungah gelh in la, Efesa khua, Smurna khua, Pergamum khua, Thiatira khua, Sardis khua, Filadelfia khua, Laodikia khua-ah om pawlpi sagihte kiangah khak in,” ci-in hong genna kam ka za hi.

Johan 8:34

Zeisu in, “Aman takpi kong cih-inah, ‘Mawhna a bawlte khempeuh in mawhna’ sila ahi uh hi.

Johan 8:24

Tua ahih ciangin, nomau mawhna sungah na si ding uh hi kong ci hi. Bang hang hiam na cih uh leh, keimah in tua pa ka hih lam na up kei uh leh, nomau mawhna sungah na si ding uh hi,” a ci hi.

Johan 8:28

Tua ahih ciangin Zeisu in, “Note in Mihing Tapa na khaitoh khit uh ciangin, tua pa ka hih leh ka deih bang hih loin ka Pa in hong sinsak bangin hih thu ka gen hi cih note’n na thei ding uh hi.

Johan 10:25

Zeisu in, “Kong hilh khit hangin na um kei uh hi. Ka Pa’ min tawh ka bawl nalamdangte in ka teci ahi hi.