Johan 8:47 - Tedim Bible

⁴⁷ Pasian tawh a kipawlte in Pasian’ thu a ngai thei hi. Note in Pasian tawh kipawl lo na hih uh ciangin ka thu na ngai kei uh hi,” ci-in a gen hi.

Tedim Bible Revision 2017

⁴⁷ Pasian kiang panin a paite in Pasianʼ thugen za thei hi. Ahi zongin note pen Pasian kiang pan hi lo na hih manun Pasianʼ thu na ngai nuam kei uh hi,” ci-in a dawng hi.

Johan 8:47 Referans Kwoze

2 JOHAN NIHNA 1:9

Khazih’ thuhilhna-ah kip loin a zui khial mi in Pasian a nei lo mi ahi hi. Khazih’ thuhilhna-ah a kip mi in Pa leh Tapa a nihin a neikhawm hi.

Johan 18:37

Pilat in, “Tua bang ahih leh, nang Kumpipa na hi hiam?” ci-in a dot ciangin Zeisu in, “Kumpipa na hi nong ci hi. Kei ka hih leh, thuman thutak ading teci pang dingin ah leitungah kong kum a, kong suak hi. Thuman thutak a deih mi khempeuh in keima’ aw a ngai uh hi,” ci-in a gen hi.

1 JOHAN MASA 3:10

Tua bangin Pasian’ tate leh Dawimangpa’ tate a kikhen uh hi. Dikin gamta lo mi ahi zongin, a u a nau a it lo mi ahi zongin Pasian tawh a kipawl lo mi ahi hi.

Johan 8:45

Thuman thutak ka gen ciangin ka thu na um kei uh hi.

Johan 8:37

Note in Abraham’ suante na hih uh ka thei hi. Ahih hangin, ka thuhilhna in note sungah om nading ngah lo ahih ciangin note in thah dingin kei nong zong uh hi.

Johan 8:43

Bang hangin ka thu thei lo na hi uh hiam? Ka thuhilhna ngai nuam lo na hih uh ciangin, ka thu na thei kei uh hi.

Johan 6:65

Tua ahih ciangin, ka Pa in thu a piak kei leh, kuamah kei kiangah hong pai thei kei hi kong ci hi,” a ci hi. Tua bang a cihna in bang hang hiam i cih leh, kua in um lo ding ahi zongin, kua in lehheek ding cih ahi zongin Zeisu in a cil panin a thei hi.

3 JOHAN THUMNA 1:11

Ka it mi aw, a sia lam zui kei in, a hoih lam zui in. A hoih a gamta mi in Pasian tawh kipawl hi. A hoih lo a a gamta mi in Pasian a mu nai kei hi.

1 JOHAN MASA 5:1

Zeisu in Khazih ahi ci-a a um mi in Pasian’ pian’sak mi ahi hi. Pa a it mi in Pa’ pian’sak mi zong a it ding hi.

Daniel 12:10

Mi tampite kisiansuahin a hoih leh a hoih lo lam a kikhentel ding hi. Mi gilote in bangmah thei tel thei lo uh ahih manin a gi kei semsem ding uh hi. Ahih hangin mi pilte in theih tel theihna a nei ding uh hi.

Johan 5:25

Ke’n aman takpi kong cih-inah, a sisate in Pasian’ Tapa’ aw a zak nading uh a hun hong tung ding tham loin tu-in zong a tung zo hi. Tua aw a zate in a nungta ding uh hi.

Johan 12:48

Kei hong nolh a, ka thu a ngai lo mi in thukhen ding mi khat a nei hi. Ka hilhna thu in ni tawp Ni ciangin tua mi tungah thu a khen ding hi.