Johan 8:42 - Tedim Bible

⁴² Zeisu in, “Pasian in note’ Pa ahih takpi leh, note in kei nong it ding uh hi. Bang hang hiam na cih uh leh, keimah in Pasian kiang pan hong pusuakin kong pai hi. Keima ut bangin kong pai kei hi, Amah in kei hong sawl hi.

Tedim Bible Revision 2017

⁴² Jesu in, “Kei pen Pasian kiang panin hong pai-in hih lai ah hong om ka hih manin, Pasian pen na pa taktak uh hileh kei na hong it ding uh hi. Keima thu-in a hong pai tawm ka hi kei a, ama hong sawl ka hi hi.

Johan 8:42 Referans Kwoze

Johan 12:49

Bang hang hiam na cih uh leh, ka ut bangin ka gen kei hi, kei hong sawl Pa kiang panin bangci gen ding, bangci hilh ding ci-in thupiakna ka ngah hi.

Johan 14:10

Pa sungah ka om a, kei sungah Pa a om cih um lo na hi hiam? Note kiangah kong gen thu in keima thu hong hilh ka hi kei hi. Kei sunga teeng ka Pa in na hong sem ahi hi.

Johan 17:8

Bang hang hiam na cih leh, nong piak thute amaute ka pia a, amaute in a sang uh a; nangma kiang pan kong pai cih thei-in nangmah in na hong sawl hi cih a um takpi uh hi.

Johan 17:25

A siangtho ka Pa aw, leitung mite in nang a hong theih loh uh hangin, kei in kong thei hi. Hih mite in kei nong sawlpa ka hihna a thei uh hi.

Malakhi 1:6

Vanglianpen Topa in siampite tungah hih bangin hong ci hi: “Tapa in a pa zahtak a, nasempa in a topa kihta hi. Keimah in na pa uh hi napi, bang hangin hong zahtak lo a, na Topa uh hi napi, bang hangin hong kihta lo na hi uh hiam? No siampte in kei hong simmawh napi-in, ‘Bang hong ci simmawh ka hi uh hiam?’ na ci lai uh hi.

Johan 1:14

Thu in mi bangin hong suak a, hehpihna leh thuman thutak tawh kidimin eite lakah a om hi. Pa in a Ta khat bek a piaksa minthan’na bangin ama minthan’na ka mu uh hi.

1 JOHAN MASA 4:14

Pa in a Tapa leitungmite’ Gumpa a suah nadingin hong sawl thu kote in thei-in teci ka pang uh hi.

Johan 5:43

Kei in ka Pa’ min tawh kong pai hangin nong sang kei uh hi. Midang khatpeuh amahmah min tawh hong pai leh, na sang ding uh hi.

1 KORIN MASA 16:22

Mi khat peuhmah in Topa a it kei leh, tua mi in hamsiatna thuak ta hen. Topa hong pai hi!

Johan 3:17

Bang hang hiam i cih leh, leitung mite’ thukhen dingin Pasian in a Tapa leitungah hong paisak kei hi. Leitung mite in amah hangin gupna a ngah nadingun a hong paisak hi.

Johan 5:23

Thukhen nading thu khempeuh Tapa a pia hi. Tapa a zahtak lo mi in Tapa a sawlpa zong a zahtak kei hi.”

Mangmuhna 22:1

Tua nung ciangin vantungmi in kei kiangah kristal suangmanpha tawh kibangin tangin, Pasian leh Tuuno’ tokhom pan pusuakin, khuapi lampi laizang tawntungah a luang nuntakna gun hong lak hi.

Galati 4:4

A hun a cin’ ciangin eite in tapa’ za i ngah nadingin Thukham khut nuai mite tankhia dingin numei gil sungah hong gai-in, Thukham khut nuaiah a hong suak a Tapa Pasian in a sawl hi.

Johan 8:14

Zeisu in, “Keimah in kei ading teci ka pan’ hangin ka teci pan’na a man hi. Bang hang hiam na cih uh leh, keimah in koi lam pan hong pai a, koi lamah ka pai ding cih ka thei hi. Note in ahih leh, koi lam pan hong pai a, koi lamah ka pai ding cih na thei kei uh hi.

Johan 13:3

Pa in na khempeuh ama khut tungah a apna thu ahi zongin, amah in Pasian kiang pan a hong paina thu ahi zongin, Pasian kiangah a paikik nading ahi zongin a theih ciangin,

Johan 16:30

Na khempeuh na thei khin a, kuamah in nang hong dot nading thu a om kei hi ci-in tu-in ka thei uh hi. Tua ahih ciangin nangmah in Pasian’ kiang pan hong pai na hi ci-in ka um uh hi.” a ci uh hi.

1 JOHAN MASA 5:20

Tua banah Pasian’ Tapa hong pai a, thuman thutak Topa i theih nadingin pilna eite a hong piak thu zong i thei hi. Tua tham loin, a Tapa Zeisu Khazih ahi tua thuman Topa sungah i om hi ci-in i thei hi. Hih Topa in Pasian taktak ahi hi; nuntak tawntungna zong ahi hi.