Johan 8:34 - Tedim Bible

³⁴ Zeisu in, “Aman takpi kong cih-inah, ‘Mawhna a bawlte khempeuh in mawhna’ sila ahi uh hi.

Tedim Bible Revision 2017

³⁴ Tua ciangin Jesu in, “A mantakin ci lehang mawhna a bawl mi peuhmah mawhnaʼ sila ahi uh hi.

Johan 8:34 Referans Kwoze

ROM (Romans) 6:16

Mi khat kiangah sila dingin note na tum uh leh, tua mi in sihna tawh kituak mawhna thu ahi zongin, dikna tawh kituak thu ngaihna ahi zongin, note’ to ahih thei lo na hi uh hiam?

2 PETER NIHNA 2:19

Amaute pumpi uh kisiatna’ sila ahi napi-in, “Suahtakna ka hong pia ding uh hi,” a ci uh hi. Bang hang hiam na cih uh leh, mi a zo thei na in tua mi’ topa ahi hi.

Paunak 5:22

Migilopa’ mawhna in thangzak bang hi a, ama mawhna thang sung mahah amah awk hi.

ROM (Romans) 6:12

Tua ahih leh, note in deihgawhna na zuih nadingun, khialhna in a si thei na pumpi sung uh ah na ki-uksak kei un.

ROM (Romans) 6:6

Khialhna tawh kipawl pumpi a kisuksiat nading ahi zongin, eite in mawhna’ sila a, i om loh nading ahi zongin, eite pumpi lui in amah tawh singlamteh tungah sihna a thuak khawm zo hi cih i thei hi.

Titu 3:3

Bang hang hiam na cih leh, nidang lai-inah eite in zong a pil lo mi, thungai lo mi, kheemna a thuak mi, deihgawhna a pawlpawl leh gualnop uukna’ sila i hi a, hazatna, en’na a gamta mi, a muhdahhuai mi, khat-le-khat kimudah mi i hi ngei hi.

ROM (Romans) 7:25

Eite hong hon Topa Zeisu Khazih hangin Pasian’ hehpihna ka phat hi! Tua ahih ciangin ka lungsim hangin Pasian’ thukham deihna ka zuih hangin, ka pumpi hangin mawhna’ Thukham deihna ka zui hi.

1 KUMPI MASATE 21:25

Ama zi Jezebel in a hanthot Ahab bangin Topa’ muhna ah a sia gamta dingin amahmah a kipia tawm mi kuamah om lo hi.

ROM (Romans) 8:21

Pasian’ tate’ vangliatna tawh kipawl khahkhiat nopsakna ahi, kisiatna hen gawpna panin kikhahkhia-in nopsakna ah a tum ding ci-in lamet nading thu pia a, a kisia thei gam lam a zuisakpa’ deihna bang bek a zui uh hi.

ROM (Romans) 7:14

Thukham in Kha Siangtho tawh kipawl ci-in i thei hi. Keimah in mawhna khut sungah a kizuak, a si thei leitungmi ka hi hi.

Sawltak 8:23

Bang hang hiam na cih leh, nangmah in a kha sinkha na nei a, mawhna kikhihna na thuak hi cih ka thei hi,” a ci hi.

Johan 3:3

Zeisu in, “Ke’n aman takpi kong cih-inah, mi khatpeuh mah in khatvei a suahkik kei leh, Pasian’ Gam a mu thei kei ding hi,” a ci hi.

Mattiu 5:18

Aman takpi kong cih-inah, van leh lei a mangthang zongin thu khempeuh a kicin’ matengin Pasian’ Thukham a neupen nangawn kisia ngei lo ding hi.